1 Yaahaya 3:9 - Hapari Zooshapweya

⁹ Wakhula otule avokoliweeyo ti Nluku khanretta twampi, maana ojama awe onlipa khwa ye. Oto khanwahi orutela weettetta ntwampi maana avokoliwa ti Nluku.

1 Yaahaya 3:9 Mawu Ofanana

Matewuzhu 7:18

Khinretteya muutthi wooshapweya wiima mishumo zootakhala, wala muutthi wootakhala wiima mishumo zooshapweya.

Yaahaya 1:13

Atthaapo ahivokoliweeni khwa ephattu, wala khwa matakhelo a onaatamu wala ohiiyi khwa makhaamu a nlume, ila avokoliwa khwa matakhelo a Nluku.

Yaahaya 3:3

Yinsa khujipu yoori: “Miiyo kiniwuuzani khweele yoori, khina antakhaaye woona ofwalume wa Nluku aheetteeni ovokoliwa opheya.”

Khaazi 4:20

Fweeyo khaninwahi olikha olupa epile nooniyeezo na nisiiliyeezo.”

Arooma 6:2

Wala hatha vattitthiiru! Fweeyo, nifwiiyeeyo khwa twampi, nanna ni nintakhaaye wiikhala ntwampi nttumpho?

Akaalata 5:17

Maana epile entakhaaye onaatamu enuumanana etile entakhaaye Rooho Ttakatthiifu. Na etile entakhaaye Rooho Ttakatthiifu enuumanana etile entakhaaye onaatamu. Epo zintta wuumana moote na nzaaya, tiito mwihirette etile mwintakhaaye.

Tiitu 1:2

amini na ojuwa nchina la nroromelo khwa ohaayi wa mileele, opule Nluku woohihati, ahitiyeeyo khapulathi olumwenku ohinompiwe.

1 Pheeturu 1:23

Khwa etthiipo mwivokoliweeyo opheya, woohiiyi khwa peewu enaashikhaaye, ila ehinaashikhaaye, khwa nttakhuzi la Nluku, la ohaayi na la mileele.

1 Yaahaya 2:29

Nkhama mweeyo mwinjuwa yoori ye nashariya, mwijuwe theenya yoori wooshi otule aneettettelaaye shariya avokoliwa ti ye.

1 Yaahaya 3:6

Wakhula otule anlipanaaye ye, khanrutela oretta twampi. Wakhula otule anrutelaaye twampi, oto aya khamooneeni wala khanjuweeni.

1 Yaahaya 4:7

Aphetani aka, niphetane mmote na nzeetthu, maana pheta enlankha wa Nluku. Wakhula otule amphetaaye avokoliwa ti Nluku na oninjuwa Nluku.

1 Yaahaya 5:1

Ooshi apale ankhupalaaye yoori Yinsa ti Al-Masiihu oto avokoliwa ti Nluku, na ooshi apale animphetaaye Nluku onimpheta otule anvokoliyeeyo.

1 Yaahaya 5:18

Ninjuwa yoori ooshi apale avokoliweeyo ti Nluku khaneettetta ntwampi, maana Mwaana wa Nluku ontta owiinanela, na ntakhali khaninsapa.

1 Yaahaya 5:4

Maana ooshi apale avokoliweeyo ti Nluku ashintta olumwenku. Na opu pi oshintta olumwenku: amini yeetthu.

3 Yaahaya 1:11

Mphetani aka oheezele vitthu zootakhala ila weezele vitthu zooshapweya. Otule anrettaaye zooshapweya tu wa Nluku; otule anrettaaye zootakhala khanamoone Nluku.