1 Yaahaya 4:4 - Hapari Zooshapweya

⁴ Aanaaka, mweeyo mwa atthu a Nluku, na mwiniwaashintta manapiyu apale oojipanka, maana wooziti ti otule ariiye khwa mweeyo zayita otule ariiye voolumwenku.

1 Yaahaya 4:4 Mawu Ofanana

Yaahaya 12:31

Wafiya wakathi woophukiwa olumwenku opu, nasaapi eti onttela wiikariwa mfwalume wa olumwenku opu.

Yaahaya 14:30

Enasaapi eti akinlawa ottakhulana mweeyo, maana mfwalume wa voolumwenku ontta ota; ye khana hatha ruhusa khwa miiyo,

Yaahaya 16:11

khwa ophuka, maana mfwalume wa voolumwenku apha aphukiwa.

Yaahaya 17:23

Miiyo khwa yo na weeyo khwa miiyo. Khwa nanna ethiito osiilana waya onttela wiiya khaamili, yoori atthu a voolumwenku ajuwe yoori weeyo ti okirumiyeeyo, na yoori oniwaapheta nkhama etthiipo onikiphetaazo miiyo.

Arooma 8:31

Apho nilupe niini khwa vitthu zaya epo? Nkhama Nluku ori vamote na fweeyo, paani anttelaaye oshinttanana fweeyo?

Arooma 8:37

Ila khwa vitthu zaya epo zooshi naziti wiiya anamashintta, khwa vakatthi wa otule aniphetiyeeyo.

1 Akorintiyu 2:12

Ila fweeyo khanipwekhereleeni rooho ya olumwenku otthuupu, ila Rooho enlankhaaye wa Nluku, yoori eneeleye vitthu Nluku anninkhaaye mahala.

1 Akorintiyu 6:13

Vitthu zoojiwa pi za ejohojoho na ejohojoho ti ya vitthu zoojiwa; ila Nluku onteela otapanya zoopiiri. Nakataalikha, mwiili khahiyo wa vitthu twayifu, ila khwa Mbwana na Mbwana khwa mwiili.

2 Akorintiyu 4:4

Yo khankhupali maana nluku wa vathi apha oomisa weeleyiwa waya yoori ahoone nuuru yootafikhana ya hapari zooshapweya za siifwa ya Al-Masiihu, othuuto eeyiyeeyo ratarato ya Nluku.

2 Akorintiyu 6:16

Okusanyeyani oriivo Nyuupa Yoosifwiwamo Nluku na sanamu? Maana fweeyo na a Nyuupa ya Nluku woohaayi. Nkhama etthiipo alupiyeezo Nluku yoori: “Kiniikhalana yo na keettette vakatthi vaya, kinttela wiiya Nluku aya na yo anttela wiiya atthu aka.”

Ayeefezu 2:2

Etthiipo mwaazowereliyeezo, wakathi mwaari olottelaaye oruma wa olumwenku na owahi wa ofwalume wa rooho ya etulutulu yiiyiyeeyo sheethwani, rooho ethiito eniweettettisaaye apale aniikhalaaye muukhijili.

Ayeefezu 3:17

Theenya kinlompa yoori Al-Masiihu apatthe wiikhala nroho mweenu khwa amini, na yoori pheta yiiye mitathaari zenu na nchina lenu.

Ayeefezu 6:10

Omwiisho waya, mwiiye wookhomaala khwa Mbwana na kuvu za owahi nwulweene ariinaaye.

1 Yaahaya 2:1

Aanaaka, mattakhuzi apa kiniwaatikhelani mweeyo yoori mwihisala mwiretta twampi. Ila ntthu arettaru twampi, ninaaye namwaakisa mmakhono wa Paapa, Yinsa Al-Masiihu nashariya.

1 Yaahaya 2:13

Apaapa, miiyo kiniwaatikhelani mweeyo, maana mwininjuwa otule ariivo thanku omwanzweene. Mashaapu, kiniwaatikhelani mweeyo, maana mwanshintta ntakhali.

1 Yaahaya 3:20

amana rooho zeetthu zinikheeti, Nluku ti eeye nwulweene khwa rooho zeetthu, maana ye ti njuwi wa vitthu zooshi.

1 Yaahaya 3:24

Otule anshututelaaye oruma wawe oto onlipana Nluku, na Nluku na ye. Khwa toowo onjuwa yoori ye oniiya khwa ye, mwaasa wa Rooho aninkhiyeeyo.

1 Yaahaya 4:13

Maana Nluku aninkha Rooho yawe, toowo fweeyo ninjuwa yoori niniikhala khwa ye, na ye khwa fweeyo.

1 Yaahaya 4:16

Fweeyo ninjuwa na nakhupali pheta ariina Nluku na fweeyo. Nluku opheta. Otule anlipanaaye mpheta onlipana Nluku, na Nluku onlipa khwa ye.

1 Yaahaya 4:6

Fweeyo ninlankha wa Nluku, otule aninjuwaaye Nluku onnisiileza. Otule ahinlankhaaye wa Nluku khannisiila. Khwa etthiipo ninjuwa Rooho ya haakhi na rooho yoovonya.

1 Yaahaya 5:19

Fweeyo ninjuwa yoori niri wa Nluku na olumwenku onlokozeliwa pi owahi wa ntakhali.

1 Yaahaya 5:4

Maana ooshi apale avokoliweeyo ti Nluku ashintta olumwenku. Na opu pi oshintta olumwenku: amini yeetthu.

Othoonyeziwa 12:11

Yo anshintta khwa taamu ya Pwittipwitthi na khwa mattakhuzi oshaahiti alaziyeeyo; maana aajilakeleliye oleva ohaayi aya na ofwa.