2 Akorintiyu 11:23 - Hapari Zooshapweya

²³ Yo akarumeya a Al-Masiihu? Aphano ki woovevereya! Miiyo theenya kakhola khaazi channu. Kaafukeliwe swaafu zawaatta. Khujaphiwa nakuvu, swaafu zawaatta na khusala kisaleela ofwa.

2 Akorintiyu 11:23 Mawu Ofanana

2 Akorintiyu 6:9

nkhama oohijuwiwi, ila nijuwiwaka saaneene; nkhama niri ofwa, ila niri haayi; nkhama oovulalisiwa, ila khuhifwi;

2 Akorintiyu 3:6

Ye aninkha makhaamu a wiiya awaziri a osiilana mpheya, ohiiyi a kano, ila a rooho; maana kano enuula, ila Rooho ya Nluku eninkha ohaayi.

1 Akorintiyu 15:10

Ila khwa rehema ya Nluku, karetteya nanna eti kiriizo, na rehema yawe khwa miiyo khahiyo etthu yoohiina fwayita; khapulathi, kakhola khaazi channu zayita yo ooshi; khwa zooshi, khahiyo miiyo, ila rehema ya Nluku khwa miiyo.

Akoloosu 1:29

Tiito miiyo kinjilipisa, kuumanaka khwa kuvu zawe, enkholaaye khaazi woowahivo khwa miiyo.

Akoloosu 1:24

Aphano kinfurahi khwa ohoowa waka khwa mweeyo, na kinlikanisela mmwiili mwaka etile ensalaaye khwa ohoowa wa Al-Masiihu, zwaamu ya mwiili awe, wiiyiyeeyo ojama wa Nluku.

Khaazi 9:16

Kinlawa kanthoonyeze Sawulu nanna anttelaaye ohoowa mwaasa wa nzina laka.”

Filimooni 1:9

kinhithari oretta nkhuwo wa pheta. Miiyo, Paawulu, kooluvala na nasaapi eti theenya ki namafukiwa mwaasa wa Yinsa Al-Masiihu,

2 Timootiyu 2:9

Miiyo kinhoowa mwaasa wa hapari etthiipo mpakha ofiyelela ofukiwa nkhama nazompere; ila khalifukiweeni nttakhuzi la Nluku.

1 Akorintiyu 3:5

Amajaali, Paawulu paani? Wala Apoolu paani? Yo akarumeya vakatthi wa atthaapo mweeyo mwifiyeleliyeeyo okhupali, khwa khaazi etile Nluku amwinkhiyeeyo wakhula mmote.

Meepereewu 10:34

Mweeyo mwahoowa vamote na apale aari nkalapooso na khukhupalela onyakanyiwa vitthu zenu, mwaari ovilela na furaha khuluyeene, maana mwaajuwiye yoori mwinteela opattha maali zooziti epile na zoohiishi.

2 Timootiyu 1:16

Mbwana ti oonele huruma vaje wa Onisiiforu, maana swaafu zinki ti aari okilipiselaaye woohimpatthisi haaya ofukiwa waka.

2 Timootiyu 1:8

Nakataalikha, ehuupatthiseni haaya onlawela oshaahiti Mbwana, wala khwa miiyo, kiiyiye napherezu awe, ila ohoowe vamote na miiyo mwaasa wa hapari zooshapweya khwa owahi wa Nluku.

1 Timootiyu 4:6

Amana weeyo owaanozela attwiizo mattakhuzi apa, oniiya karumeya wa Yinsa Al-Masiihu wookemaani, ojilipisanaka mattakhuzi a amini na masomi ookhweele apa olottiyeeyo.

1 Atizaloonika 3:2

na etthiipo, khunruma Timootiyu, ttwiiyetthu na nakhaazi wa Nluku khwa hapari zooshapweya za Al-Masiihu, yoori ookhomaazeni na wuuthuzani nkatthi wa amini,

Afiliipu 2:17

Khwa zooshi, hatha nkhama keetta oshuluulisiwa nkhama zaakha yoonywiwa monkoni wa twaha ya amini yenu mwinimwinkhaaye Nluku, kiwoofurahi na kintthapa na mooshi mweeyo.

Afiliipu 1:13

Nkhama swamiima, zaarettewa wiiya za wooneya khwa anamweekesela ooshi a nyuupa ya nsatoro na atthu ooshi khwiiya oojuwa yoori kiri nkalapooso mwaasa wa Al-Masiihu.

Ayeefezu 6:20

Kafukiwa na makwinjili mwaasa wa onakhaazi wa hapari zooshapweya, mwikilompele yoori kiiye woominyala kisala kilaleya khwa nanna kiriinaazo ya olupa.

