2 Akorintiyu 11:13 - Hapari Zooshapweya

¹³ Maana atthu aya apo maaswihaapa oojipanka, akarumeya oottettekha, ajinkha wiiya maaswihaapa a Al-Masiihu.

2 Akorintiyu 11:13 Mawu Ofanana

Matewuzhu 25:24

“Mwiisho khuta otule aapwekheriyeeyo nzurukhu milikhi moote khuri: ‘Miiyo kaajuwiye yoori Mbwana o ntthu woozivala, onuurulaaye na epile ohikheyeeni na okusanya epile ohizaleeni.

Khaazi 15:1

Atthu akina a Yudeya khuta mpakha Antiyookiya, noofiya khusala awaasomisa attwi zaya awoozaka yoori: “Mweeyo amana mwihikhiriyi nkhama etthiipo Munsa anisomisiyeezo khamwinteela wuusurukha.”

Khaazi 15:24

Nasiila yoori, vakatthi veetthu alankhavo atthu ata ottuukho oteela wuutapanyani na mattakhuzi oovonyeya arutiselaka nyuma nafusi zenu woohirumiwi ti fweeyo.

Khaazi 20:30

Mweeyena ru anlawa apuwevo akina anttelaaye okarawela haakhi yoori awaathowelelise attwiizaya.

Arooma 16:18

Maana atthu aya apo khaninrumeyela Al-Masiihu, Mbwana eetthu, ila tuvela zaya ennyewe. Khwa mattakhuzi awoolowa na ottettekha, anhata rooho za apale oottettekheya.

2 Akorintiyu 11:15

Nakataalikha, khahi yosutisa yoori akarumeya awe anjinkhelela wiiya akarumeya a shariya. Omwiisho waya yo anttela wiiya etile ensuhaaye khaazi zaya.

2 Akorintiyu 2:17

Maana fweeyo khaniri nkhama atthu awaatta anlaleyaaye nttakhuzi la Nluku nkhama zanshara. Ila Nluku ti anirumiyeeyo, tiito ninlaleyaaye hapari zawe na khweele enakatthi yawe, nkhama akarumeya a Al-Masiihu.

2 Akorintiyu 4:2

Ninkatthala vitthu zooshi za haaya enrettiwaaye sirini, khaninrumeyela ohata, wala otapanya nttakhuzi la Nluku. Olikha toowo fweeyo ninthoonyeza haakhi, nintumerelana khwa akhili za atthu ooshi enakatthi ya Nluku.

Akaalata 1:7

Khaziivo hapari zooshapweya kiina. Ila awaapho atthu ootakha wuutapanyani na otapwatela hapari zooshapweya za Al-Masiihu.

Akaalata 2:4

Ila akina aajikusanyiye nkhuntti mweetthu, khujiretta wiiya attwiizetthu nkatthi wa amini, khusala atakha onkhiriyisa. Apo aya aateeliye othurumela otaphuliwa niriinaaye khwa Yinsa Al-Masiihu yoori anirutisele nkatthi wa oviitthwaana.

Akaalata 4:17

Anamanozela oovonya anjifaza yoori ootuveliseni mweeyo, ila shawuri zaya khahiyo zooshapweya, yo antakha owaattuwanisani miiyo yoori mweeyo mwiwaathoonyeze niiya ethiito yo ariina.

Akaalata 6:12

Apale antakhaaye othoonyeza vitthu zooshapweya za mmwiili, anuukhanyarelani yoori mwikhiriye, yoori yo ahiiye oolupatthiwa mwaasa wa nsalapa wa Al-Masiihu.

Ayeefezu 4:14

Aphano nihiiye theenya nkhama asimaana oothuuliwa ti mawipi, wala weeseleliwa okhuno na okhule ti pheevo ya wakhula mwentto, ohata na olavilavi wa atthu oovonyisana.

Afiliipu 3:18

Maana, nkhama etthiipo kilupiyeezo swaafu za waatta, na apha kinrutela na mishozi, yoori awaapho awaatta aniikhalaaye nkhama maatuwi a nsalapa wa Al-Masiihu.

Afiliipu 3:2

Phoole na “anapwa”! Phoole na apo anrettaaye vitthu zootakhala! Phoole na okhiriya woohiina fwayita!

Akoloosu 2:4

Miiyo kiniwuuzani epo yoori ahiiyevo antakhaaye wuuhatani na mattakhuzi olattanana oshapweya.

Akoloosu 2:8

Mwiiyane phoole yoori ahiiyevo anttelaaye wuurettani oviitthwaana mwaasa wa masomi oohiina fwayita na oottettekha, anlankhaaye khwa thwapiya za oonaatamu na yaazo yoolankha voolumwenku attaapha, zohiiyi khwa Al-Masiihu.

1 Yaahaya 2:18

Aanaaka, mwijuwe yoori opu wakathi wa mwiisho; nkhama etthiipi mwisiiliyeezo oriwa onteela ota atuwi wa Al-Masiihu, aphano maatuwi a Al-Masiihu awaatta ampuwelela. Ti etthu ninjuwelaaye yoori opu wakathi wa mwiisho.

1 Yaahaya 4:1

Aphetani aka, mwihiwaakhupali ooshi anraaye anaaye rooho ya Nluku, ila mwisala mwinzaani khoona nkhama enlankha wa Nluku, maana manapiyu awaatta oojipanka amwazeyela voolumwenku.

Yuuda 1:4

Nakataalikha atthu akina, ahinimoovaaye Nluku ata vakatthi venu woohisopheliwi. Yo anzukulisa rehema ya Nluku khwa vitthu zoovonyeya. Na aninkatthala Yinsa Al-Masiihu, Mfwalume eetthu na Mbwana eetthu otthwe. Raku zeene Zawaatikhiwa Ttakatthiifu zalupa hukhumu yo apwekheriyeeyo.

Othoonyeziwa 19:20

Ila nyama yawoopisa khufukiwa vamote na napiyu woojipanka aarettiyeeyo alama za minjuza khwa nzina laya. Atthaapo awaahatiyeeyo apale apwekhereliyeeyo alama ya nyama yawoopisa na khwaaputu ratarato yaya. Oowiiri khweeseleliwa ari awoona va ntthatta la moottho onkholelanaaye oka.

Othoonyeziwa 2:2

Miiyo kinjuwa zooretta zaya, na khaazi zaya, na nthiti laya. Kinjuwa yoori khunwahi owaavilela anamatakhala rooho, na wawootoota apale anjilupezaaye yoori maaswihaapa ahi, na khuwaasophela yoori anamahata.

Othoonyeziwa 2:20

Ila, kinaaye etthu khwa mweeyo: mweeyo mwininlikhelela Jezapeele, muukha otule anjilupezaaye onapiyu, na masomi awe, ye oniwaattettekha akarumeya aka, yoori asala aretta khaapa twayifu na oja vitthu za otwaheliwa sanamu.

Othoonyeziwa 2:9

Kinjuwa tafwawuthi zaya na osikhini aya, ila mweeyo mwaamathaajiri! Kinjuwa okufuru wa apale anjiitthaaye yoori mayaahuuti ila ahiiyeeni, yo sinakooka ya Epiliisi.