2 Akorintiyu 11:3 - Hapari Zooshapweya

³ Etthu kinweraweraaye, na kinoovaaye ti yoori nkhama etthiipo nyookha na olavilavi aya yanttettekhiyeeyo Haawa, akhili zenu mweeyo wiiya zootapanyiwa khulikha ookhweele na aputu swaafi ya Al-Masiihu.

2 Akorintiyu 11:3 Mawu Ofanana

Mwanzo 3:1

Nyookha yaari nlavilavi zayita nyama zooshi za ntthuttu Nnyizinku Nluku ompiyeeyo. Khumuuzela muukha eraka: “Atthi Nluku alupa yoori mwihije mishumo za miitthi zooshi ziriiye nwoorotha mphu?”

Mwanzo 3:13

Nnyizinku Nluku khumuuzela muukha araka: “Niini eto orettiyeeyo?” Muukha khujipu yoori: “Nyookha ti ye ekittettekhiyeeyo, miiyo khuja.”

Mwanzo 3:20

Pinaatamu khuntthaja muukhaawe nzina la Haawa, mwaasa wa wiiya maama wa anaatamu ooshi.

Mwanzo 3:4

Aphano nyookha khumuuza muukha otule yoori: “Hatha khamwimfwa!

Matewuzhu 24:24

Maana anlawa apuwe Al-Masiihu oojipanka na manapiyu oojipanka anttelaaye oretta alama khulukhulu na vitthu zootikinisa yoori awaahate hatha apale oothawuliwa.

Yaahaya 8:44

“Mweeyo mwinaaye papeenu, sheethwani, na mwintakha oretta etile enintuvelaaye. Ye namahusuti waaza omwanzweene wala khanalotteleke haakhi, maana ye khana haakhi. Amana ahataka onlupa mattakhuzi awe, maana namahata, paapa wa ohata.

Arooma 12:8

nkhama ti ya owaalipisela azaawo, owaalipisele. Nkhama ti ya winkha, winkhe wahurumavo; nkhama ti ya olokozela, olokozele na phoole; nkhama ti ya othoonyeza tthakaraka, othoonyeze na furaha.

2 Akorintiyu 1:12

Opo ojishashawula weetthu: akhili zeetthu enlaza oshaahiti yoori khanilokoziweeni ti olumwenku, ila osiilana weetthu na mweeyo khwa ottakatthifu na ookhweele onlankhaaye wa Nluku, woohiiyi khwa ojuwa wa enaatamu, ila khwa rehema ya Nluku.

2 Akorintiyu 11:20

Wekhweele, mweeyo mwiniwaavilela mpakha apale anuuhukhumwaanini, ama anuttapwatthaanini, ama otule anjikhutupulaaye, ama anvulalisaaye wuuso enu.

2 Akorintiyu 11:29

Amana ntthu atteettheya, na miiyo theenya kiniiya woottettheya. Amana ntthu akwela ntwampi, miiyo kiniiya wawantipweya.

2 Akorintiyu 2:17

Maana fweeyo khaniri nkhama atthu awaatta anlaleyaaye nttakhuzi la Nluku nkhama zanshara. Ila Nluku ti anirumiyeeyo, tiito ninlaleyaaye hapari zawe na khweele enakatthi yawe, nkhama akarumeya a Al-Masiihu.

2 Akorintiyu 4:2

Ninkatthala vitthu zooshi za haaya enrettiwaaye sirini, khaninrumeyela ohata, wala otapanya nttakhuzi la Nluku. Olikha toowo fweeyo ninthoonyeza haakhi, nintumerelana khwa akhili za atthu ooshi enakatthi ya Nluku.

Akaalata 1:6

Kashanka mwaasa wa owoonani nasaapiru omwanswi otule ookhuweliyeenini khwa rehema ya Al-Masiihu, khweettela mwentto wa hapari kiina.

Akaalata 2:4

Ila akina aajikusanyiye nkhuntti mweetthu, khujiretta wiiya attwiizetthu nkatthi wa amini, khusala atakha onkhiriyisa. Apo aya aateeliye othurumela otaphuliwa niriinaaye khwa Yinsa Al-Masiihu yoori anirutisele nkatthi wa oviitthwaana.

Akaalata 3:1

Oo alolo Akaalata! Paani oolowiyeenini? Yinsa Al-Masiihu aasaruleliwe omaasho weenu khukhomeliwa vansalapa!

Akaalata 4:11

Maana kinoova khwa mweeyo yoori khaazi kikholiyeeyo khina fwayita.

Ayeefezu 4:14

Aphano nihiiye theenya nkhama asimaana oothuuliwa ti mawipi, wala weeseleliwa okhuno na okhule ti pheevo ya wakhula mwentto, ohata na olavilavi wa atthu oovonyisana.

