1 Yaahaya 4:14 - Hapari Zooshapweya

¹⁴ Fweeyo noona na ninlawela oshaahiti yoori Paapa amperekha Mwanawe yoori eeye Namuusuru wa voolumwenku.

1 Yaahaya 4:14 Mawu Ofanana

Yaahaya 1:14

Nttakhuzi khujiretta ontthu na khwiikhala vakatthi veetthu. Fweeyo noona siifwa yawe, siifwa nkhama mwaana mmote paasi wa Paapa wawiitaala rehema na khweele.

Yaahaya 1:29

Mmeesho mwaya Yaahaya khumoona Yinsa eettaka ota khuri: “Mwimoone! Oto antaaye apho, pwittipwitthi ya Nluku enlazaaye twampi voolumwenku!

Yaahaya 10:36

aphano otule Paapa anttakatthisiyeeyo na khunruma voolumwenku, mwinri: ‘Weeyo onamakufuru,’ mwaasa wa niini kilupaka yoori ‘Ki mwaana wa Nluku?’

Yaahaya 12:47

“Amana ntthu asiila mattakhuzi aka na khuhishututeli, miiyo akininphuka. Maana miiyo akateeliye ophuka olumwenku ila wuusuru olumwenku.

Yaahaya 3:11

Miiyo kiniwuuzani khweele yoori, fweeyo ninlupa etile ninjuwaaye na ninlawela oshaahiti wa etile nooniyeeyo; ila mweeyo khamwinkhupalela oshaahiti etthu.

Yaahaya 3:32

Ye ahakikhi epile oniyeezo na asiiliyeezo ila khina ankhupalelaaye oshaahiti awe.

Yaahaya 3:34

Otule Nluku amperekhiyeeyo onttakhula mattakhuzi a Nluku, maana ye oninkha Rooho Ttakatthiifu woohiphimi.

Yaahaya 4:42

Na khumuuza muukha otule yoori: “Aphano nakhupali, khahiyo mwaasa wa mattakhuzi apa olupiyeeyo, maana fweeyo nansiila na najuwa yoori khweele otu Namuusuru wa olumwenku.”

Yaahaya 5:39

Mwinsoma Zawaatikhiwa Ttakatthiifu, maana mwinoona yoori khwa yo mwinaaye ohaayi wa mileele, ila pi etthiipo zinikilawelaaye oshaahiti,

Khaazi 18:5

Wakathi Siila na Timootiyu eeshukheliyeevo Masetooniya, Paawulu khujinkha khwa olaza nttakhuzi, alawelaka oshaahiti khwa mayaahuuti yoori Yinsa ti Al-Masiihu.

1 Pheeturu 5:12

Khwa awuni ya Siila, othuuto kinimonaaye wiiya ttwi wa waamineya, miiyo kawaatikhelani khwa mattakhuzi vattitthiiru, kuulipiselakani na kilazaka oshaahiti yoori eti rehema ya ookhweele ya Nluku. Mwiiye woolipalipa nrehema ya Nluku.

1 Yaahaya 4:10

Pheta ya eto tiiti: khahiyo fweeyo nimphetiyeeyo Nluku, ila ye ti aniphetiyeeyo na khumperekha Mwanawe yoori mwaasa wa ye nipatthe swamiima ya twampi zeetthu.

1 Yaahaya 5:9

Fweeyo ninkhupalela oshaahiti wa anaatamu, ila oshaahiti wa Nluku watepa wiiyana fwayita. Opu oshaahiti wa Nluku enkhiyeeyo khwa shitaha ya Mwanawe.