2 Akorintiyu 10:5 - Hapari Zooshapweya

⁵ Nintapanya shawuri na ojinkhelela wooshi onuumananaaye ojuwa wa Nluku, na nafukela wuupuwela wooshi yoori oretteye wiiya wonshututela Al-Masiihu.

2 Akorintiyu 10:5 Mawu Ofanana

Mwanzo 8:21

Nnyizinku khusiila arufu yonkhurunusha rooho khulupa mweenyeweru yoori: “Akinteela orutela theenya olaani tuniya mwaasa wa pinaatamu, eeyaru pure wootakhala rooho ovokoliwa wene. Akinteela orutela opwetecha zumpe zooshi nkhama nanna eti kirettiyeeyo.

Olaawo 5:2

Firawuuna khujipu araka: “Nnyizinku paani wonshututela miiyo khuwaalikha olawa meezirayiilu? Akininjuwa Nnyizinku aya na akiniwaalikha meezirayiilu olaamo mphu.”

Matewuzhu 15:19

Maana nroho ti zinlankhaamo shawuri zootakhala nkhama epi: Wuula, oraruwa, oshawi akhapa, wiiya, olokova na ohankawaani.

Luuka 1:51

Aretta vitthu khuluzeene na makhono awe, khuwaamwaza apale oojikhupali khwa shawuri za nroho mwaya.

Arooma 1:21

Maana yo anjuwa Nluku, ila khuhimwinkhi siifwa ansuhaaye na khuhinshukhurweli, ila wuupuwela waya waretteya wiiya woohiina fwayita na rooho zaya zoololo zariipa.

Arooma 1:5

khwa ye na mwaasa wa nzina lawe, napwekhera rehema na owaaswihaapa, yoori nikhuwele khapila zooshi wiiya atthu oshututi ontaaye khwa amini,

Arooma 16:26

ila nasaapi eti zathoonyeziwa na enkhiwa ojuwa khwa zawaatikhiwa za manapiyu, khwa oruma wa Nluku wa mileele, yoori khapila zooshi zinkhupali ye na enshututele;

Arooma 7:23

ila kinoona khwa phantte za mwiili aka, kano kiina enuumananaaye kano eriiye nkatthi wa akhili zaka, enikiretta onapherezu wa kano za twampi ziriiye phantte za mwiili aka.

1 Akorintiyu 1:19

Maana yaatikhiwa yoori: “Kintapanya akhili za anaakhili na kikatthale weeleyiwa wa anamweeleyiwa.”

1 Akorintiyu 3:19

Maana akhili za voolumwenku apha, ololo omaasho wa Nluku, maana yaatikhiwa yoori: “Ye oniwaakhola anaakhili muulavilavi mwaya.”

2 Akorintiyu 11:20

Wekhweele, mweeyo mwiniwaavilela mpakha apale anuuhukhumwaanini, ama anuttapwatthaanini, ama otule anjikhutupulaaye, ama anvulalisaaye wuuso enu.

2 Akorintiyu 9:13

Khwa wooneya wa khaazi eto mwinkholaaye, akina anlawa ansifu Nluku khwa oshututi onlokozaaye otukhuru yoori mweeyo mwinretta hapari za Al-Masiihu khwa winkha woohilikheleli weenu wa omeelana vitthu na yo na khwa akinoko aya ooshi.

Afiliipu 4:7

Na heeri ya Nluku, enzitaaye weeleyiwa wooshi, enthokorela rooho na akhili zenu mweeyo, khwa Al-Masiihu Yinsa.

2 Atizaloonika 2:4

Oto onuumanana na onjittottopa wiiya vatulu wa vitthu zooshi epile zinaaputwiwaaye ziniitthiwaaye yoori Nluku, afiyelelaka mpakha wiikhala omwimpari wa Nluku, ajilaleyaka yoori ye Nluku mweenyeweene.

2 Atizaloonika 2:8

Aphano onttela othoonyeziwa ntakhali, othuuto Mbwana Yinsa anttelaaye omuula na pheevo ya nkhanyo mwawe na ontapanya khwa ojithoonyeza wa ota wawe.

Meepereewu 4:12

Maana nttakhuzi la Nluku likumi na lookhomaala, na loonoleya zayita phanka ya orere miwiri; ye linthipa mpakha ofiyelela ophakula nafusi na rooho, linlawa mpakha nkatthi wa ntthu, na limphuka wuupuwela na shawuri za nroho.

Meepereewu 5:9

Paata ya okhamilikhisiwa khwinkhiwa wiiya naattuuttu wa nusura ya mileele ya apale ooshi aninshututelaaye,

1 Pheeturu 1:2

athawuliweeyo khwa matakhelo a ojuwa wa Nluku Paapa khwa khaazi ya ottakatthisa ya Rooho Ttakatthiifu, yoori anshututele Yinsa Al-Masiihu, na wiittikha wa taamu yawe: Rehema na heeri ti yeekezeliwe.

1 Pheeturu 1:22

Aphano mweeyo mwitwahareshiyeeyo ohaayi enu, khwa oshututela haakhi, mwithoonyezaka pheta ya ottwi na ya ookhweele, mwiphetane saaneene mmote na nzeenu na rooho yenu yooshi.