1 Yaahaya 5:18 - Hapari Zooshapweya

¹⁸ Ninjuwa yoori ooshi apale avokoliweeyo ti Nluku khaneettetta ntwampi, maana Mwaana wa Nluku ontta owiinanela, na ntakhali khaninsapa.

1 Yaahaya 5:18 Mawu Ofanana

Matewuzhu 5:37

Entosheleza olupa yoori ‘aayo’ amana yiiya ‘aayo’, na ‘wala’ amana yiiya ‘wala’; noozitisa apho enlankha wa sheethwani.

Matewuzhu 6:13

na ohinilikhelele nizayiniwaka, ila nuusuru khwa ntakhali, maana ofwalume, owahi, na siifwa zooshi pi zawo, mileele. Amiina.’

Yaahaya 1:13

Atthaapo ahivokoliweeni khwa ephattu, wala khwa matakhelo a onaatamu wala ohiiyi khwa makhaamu a nlume, ila avokoliwa khwa matakhelo a Nluku.

Yaahaya 14:30

Enasaapi eti akinlawa ottakhulana mweeyo, maana mfwalume wa voolumwenku ontta ota; ye khana hatha ruhusa khwa miiyo,

Yaahaya 15:4

Mwijilipisane miiyo, na miiyo kintta ojilipisana mweeyo. Nkhama etthiipo erapi ehiniimaaye ottho ehijilipisaneeni nrayi, na mweeyo pi etthiipo khamwiniima mishumo woohijilipisani miiyo.

Yaahaya 15:7

Ila amana mwijilipisana miiyo na mattakhuzi aka khwiiya na mweeyo, mwiveke wakhula etile mwintakhaaye mwintta winkhiwa.

Yaahaya 15:9

Khwa nanna etthiipo Paapa akiphetiyeezo, na miiyo koophetani; mwijilipisane pheta yaka.

Khaazi 11:23

Noofiya khoona rehema ya Nluku, khwiiya woofurahi na khuwaalipisela yoori eeye ookhomaala mmakhono wa Mbwana na rooho yaya yooshi.

Tiyaaku 1:18

Mwaasa wa matakhelo awe, anumpa na nttakhuzi lawe la haakhi, yoori niiye puuro yamwanzo khwa zumpe zawe zooshi ompiyeeyo.

Tiyaaku 1:27

Tiini Nluku Papeetthu ankhupalelaaye wiiya swaafi na yookhweele tiiti: owaathotola anasisa na ananfweliwa pi amanna zaya muuhoowa mwaya, na ojiinanela khwa vitthu zootakhala za muulumwenku.

1 Pheeturu 1:23

Khwa etthiipo mwivokoliweeyo opheya, woohiiyi khwa peewu enaashikhaaye, ila ehinaashikhaaye, khwa nttakhuzi la Nluku, la ohaayi na la mileele.

1 Yaahaya 2:29

Nkhama mweeyo mwinjuwa yoori ye nashariya, mwijuwe theenya yoori wooshi otule aneettettelaaye shariya avokoliwa ti ye.

1 Yaahaya 3:12

Nihiiye nkhama Kayiini, otule aari wa phantte ya ntakhali khumuula ttwiiye. Amuulela niini? Mwaasa wa khaazi zawe zaari zootakhala, ila epi za ttwiiye zaari za shariya.

1 Yaahaya 3:3

Wakhula otule ariina nroromelo opu ajittakatthise nkhama etthiipi naye eeyiyeeyo woottakattha.

1 Yaahaya 3:9

Wakhula otule avokoliweeyo ti Nluku khanretta twampi, maana ojama awe onlipa khwa ye. Oto khanwahi orutela weettetta ntwampi maana avokoliwa ti Nluku.

1 Yaahaya 4:6

Fweeyo ninlankha wa Nluku, otule aninjuwaaye Nluku onnisiileza. Otule ahinlankhaaye wa Nluku khannisiila. Khwa etthiipo ninjuwa Rooho ya haakhi na rooho yoovonya.

1 Yaahaya 5:1

Ooshi apale ankhupalaaye yoori Yinsa ti Al-Masiihu oto avokoliwa ti Nluku, na ooshi apale animphetaaye Nluku onimpheta otule anvokoliyeeyo.

1 Yaahaya 5:15

Nkhama ninjuwa yoori onnisiila amana ninvekela etthu, ninjuwa yoori onninkha etile nininvekelaaye.

1 Yaahaya 5:19

Fweeyo ninjuwa yoori niri wa Nluku na olumwenku onlokozeliwa pi owahi wa ntakhali.

1 Yaahaya 5:20

Ninjuwa yoori Mwaana wa Nluku ata, khuninkha weeleyiwa yoori ninjuwe otule eeyiyeeyo wa khweele, na fweeyo niri wookusanyeya na Nluku wa khweele khwa Mwanawe Yinsa Al-Masiihu. Ye ti Nluku weekhweele, na ti ohaayi wa mileele.

1 Yaahaya 5:21

Aanaaka, mwiwerawere miluku zoovonyeya.

1 Yaahaya 5:4

Maana ooshi apale avokoliweeyo ti Nluku ashintta olumwenku. Na opu pi oshintta olumwenku: amini yeetthu.

Yuuda 1:21

Mwiikhale nkatthi wa pheta ya Nluku, mweekeselaka yoori tthakaraka ya Mbwana eetthu Yinsa Al-Masiihu yuuthuuleni ewinkheni ohaayi wa mileele.

Yuuda 1:24

Khwa otule eeyiyeeyo wa owahi yoori ookattazeni muukwakwanttuwa na yoori oothonyezeni nsiifwa mwawe woohiina hatha nlepa na furaha khuluyeene,

Othoonyeziwa 2:13

Miiyo kinjuwa ohali mwiniikhalaawo, ottuukho eriiwo khukulu ya Epiliisi. Mweeyo mwawaamineya khwa nzina laka na khamwansweeni amini mwiriina khwa miiyo, hatha wakathi wa Antiipa shaahiti aka wa waamineya, ooliiwa ottuukho Perekaamu, ohali aniikhalaawo Epiliisi.