Ayeefezu 4:22

Khwa mwentto wa meekhazi apale a raku, mwasomisiwa olikha ontthu opule wa raku, woojitapanya khwa tuvela zenu zoohata,

Ayeefezu 6:24

Rehema yiiye vamote na ooshi apale animphetaaye Mbwana eetthu Yinsa Al-Masiihu na pheta khaamili.

Akoloosu 2:18

Mwihinlikhelele ntthu onintuvelaaye ojipushuwisa woovonyeya na khwa waaputu malayikha wuukarawelani opattha tthuvo. Ntthu aya oto onthatela saaneene jozi zawe, na akhili zawe za onaatamu enimwinkha ojikhupali.

Akoloosu 2:4

Miiyo kiniwuuzani epo yoori ahiiyevo antakhaaye wuuhatani na mattakhuzi olattanana oshapweya.

Akoloosu 2:8

Mwiiyane phoole yoori ahiiyevo anttelaaye wuurettani oviitthwaana mwaasa wa masomi oohiina fwayita na oottettekha, anlankhaaye khwa thwapiya za oonaatamu na yaazo yoolankha voolumwenku attaapha, zohiiyi khwa Al-Masiihu.

1 Atizaloonika 3:5

Mwaasa wa ethiito, khuhivileli theenya, khunruma Timootiyu yoori alawe ajuwe monkoni wa amini mwiriinaaye. Maana miiyo kaari woova yoori namazayini ahuuzayinini, mpakha khaazi yeetthu yooshi eretteya ohiina fwayita.

1 Timootiyu 1:3

Nkhama etthiipo kaawuuziyeezo wakathi opule kaari weettaaye nti wa Masetooniya, yoori amana osala nti wa Eefezu owaahirimize atthu akina yoori ahikhanyarele osomisa mwentto woovonyeya.

1 Timootiyu 2:14

Aattettekhiweeyo khahiyo Adamu, muukha ti ye aattettekhiweeyo, khusutukhwana akwelaka ntwampi.

2 Timootiyu 3:13

Olikha toowo, atthu ootakhala rooho na oojinkhelela eniweettettela zootakhala wootepavo, attettekhaka nayo attettekhiwaka.

Tiitu 1:10

Maana awaapho alolo enkeene, anamattakhula na anamattettekha, haaswa-haaswa apale alankhiyeeyo nkhuntti ya anamakhiriya.

Meepereewu 13:9

Mwihijilikhelele mwithuuliwaka pi masomi ofwarikhana na oohijuweyi. Afwataali rooho wiiya yoolipisiwa ti rehema woohiiyi khwa vitthu zoojeliwa majampo, etthiipo zihiniwapatthisaaye fwayita apale anjaaye.

2 Pheeturu 3:17

Nakataalikha, aphetani aka mwahirimiziwa, yoori mwiiyane phoole! Mwihijilikhelele mwikwaka puuro mwiriiye yookhomaala, mwitthempiwaka pi ottettekha wa atthu aya apo ootakhala rooho.

2 Pheeturu 3:3

Khapula ya vitthu zooshi mwijuwe yoori, siikhu za mwiisho, anteela opuwa anamaveyisa aveyisaka na alottelaka tuvela zaya zootakhala.

1 Yaahaya 2:18

Aanaaka, mwijuwe yoori opu wakathi wa mwiisho; nkhama etthiipi mwisiiliyeezo oriwa onteela ota atuwi wa Al-Masiihu, aphano maatuwi a Al-Masiihu awaatta ampuwelela. Ti etthu ninjuwelaaye yoori opu wakathi wa mwiisho.

1 Yaahaya 4:1

Aphetani aka, mwihiwaakhupali ooshi anraaye anaaye rooho ya Nluku, ila mwisala mwinzaani khoona nkhama enlankha wa Nluku, maana manapiyu awaatta oojipanka amwazeyela voolumwenku.

Yuuda 1:4

Nakataalikha atthu akina, ahinimoovaaye Nluku ata vakatthi venu woohisopheliwi. Yo anzukulisa rehema ya Nluku khwa vitthu zoovonyeya. Na aninkatthala Yinsa Al-Masiihu, Mfwalume eetthu na Mbwana eetthu otthwe. Raku zeene Zawaatikhiwa Ttakatthiifu zalupa hukhumu yo apwekheriyeeyo.

Othoonyeziwa 12:15

Aphano jahanamu khuchuwa maati nkhanyo mwawe nkhama muuttho, yoori ansikane muukha otule na ampurule na nziko wa maati.

Othoonyeziwa 12:9

Jahanamu khuluyeene khweeseleliwa oje. Ye ti nyookha ya raku eniitthiwaaye Epiliisi ama Sheethwani, namahata wa olumwenku wooshi, khweeseleliwa va tuniya na malayikha awe.

Othoonyeziwa 20:2

Ye khukhola jahanamu, nyookha etile ya raku yiiyiyeeyo Epiliisi, Sheethwani, na khunfukana likwinjili nyaakha alufu,