1 Yaahaya 3:22 - Hapari Zooshapweya

²² na wakhula etile nininvekelaaye ye nimpwekhera, maana ninshututela oruma wawe na ninretta etile enintuvelaaye.

1 Yaahaya 3:22 Mawu Ofanana

Matewuzhu 17:5

Pheeturu eettaka ottakhula nalelo, khupuwa liwiku lawaara khuwaafinikha, nttumpho khupuwamo huula yaari oraaye: “Otu Mwanaka wompheta na wookituvela channu. Mwinsiileze!”

Matewuzhu 21:22

Amana mwiiyana amini mwinpwekhera zooshi mwinttelaaye oveka khwa lompa.”

Maaruku 11:24

Apho, miiyo kiniwuuza yoori, zooshi weeyo onvekaazo khwa lompa, khukhupalela yoori wapwekherela, onteela opattha.

Yaahaya 14:13

Na zooshi mwinttelaaye oveka khwa nzina laka, miiyo kinretta, yoori Paapa attitthimisiwe khwa mwanawe.

Yaahaya 15:10

Amana mweeyo mwishututela oruma waka mwiniiya nkatthi wa pheta yaka, nkhama etthiipo na miiyo kinshututelaaye oruma wa Paapa na kiiyiyeeyo nkatthi wa pheta yawe.

Yaahaya 15:7

Ila amana mwijilipisana miiyo na mattakhuzi aka khwiiya na mweeyo, mwiveke wakhula etile mwintakhaaye mwintta winkhiwa.

Yaahaya 6:29

Yinsa khuwaajipu yoori: “Khaazi Nluku antakhaaye tiiti, onkhupali otule anrumiyeeyo.”

Yaahaya 8:29

Otule akirumiyeeyo ori vamote na miiyo, ye khakilikheeni wiiya otthome, maana wakhula wakathi kinretta etile enintuvelaaye.”

Yaahaya 9:31

Ninjuwa yoori Nluku khaninsileza natwampi; ila olikha toowo, nkhama ntthu onimoova Nluku na khusala aretta matakhelo awe, oto Nluku ontta onsiila.

Khaazi 17:30

Raku, Nluku khazaari onjali vitthu zaya epo, ila aphano alupa yoori atthu a phantte zooshi athupwiye.

Khaazi 20:21

Kiwaatafusirelaka venkivene mayaahuuti mpakha akereeku yoori ankhupali Nluku athupwiye na amwaamini Mbwana eetthu Yinsa.

Afiliipu 4:18

Kapwekhera zooshi, kapattha zooziti ofiyela. Kinaaye zooshi kinihithajiyaayo, paata ya Epaforotiitu okitiisela vitthu epi mwiperekhiyeeyo, epo zaya ziri nkhama mafuttha oonukhela awinkhiwa Nluku, twaha ankhupalelaaye na enintuvelaaye.

Akoloosu 1:10

Na etthiipo, mwiwahi wiikhala nanna ensuhaaye khwa Mbwana na mwirettaka etile enintuvelaaye, mwiimaka mishumo zooshi zooshapweya na mwiwulaka khwa ojuwa wa Nluku.

Meepereewu 13:21

okhamilikhiseni khwa zooshi zooshapweya yoori mwirette matakhelo awe, na erettikhane khwa fweeyo etile enintuvelaaye khwa Yinsa Al-Masiihu, othuuto siifwa ziiyiye khwa ye mileele. Amiina.

Tiyaaku 1:5

Nkhama owaapho mmote wa mweeyo athowiweeyo ti akhili, anvekele Nluku aninkhaaye wahurumavo, othuuto aniwenkhaaye atthu ooshi khwa okemaani na ontta owinkha.

Tiyaaku 4:3

Amana mwiveka khamwininkhiwa, maana mwinveka woovonyeyavo, yoori mwinharipu khwa tuvela zenu.

Tiyaaku 5:16

Nakataalikha, mwisala mwitukhuru twampi zenu mwiwoozaka azeenu na olompelana mmote na nzeenu yoori mwivonisiwe. Lompa ya nashariya ena owahi nwulweene.

1 Yaahaya 2:3

Onjuwa weetthu Yinsa onjuweya amana nishututela oruma wawe.

1 Yaahaya 5:14

Opu ororomela niriina mmakhono wa Nluku, amana niveka etthu khwa matakhelo awe, ninaaye hakiikha yoori onnisiila.