2 Akorintiyu 1:8 - Hapari Zooshapweya

⁸ Attwiizaku, khanintakha yoori mweeyo mwitikhine miswipa zaanipatthiyeezo nti wa Aaziya, maana zaanizitiye khanaari owahi ovilela, naafiyeleliye otakha onaashikha nroromelo wa ohaayi.

2 Akorintiyu 1:8 Mawu Ofanana

Khaazi 16:6

Paawulu na ashirikhaawe khuretta safwari ya nti wa Firijiya na wa Kalaasiya, khukhattaziwa ti Rooho Ttakatthiifu olaleya nttakhuzi nti wa Aaziya.

Khaazi 19:41

Paata ya olupa mattakhuzi apale, Ye khwiishisha nthukumano opule.

Khaazi 2:9

Fweeyo nalankha nti wa Paatiriiya, akina alankha Mediiya, akina Elaami, akina Mezapotaamiya, akina Yudeya, akina Kapatosiya, akina Pontu na Aaziya,

Arooma 1:13

Kintakha mweeyo attwiizaku mwijuwe yoori kaaza raku owaza shawuri za oteela owoonani, ila khusala kitapwateliwa mpakha apha. Niiya kiriina otakha wuurula mishumo vakatthi venu mweeyo, nkhama kinuurulaazo vakatthi wa amalapo akina aya.

1 Akorintiyu 15:32

Nti wa Eefezu miiyo koomanana maatuwi nkhama khaari wuumananaaye nyama za ntthuttu. Na nkhama epoza karetta khwa ajili ya onaatamu, fwayitani kipattheliyeeyo? Nkhama khweele ananfwa khansisimuwa, apho ti “Nije na ninywe, maana meesho nintta ofwa.”

1 Akorintiyu 16:9

Maana wafukuliwa khwa miiyo nlako mmote nwulweene na ruhusa; na awaapho ashinttani awaatta.

1 Akorintiyu 4:8

Mweeyo mwinaaye zooshi mwintakhaaye! Mwaamathaajiri! Mwafiyelela wiiya afwalume woohiiyi khwa fweeyo, nkhama etthiipo miiyo yaari okituvelaaye yoori mweeyo wekhweele mwiiye afwalume, yoori nafweyo niiyane yenzi vamote na mweeyo!

2 Akorintiyu 1:9

Weekhweele, fweeyo naari ojoona nkhama nitthomeliweeyo ofwa, ila epo zaarettikhaniye yoori eninozele ohijiroromeli nennyewe, ila Nluku otule aniwaasisimulaaye ananfwa.

2 Akorintiyu 6:9

nkhama oohijuwiwi, ila nijuwiwaka saaneene; nkhama niri ofwa, ila niri haayi; nkhama oovulalisiwa, ila khuhifwi;