1 Yaahaya 5:19 - Hapari Zooshapweya

¹⁹ Fweeyo ninjuwa yoori niri wa Nluku na olumwenku onlokozeliwa pi owahi wa ntakhali.

1 Yaahaya 5:19 Mawu Ofanana

Luuka 4:6

Khumuuza yoori: “Kintta owinkha ofwalume na siifwa za olumwenku opu wooshi, mwaasa yoori zooshi kenkhiwa miiyo, na miiyo kinimwinkha otule kinintakhelaaye.

Yaahaya 12:31

Wafiya wakathi woophukiwa olumwenku opu, nasaapi eti onttela wiikariwa mfwalume wa olumwenku opu.

Yaahaya 14:30

Enasaapi eti akinlawa ottakhulana mweeyo, maana mfwalume wa voolumwenku ontta ota; ye khana hatha ruhusa khwa miiyo,

Yaahaya 16:11

khwa ophuka, maana mfwalume wa voolumwenku apha aphukiwa.

Yaahaya 17:15

Akinuuvekela yoori owaalazevo voolumwenku, ila oweenanele khwa ntakhali.

Arooma 8:16

Rooho ethiito enlawela oshaahiti rooho yeetthu yoori na aana a Nluku.

2 Akorintiyu 1:12

Opo ojishashawula weetthu: akhili zeetthu enlaza oshaahiti yoori khanilokoziweeni ti olumwenku, ila osiilana weetthu na mweeyo khwa ottakatthifu na ookhweele onlankhaaye wa Nluku, woohiiyi khwa ojuwa wa enaatamu, ila khwa rehema ya Nluku.

2 Akorintiyu 4:4

Yo khankhupali maana nluku wa vathi apha oomisa weeleyiwa waya yoori ahoone nuuru yootafikhana ya hapari zooshapweya za siifwa ya Al-Masiihu, othuuto eeyiyeeyo ratarato ya Nluku.

2 Akorintiyu 5:1

Ninjuwa yoori amana epwechiwa heema yeetthu eti niniikhalaamo, wiiyiye mwiili eetthu wa vathi apha, Nluku onninkha nyuupa ya wiikhalamo pinkuuni. Nyuupa yoohijekiwi pi makhono eenaatamu, Nluku ti ajekiyeeyo, na ti ya mileele.

Akaalata 1:4

othuuto aajinkhiyeeyo mweenyeweene khwa twampi zeetthu yoori anitaphule khwa olumwenku wootakhala nkhama etthiipo atakhiyeezo Nluku Papeetthu.

Ayeefezu 2:2

Etthiipo mwaazowereliyeezo, wakathi mwaari olottelaaye oruma wa olumwenku na owahi wa ofwalume wa rooho ya etulutulu yiiyiyeeyo sheethwani, rooho ethiito eniweettettisaaye apale aniikhalaaye muukhijili.

2 Timootiyu 1:12

Na mwaasa wa ethiito kinhoowa, ila khinikipatthisa haaya, maana kininjuwa paani kinkhupaliyeeyo na kinhakikhi yoori ona owahi wa opweha etile kimwinkhiyeeyo mpakha siikhu ya ethiito.

Tiitu 3:3

Waarivo wakathi na-fweeyo naari alolo, anamakhijili, meekhazi eetthu aari ottettekhiwa na oorettiwa oovitthwaana ti wakhula jaati ya tuvela na zootakha zeetthu. Naari wiikhala nkatthi wa vitthu zootakhala na nrima, niiphiranaka mmote na nzeetthu.

Tiyaaku 4:4

Atthu oohaamineyi, khamwinjuwa yoori oshirikha na olumwenku oniiya wuumani khwa Nluku? Otule antakhaaye wiiya swaahipu na olumwenku onjiretta wiiya atuwi wa Nluku.

1 Yaahaya 3:14

Fweeyo najuwa yoori navikana ofwa neetta muuhaayi, maana niniwaapheta attwiizetthu. Otule ahimphetaaye ompharerela muufwa.

1 Yaahaya 3:24

Otule anshututelaaye oruma wawe oto onlipana Nluku, na Nluku na ye. Khwa toowo onjuwa yoori ye oniiya khwa ye, mwaasa wa Rooho aninkhiyeeyo.

1 Yaahaya 5:10

Otule aninkhupalaaye Mwaana wa Nluku onaaye oshaahiti aya opo nroho mwawe. Ila otule ahininkhupalaaye Nluku oninretta wiiya namahata, maana khakhupaleeni oshaahiti Nluku enkhiyeeyo monkoni wa Mwanawe.

1 Yaahaya 5:13

Miiyo kiniwaatikhelani mattakhuzi apa mweeyo mwikhupaliyeeyo nzina la Mwaana wa Nluku, mwijuwe yoori mwinaaye ohaayi wa mileele.

1 Yaahaya 5:15

Nkhama ninjuwa yoori onnisiila amana ninvekela etthu, ninjuwa yoori onninkha etile nininvekelaaye.

1 Yaahaya 5:18

Ninjuwa yoori ooshi apale avokoliweeyo ti Nluku khaneettetta ntwampi, maana Mwaana wa Nluku ontta owiinanela, na ntakhali khaninsapa.

1 Yaahaya 5:20

Ninjuwa yoori Mwaana wa Nluku ata, khuninkha weeleyiwa yoori ninjuwe otule eeyiyeeyo wa khweele, na fweeyo niri wookusanyeya na Nluku wa khweele khwa Mwanawe Yinsa Al-Masiihu. Ye ti Nluku weekhweele, na ti ohaayi wa mileele.

Othoonyeziwa 12:9

Jahanamu khuluyeene khweeseleliwa oje. Ye ti nyookha ya raku eniitthiwaaye Epiliisi ama Sheethwani, namahata wa olumwenku wooshi, khweeseleliwa va tuniya na malayikha awe.

Othoonyeziwa 20:3

khumweeselela nkhilintti, khunfukela nlako na khumparisa ephariselo, yoori ankhattaze ottettekha khapila, mpakha ziishe nyaakha epo alufu. Nawiisha, onlawa afukuliwe khwa wakathi vattitthiiru.