Ayeefezu 4:1

Tiito kinuuvekelanini, miiyo kiiyiye napherezu khwa Mbwana, yoori mwiikhale khwa mwentto woosuhi khwa okhuweliwa otthuupo mwipwekhereliyeeyo.

Ayeefezu 3:1

Mwaasa wa ethiito, kininvekela Nluku miiyo Paawulu, kimpattikhanaaye kiri napherezu khwa Al-Masiihu yoori mweeyo mwiiyiye amalapo mwiiye saana,

2 Akorintiyu 11:5

Miiyo akinjoona hatha vattitthiiru ohiina fwayita zayita maaswihaapa apo awulu.

2 Akorintiyu 10:7

Mweeyo mwinoona vitthu oje waya paasi. Nkhama ntthu onkhupalela yoori ti wa Al-Masiihu, ona ya ojoona opheya mweenyewe yoori etthiipo eeyiyeeyo wa Al-Masiihu na fweeyo theenya na a Al-Masiihu.

2 Akorintiyu 4:11

Khwa etthiipo fweeyo niriiye haayi, wakhula wakathi nineekesela ofwa mwaasa wa Yinsa, yoori ohaayi awe othoonyezeye khwa mwiili etthu onfwaaye.

Arooma 8:36

Nkhama yaatikhiweezo yoori: “Mwaasa wa wuupheta weeyo, wakhula siikhu nineekesela ofwa, narettiwa nkhama pwittipwitthi enttelaaye oshijiwa.”

Khaazi 28:30

Khwa nyaakha miwiri Paawulu aari nnyupa ethiitile aarentteriyeeyo na khusala awaapwekherela ooshi apale aari oteelaaye omoona,

Khaazi 28:16

Wakathi nifiyeevo Rooma, Paawulu khwinkhiwa ruhusa ya wiikhala otthwe, na weekeseliwa ti najanka mmote.

Khaazi 27:1

Wakathi naalakeliyeevo olokhela Etaaliya, Paawulu na anapherezu akina khwinkhiwa namalokozela mmote aari wiitthiwaaye Zhuuliyu, aari nttunkhulu wa khuntti ya anajanka ya mfwalume wa Rooma.

Khaazi 25:14

Eeshiyeevo siikhu zawaatta ari ottuukhule, Feeshitu khumuuza milattu epile za Paawulu mfwalume yoori: “Owaamo mwinyi mmote mphu Feelishi anfukeliyeeyo.

Khaazi 21:11

Khuta vahali naariivo, khuthuula nzako wa Paawulu, khufuka moolu awe na makhono awe khusala alupa yoori: “Rooho Ttakatthiifu yalupa yoori mweenyewe nzako opu onteela onfukiwa khwa nanna ethiiti ti mayaahuuti Yeruzaleemu, enkheleliwe mmakhono wa amalapo.”

Khaazi 20:23

Ila kinjuwa yoori Rooho Ttakatthiifu wakhula sitati kineettaaye ye enikuuza yoori oniweekesa ohoowa na weetta nkalapooso.

Khaazi 14:19

Aphano khuta mayaahuuti akina oolankha sitati ya Antiyookiya na Ekooniyu, khushintta khuntti etile ya atthu apale, khusala anvonya Paawulu na mawe, khumweeselela othetekele wa sitati, oonaka yoori eetta ofwa.

1 Akorintiyu 4:1

Nakataalikha, mweeyo mooshi mwinoone wiiya akarumeya a Al-Masiihu, eeyiyeeyo anamalikheliwa weettettisa shawuri ya siiri za Nluku.

1 Akorintiyu 4:9

Maana miiyo kinoona yoori Nluku anittha fweeyo, maaswihaapa, puuro ya wiishela, nkhama atthu ohukhumweliwa ofwa. Naretteya wiiya anamooniwa a voolumwenku, waaza malayikha mpakha anaatamu.

1 Akorintiyu 4:11

Mpakha nasaapi ti yanipattha jala, nnyottha na othowiwa ti kuwo, nintthanttiwa wootakhalavo, khanina nyuupa khaamili,

Akaalata 6:17

Woohiivo etthu kiina, ahiiyevo antakhaaye okiwuti, maana kintana mmwiili mwaka alama za Yinsa.

2 Timootiyu 3:11

lupattha na ohoowa zikivireliyeeyo, vitthu zikirettikhaneliyeezo Antiyookiya, Ekooniyu na Liishitera. Swaafu kavi kivileliyeeyo lupattha! Ila khwa vitthu zooshi epo Mbwana akitaphula!