2 Akorintiyu 1:20 - Hapari Zooshapweya

²⁰ Maana ahiti ziriivo zooshi za Nluku, ziri khwa Yinsa pi za “aaa”. Tiito khwa vakatthi vawe ye, ninlupa yoori “Amiina”, khwa siifwa ya Nluku.

2 Akorintiyu 1:20 Mawu Ofanana

Mwanzo 22:18

Atthu ooshi a voolumwenku anteela oparikhiyiwa, mwaasa wa ojama awo, maana weeyo wakishututela.”

Mwanzo 3:15

Kinttela otthaavo wuumani weeyo na muukha; ojama awo na ojama wa muukha. Ojama wa muukha nka wuuvulalisaka eeshwa yawo, na weeyo nka ottovolaka ekwakuno yaya.”

Mwanzo 49:10

Khweele Yuuda khanteela onyakanyiwa ofwalume awe, wala pakhora yoofwalume eriiye mmwinyoka mwawe, mpakha ate mweenyewe ofwalume, otu anttelaaye oshututeliwa pi atthu ooshi.

Matewuzhu 6:13

na ohinilikhelele nizayiniwaka, ila nuusuru khwa ntakhali, maana ofwalume, owahi, na siifwa zooshi pi zawo, mileele. Amiina.’

Luuka 2:14

“Asifwiwe Nluku otulu, na vathi apha heeri yiiye vamote na atthu ooshi awaatakheliyeeyo osaana.”

Yaahaya 1:17

Maana kano zatiisiwa khwa vakatthi wa Munsa; rehema na haakhi yata khwa Yinsa Al-Masiihu.

Yaahaya 14:6

Yinsa khujipu yoori: “Miiyo ki tarikhi, haakhi na ohaayi. Khina anfiyaaye wa Paapa, ahiiyeeni khwa miiyo.

Yaahaya 3:5

Yinsa khujipu yoori: “Miiyo kiniwuuzani khweele yoori, aheetteeni ovokoliwa na maati na Rooho khina anwahaaye weetta muufwalume wa Nluku.

Arooma 11:36

Maana zooshi zata khwa ye, na zooshi zeeyavo khwa ye, na pi zawe. Attitthimisiwe ye khwa mileele! Amiina.

Arooma 6:23

Maana phakari ya twampi ofwa, ila tthuvo ya rehema ya Nluku ohaayi wa mileele khwa Yinsa Al-Masiihu, Mbwana eetthu.

1 Akorintiyu 14:16

Amana weeyo onsifwaka Nluku khwa rooho, nannani ntthu antthaaye waazaru otamo anttelaaye owahi olupa yoori amiina khwa lompa yawo ya oshukhurwela, woone yoori khanjuwa etthu weeyo onlupaaye.

2 Akorintiyu 4:15

Maana zooshi epo piza yoori mweeyo mwiiye saana, yoori rehema yenkeziweeyo khwa atthu awaatta, yiitaale khaazi ya rehema khwa siifwa ya Nluku.

2 Akorintiyu 4:6

Ila Nluku ti alupiyeeyo yoori: “N'yiiza emwasikhelemo nuuru”, na ti othuuto amwasikheliyeeyo nroho mweetthu, khwa ojuwa wa siifwa za Nluku omaasho wa Yinsa Al-Masiihu.

Akaalata 3:22

Ila Zawaatikhiwa Ttakatthiifu zinlupa yoori olumwenku wooshi pi wooshinttiwa ti twampi, eto ti yoori atthu apale ankhupalelaaye apwekherela tthuvo Nluku ahitiyeeyo khwa apale ariina amini khwa Yinsa Al-Masiihu.

Ayeefezu 1:6

Khwa siifwa ya nuuru ya rehema yawe etile aninkhiyeeyo mahala khwa Mphetani awe.

Ayeefezu 2:7

Yoori athoonyeze wakathi ontaaye, maali zihinlikananiwaaye za rehema zawe na athoonyezaka emaani yawe aarina na fweeyo khwa Yinsa Al-Masiihu.

Akoloosu 1:27

Shawuri ya Nluku ti yoori amalapo ajuwe maali ya siifwa ya siiri eto, eeyiyeeyo Al-Masiihu khwa mweeyo, nroromelo wa siifwa.

2 Atizaloonika 1:10

Epo enttela orettikhana siikhu antaaye, oteela ottitthimisiwa khwa attakatthiifu awe, na oshankeliwa khwa apale ooshi aninkhupalaaye, vamote na mweeyo mwikhupaliyeeyo oshaahiti eetthu.

Meepereewu 11:13

Ooshi aya apo afwa ari nkatthi wa amini, ahina pokhere etile ahitiweeyo; yo nawoona ori peetiwene, ottuukhule khufurahela. Yo khutukhuru yoori khweele nalelo aletto na anamasaafiri mmuti mphule.

Meepereewu 13:8

Yinsa Al-Masiihu, ti othuuto taana, leelo na mpakha mileele.

Meepereewu 7:6

Ila Melikizeteekhi aheeyiyeru pure wa ojama wa Leevi, ye aapokhereliye lifunku la khuumi aalaziyeeyo Eburahiima, ye khumparikhiya Eburahiima othuuto ahitiweeyo.

1 Pheeturu 1:12

Yo athoonyeziwe yoori khaazi aari okholaaye khayaari yaya ennyewe, ila yaari yenu mweeyo, wakathi aari olupaavo vitthu mwilaleyeliweeyo nasaapi eti pi apale antafusiraaye hapari zooshapweya khwa Rooho Ttakatthiifu eperekhiweeyo pinkuuni; vitthu hatha malayikha antakhaaye woona venkivene.

1 Yaahaya 5:11

Oshaahiti aya pi opu: Nluku aninkha ohaayi wa mileele, na ohaayi aya opo ori wa Mwanawe.

Othoonyeziwa 3:14

“Khwa ojama wa Nluku wa Lawotiseeya waatikhe yoori: Apa mattakhuzi a Amiina, oshaahiti wa waamineya na wakhweele, mfwalume nwulu wa wumpa wa Nluku.

Othoonyeziwa 7:12

araka: “Amiina! Siifwa na ottitthima, akhili, oshukhurwela, hishima, owahi na kuvu ziiye za Nluku eetthu khwa mileele. Amiina!”