1 Yaahaya 3:5 - Hapari Zooshapweya

⁵ Na mweeyo mwinjuwacha yoori Yinsa aateeliye opakusa twampi zeetthu, na khwa ye khiniiyavo twampi.

1 Yaahaya 3:5 Mawu Ofanana

Matewuzhu 1:21

Ye onteela ompattha mwaana, weeyo ontthaje nzina la Yinsa, maana ye onteela owoosuru atthu awe khwa twampi zaya.”

Luuka 23:41

Fweeyo khweele ninsuhi ohukhumweliwa epile nirettiyeezo, ila ye kharetteeni hatha etthu yootakhala.”

Luuka 23:47

Nrooma mmote aari nttunkhulu wa anajanka, nawoona vitthu epile zaarettikhaniyeezo, khunsifu Nluku araka: “Weekhweele otu aari ntthu aari weettettisaaye shariya.”

Yaahaya 1:29

Mmeesho mwaya Yaahaya khumoona Yinsa eettaka ota khuri: “Mwimoone! Oto antaaye apho, pwittipwitthi ya Nluku enlazaaye twampi voolumwenku!

Yaahaya 1:31

Miiyo akaari onjuwa paani yaya, kateela omoosa na maati yoori athoonyeziwe Ezirayiilu.”

Yaahaya 14:30

Enasaapi eti akinlawa ottakhulana mweeyo, maana mfwalume wa voolumwenku ontta ota; ye khana hatha ruhusa khwa miiyo,

Yaahaya 8:46

Paani wa mweeyo anwahaaye okilokoveza oretta twampi? Nkhama kinlupa haakhi, khi mwaasa wa niini mwihikikhupalaka?

2 Akorintiyu 5:21

Otule ahina twampi ajiretta onatwampi mwaasa wa fweeyo, yoori khwa ye niretteye wiiya shariya ya Nluku.

1 Timootiyu 1:15

Mattakhuzi apa pi ookhweele na ansuhi okhupaleliwa: Yinsa Al-Masiihu ti ye aatiiyeeyo voolumwenku oteela owoosuru anatwampi, wootepacha waya ti miiyo.

1 Timootiyu 3:16

Khayiivo shaakha yoori etile Nluku athoonyeziyeeyo khuluyeene monkoni wa Yinsa Al-Masiihu ti yootikinisa: Ye aajithoonyeziye nkhama pinaatamu, khuhakikhiwa ti Rooho Ttakatthiifu, khooniwa pi malayikha, khulaleyiwa tuniya zooshi, khukhupaliwa voolumwenku, khuweziwa pinkuuni nkatthi wa nuuru.

Tiitu 2:14

Ye ajinkha khwa zwaamu yeetthu fweeyo yoori anitaphule khwa vitthu zootakhala na anitwahareshe niiye atthu awe monkoni wa weettettisa mwentto wooshapweya.

Meepereewu 1:3

Na ti mwaana othuuto eeyiye waara wa nuuru ya Nluku na nthoonyezo wa ratarato yawe khaamili na akholelelaka vitthu zooshi khwa nttakhuzi lawe la owahi. Paata ya oswafi twampi za anaatamu eetta wiikhala nkhono nlume wa Nluku wa owahi zooshi.

Meepereewu 4:15

Tiito khanina haakhimu nwulu wa tiini ahinwahaaye omweeleya otteettheya weetthu, ila apho ninaaye haakhimu nwulu wa tiini wa wiiya nkhama fweeyo, azayiniweeyo nanna zene nkhama fweeyo, ila ye khakoseeni.

Meepereewu 7:26

Nanna ya haakhimu nwulu wa tiini naari onhithajiyaaye oniiya nkhama toono: nttakatthifu, woohiina paathuli, watwahara, woophakuwana na anatwampi, woottitthimisiwa zayita pinku.

Meepereewu 9:26

Eriwaka yaari etthiipo yaari ohithajiya Al-Masiihu ohoowa swaafu zawaatta thanku waaza wa olumwenku. Ila aphano, apuwa swaafu moote paasi khwa atthu ooshi mwiisho wa wakathi, yoori anilaze twampi zeetthu khwa otwahiwa mweenyeweene.

Meepereewu 9:28

Etthiipo Al-Masiihu ajinkha swaafu moote khwa mileele yoori alaze twampi za atthu awaatta, na ye onruti swaafu ya phiiri, woohiteeli yoori alaze twampi, ila atane nusura ya apale aninwejelaaye.

1 Pheeturu 1:18

Maana mweeyo mwinjuwa yoori khahiyo khwa vitthu ziniishaaye, nkhama feeta ama weero, mwikaphuleliweeyo khwa ohaayi opule woohiina fwayita mwaavalisiweeyo ti amarehemu apapazenu,

1 Pheeturu 1:20

Ye athawuliwa ti Nluku khapulathi olumwenku ohinompiwe, ila khuthoonyeziwa wakathi opu wa mwiisho khwa zwaamu yenu mweeyo.

1 Pheeturu 2:22

“Ye kharetteeni hatha twampi moote, na wala khusaruweenimo ottettekha mmote nkhanyo mwawe.”

1 Pheeturu 2:24

Ye mweenyeweene athuula mmwiili mwawe twampi zeetthu vansalapa, yoori nifwe khwa twampi na niikhale khwa shariya. Khwa makhwatta awe mweeyo mwavonisiwa.

1 Pheeturu 3:18

Maana Al-Masiihu ahoowa swaafu moote mwaasa wa twampi zenu, nashariya khwa apale oohiina shariya, yoori oofiyiseni wa Nluku. Khuuliiwa mwiili awe, ila khwiiya haayi khwa Rooho.

1 Yaahaya 1:2

Ohaayi wajithoonyeza; fweeyo noona na ninlawela oshaahiti na nawuuzani mweeyo monkoni wa ohaayi wa mileele, aariina Paapa na nathoonyeziwa.

1 Yaahaya 1:7

Ila amana neettetta nnuuru, nkhama ye ariiye nnuuru, phi ninthokorelaavo osiilana mmote na nzeetthu, na taamu ya Mwanawe Yinsa entta oniswafi twampi zeetthu zooshi.

1 Yaahaya 2:1

Aanaaka, mattakhuzi apa kiniwaatikhelani mweeyo yoori mwihisala mwiretta twampi. Ila ntthu arettaru twampi, ninaaye namwaakisa mmakhono wa Paapa, Yinsa Al-Masiihu nashariya.

1 Yaahaya 2:2

Ye swamiima wa twampi zeetthu, khahiyo zeetthu paasi, ila theenya khwa twampi za olumwenku wooshi.

1 Yaahaya 2:29

Nkhama mweeyo mwinjuwa yoori ye nashariya, mwijuwe theenya yoori wooshi otule aneettettelaaye shariya avokoliwa ti ye.

1 Yaahaya 3:8

Otule anrettaaye twampi oto ntthu wa sheethwani, maana sheethwani namaretta twampi thanku omwanzo. Ti swapwapu yooperekhiwa Mwaana wa Nluku yoori ate apweche khaazi za sheethwani.

Othoonyeziwa 1:5

na khwa Yinsa Al-Masiihu, shaahiti wa waamineya, wa omwanzo khwa ananfwa na mfwalume nwulu wa afwalume a voolumwenku. Ye onnipheta na anitaphula twampi zeetthu khwa taamu yawe,