1 Yaahaya 5:9 - Hapari Zooshapweya

⁹ Fweeyo ninkhupalela oshaahiti wa anaatamu, ila oshaahiti wa Nluku watepa wiiyana fwayita. Opu oshaahiti wa Nluku enkhiyeeyo khwa shitaha ya Mwanawe.

1 Yaahaya 5:9 Mawu Ofanana

Matewuzhu 17:5

Pheeturu eettaka ottakhula nalelo, khupuwa liwiku lawaara khuwaafinikha, nttumpho khupuwamo huula yaari oraaye: “Otu Mwanaka wompheta na wookituvela channu. Mwinsiileze!”

Yaahaya 10:38

Ila nkhama kinretta, hatha nkhama khamwinkikhupali miiyo, mwikhupalele khaazi ethiito, yoori mwiwahi ojuwa na oweeleyani yoori Paapa ori vamote na miiyo na miiyo kiri wa paapa.”

Yaahaya 5:39

Mwinsoma Zawaatikhiwa Ttakatthiifu, maana mwinoona yoori khwa yo mwinaaye ohaayi wa mileele, ila pi etthiipo zinikilawelaaye oshaahiti,

Khaazi 17:31

Ye atthoma siikhu anttelaaye ophuka olumwenku na shariya, khwa ntthu mmote anthawuliyeeyo na athoonyeza vakatthi wa atthu khwa onsisimula muufwa.”

Khaazi 5:32

Fweeyo na Rooho Ttakatthiifu na mashaahiti monkoni wa mattakhuzi aya apo Nluku aniwenkhaaye apale aninshututelaaye.”

Meepereewu 2:4

Nluku naye alawela oshaahiti vakatthi wa alama, minjuza, vitthu zootikinisa nanna zene na tthuvo ya Rooho Ttakatthiifu eperekhiweeyo khwa matakhelo awe.

Meepereewu 6:18

na yoori khwa vitthu piiri zihinzukuliseyaaye, khinretteya Nluku ohata khwa vitthu zaya epo, nina yookholelela na olipiseleya khwa nroromelo nwulweene naahitiweeyo vakatthi veetthu.

1 Yaahaya 5:10

Otule aninkhupalaaye Mwaana wa Nluku onaaye oshaahiti aya opo nroho mwawe. Ila otule ahininkhupalaaye Nluku oninretta wiiya namahata, maana khakhupaleeni oshaahiti Nluku enkhiyeeyo monkoni wa Mwanawe.

1 Yaahaya 5:8

Rooho Ttakatthiifu, maati na taamu; vitthu epo ttatthu zooshi zinkhupalela.