2 Akorintiyu 1:14 - Hapari Zooshapweya

¹⁴ nkhama etthiipo mweeyo mweeleyiweeyo khwa fweeyo phantte kiina, mwifiyelele weeleyiwa saaneene, yoori mwiiyane ojishashawula khwa fweeyo, nkhama etthiipo fweeyo ninttelaaye khwa mweeyo Siikhu ya Mbwana Yinsa.

2 Akorintiyu 1:14 Mawu Ofanana

Arooma 11:25

Attwiizaku, akintakha yoori mwihijali siiri epi zootikinisa, mwihijoone nkhama ajuwi. Meezirayiilu eezelela wuumisa rooho zaya, mpakha ofiyela olikana wa amalapo.

1 Akorintiyu 1:8

Ye onuukholelelani mpakha mwiisho, woohiina paathuli mpakha siikhu ya ota wa Mbwana eetthu Yinsa Al-Masiihu.

1 Akorintiyu 11:18

Ya mwanzo, kinsiila yoori, amana mweeyo mwikusanyeya nkhama ojama wa Nluku, owaapho waawanyeya khwa mweeyo. Mpakha ofiyelela miiyo okhupali,

1 Akorintiyu 15:31

Attwiizaku, wakhula siikhu kinuumanana ofwa, epo kinlupa khwa ojikhutupula kiriina khwa mweeyo khwa Al-Masiihu Yinsa, Mbwana eetthu.

2 Akorintiyu 2:5

Nkhama ntthu mmote wa mweeyo ontana huzuni, khanikitanela miiyo paasi, ila theenya khwa mweeyo, yoori miiyo kihiiye njawuri channu khwa mooshi mweeyo.

2 Akorintiyu 5:12

Khanineekesa ojitumerela opheya khwa mweeyo, ila niniwinkhani ruhusa ya ojishashawula khwa fweeyo, yoori mwiiyane etthu ya owaajipu apale anjikhupalanaaye oshapweya yohiiyi etile eriiye nroho mwaya.

2 Akorintiyu 9:2

Maana kinjuwa ojilaza weenu khwa waawuni. Miiyo kawaathoonyeza a Masetooniya ojishashawula kiriina khwa mweeyo, kiwoozaka yoori, waaza mwaakhajana, mweeyo atthu Akaaya mwaari woolikana khwa oshokholeza. Ojinkha weenu wawaalipisela atthu awaatta a Masetooniya.

Afiliipu 1:10

yoori mwipheleleze vitthu zooziti na mwiiye swaafi oohiina hatha paathuli mpakha siikhu antaavo Al-Masiihu.

Afiliipu 1:26

yoori amana kita wuuthotolani swaafu kiina, ojishashawula weenu khwa Al-Masiihu Yinsa weekezeleye mwaasa wa miiyo.

Afiliipu 1:6

Kinkhupalela yoori otule aaziyeeyo khaazi yooshapweya khwa mweeyo onteela omarisela mpakha siikhu antaavo Al-Masiihu Yinsa.

Afiliipu 2:16

mwiwaafiselaka nttakhuzi la ohaayi. Yoori siikhu antaavo Al-Masiihu kijikhutupule, mwaasa wa ohijanjeli mahala na wala ohijilipisi mahala.

Afiliipu 4:1

Nakataalikha, attwiizaku mweeyo kinuuphetaanini, mwikinukheliyeeyo. Mweeyo mwiiyiyeeyo furaha yaka, na jarata yaka! Mwiiye woolipalipa etthiipo khwa Mbwana, oo aphetani aka!

1 Atizaloonika 3:13

Yoori ye akhomaaze rooho zenu na mwiiye oohishowereyi khwa ottakatthifu omaasho wa Nluku eetthu Paapa, na khwa ota wa Mbwana eetthu Yinsa na attakatthiifu awe ooshi.

1 Atizaloonika 5:23

Yoori Nluku mweenyewe heeri oottakatthiseni sawasawa. Yoori rooho yooshi, nafusi na mwiili enu mweeyo ziiye zawiinaneliwa zoohishowereyi mpakha ota wa Mbwana eetthu Yinsa Al-Masiihu.