1 Yaahaya 5:11 - Hapari Zooshapweya

¹¹ Oshaahiti aya pi opu: Nluku aninkha ohaayi wa mileele, na ohaayi aya opo ori wa Mwanawe.

1 Yaahaya 5:11 Mawu Ofanana

Matewuzhu 25:46

“Apa aneetta ohukhumu khwa mileele, ila makhaamili anttela wiiyana ohaayi wa mileele.”

Yaahaya 1:19

Opu oshaahiti wa Yaahaya, wakathi mayaahuuti a Yeruzaleemu awaaperekhiyeevo anamalokozela a tiini na aleevi amuuzele yoori: “O paani weeyo aya.”

Yaahaya 1:4

Ohaayi waari nkatthi mwawe, ohaayi opo waari nuuru ya anaatamu.

Yaahaya 10:28

Miiyo kininkha ohaayi wa mileele; wala khazimpwetheya na khaavo anttelaaye olazamo mmakhono mwaka.

Yaahaya 12:50

Miiyo kinjuwa yoori oruma wawe ohaayi wa mileele. Nakataalikha etile akirumiyeeyo paapa kinlupa ethiito.”

Yaahaya 14:6

Yinsa khujipu yoori: “Miiyo ki tarikhi, haakhi na ohaayi. Khina anfiyaaye wa Paapa, ahiiyeeni khwa miiyo.

Yaahaya 19:35

Otule ooniyeeyo vitthu zaya epo alawela oshaahiti, na oshaahiti awe pu wookhweele. Ye onjuwa yoori onlupa haakhi, na onlaza oshaahiti yoori na mweeyo mwikhupali.

Yaahaya 3:36

Otule aninkhupalaaye Mwaana onaaye ohaayi wa mileele, ila otule aninkatthalaaye Mwaana khanlawa woona ohaayi na theenya katapu ya Nluku empharelela khwa ye.

Yaahaya 4:36

Otule anuurulaaye ompwekhera phakari yawe na onuurula mishumo za ohaayi wa mileele, khwa nanna namuurula anttelaaye ofurahi vamote na anamazala.

Yaahaya 4:4

Ila yaari ohithajiya ye ovira nti wa Samariiya.

Yaahaya 5:21

Maana etthiipo Paapa aniwaasisimulaaye ananfwa na khuwinkha ohaayi, Mwaana naye oniwinkha ohaayi apale ye aniwatakhaaye.

Yaahaya 5:26

Nkhama etthiipo Paapa eeyiyeeyo mweenyewe ohaayi, amwinkha mwanawe wiiya mweenyewe ohaayi,

Yaahaya 6:40

Maana matakhelo a Paapa pi yoori wooshi otule animoonaaye Mwaana na khunkhupali eeyane ohaayi wa mileele na miiyo kintta onsisimula siikhu ya mwiisho.”

Yaahaya 6:47

Miiyo kiniwuuzani khweele yoori, otule anikikhupalaaye onaaye ohaayi wa mileele.

Yaahaya 6:68

Simawu Pheeturu khujipu yoori: “Ninttela onlotta paani? Weeyo onaaye mattakhuzi a ohaayi wa mileele.

Arooma 5:21

Epo zarettikhana yoori, nkhama etthiipo twampi eshinttiyeeyo khwa ofwa, na rehema yashintta khwa shariya yoori eninkhe ohaayi wa mileele, khwa Yinsa Al-Masiihu, Mbwana eetthu.

Arooma 6:23

Maana phakari ya twampi ofwa, ila tthuvo ya rehema ya Nluku ohaayi wa mileele khwa Yinsa Al-Masiihu, Mbwana eetthu.

1 Timootiyu 1:16

Tiito kooneliweeyo huruma, yoori khwa miiyo, wootepacha waya, Yinsa Al-Masiihu akivilela yoori awaathoonyeze ooshi apale anttelaaye omwaamini apatthe ohaayi wa mileele.

Tiitu 1:2

amini na ojuwa nchina la nroromelo khwa ohaayi wa mileele, opule Nluku woohihati, ahitiyeeyo khapulathi olumwenku ohinompiwe.

1 Yaahaya 2:25

Eti ahiti ye aniretteliyeeyo, ohaayi wa mileele.

1 Yaahaya 4:10

Pheta ya eto tiiti: khahiyo fweeyo nimphetiyeeyo Nluku, ila ye ti aniphetiyeeyo na khumperekha Mwanawe yoori mwaasa wa ye nipatthe swamiima ya twampi zeetthu.

1 Yaahaya 4:9

Nanna Nluku athoonyeziyeeyo pheta yawe khwa fweeyo pi toono; amperekha Mwanawe mmote paasi voolumwenku, yoori nipatthe ohaayi khwa ye.

1 Yaahaya 5:10

Otule aninkhupalaaye Mwaana wa Nluku onaaye oshaahiti aya opo nroho mwawe. Ila otule ahininkhupalaaye Nluku oninretta wiiya namahata, maana khakhupaleeni oshaahiti Nluku enkhiyeeyo monkoni wa Mwanawe.

1 Yaahaya 5:20

Ninjuwa yoori Mwaana wa Nluku ata, khuninkha weeleyiwa yoori ninjuwe otule eeyiyeeyo wa khweele, na fweeyo niri wookusanyeya na Nluku wa khweele khwa Mwanawe Yinsa Al-Masiihu. Ye ti Nluku weekhweele, na ti ohaayi wa mileele.

1 Yaahaya 5:7

Owaapho oshaahiti mittatthu:

3 Yaahaya 1:12

Ooshi aninlupeza mwentto wooshapweya Temeetiriyu; hatha haakhi ethiito enlawela oshaahiti khwa zwaamu yawe. Na fweeyo ninlawela oshaahiti, na weeyo onjuwa yoori oshaahiti eetthu pu weekhweele.

Yuuda 1:21

Mwiikhale nkatthi wa pheta ya Nluku, mweekeselaka yoori tthakaraka ya Mbwana eetthu Yinsa Al-Masiihu yuuthuuleni ewinkheni ohaayi wa mileele.

Othoonyeziwa 1:2

othuuto anlawelaaye oshaahiti wa zooshi epile ooniyeezo, epo zaya nttakhuzi la Nluku na oshaahiti wa Yinsa Al-Masiihu.

Othoonyeziwa 22:1

Aphano nlayikha khukithoonyeza muuttho wa maati a ohaayi, a wooneela nkhama suupha, aari wittikhaaye va khukulu ya Nluku na ya Pwittipwitthi,