1 Yaahaya 3:21 - Hapari Zooshapweya

²¹ Aphetani aka, nkhama rooho zeetthu khinnikheeti, ninaaye nroromelo mmakhono wa Nluku;

1 Yaahaya 3:21 Mawu Ofanana

Arooma 14:22

Etthiipo, khwa nanna oriizo okhupali wawo monkoni wa vitthu zaya epo, othokorele weeyo na Nluku. Wooparikhiyiwa ti otule ahinjihukhumwaaye khwa etile anoonaaye yoori ti yoolikana!

1 Akorintiyu 4:4

Yeeyaru khwa yoohiivo hatha etthu akhili zaka pi ekilokoveze, tiito hatha akinjihakikhi ki mweenyewe. Mbwana ti anikiphukaaye.

2 Akorintiyu 1:12

Opo ojishashawula weetthu: akhili zeetthu enlaza oshaahiti yoori khanilokoziweeni ti olumwenku, ila osiilana weetthu na mweeyo khwa ottakatthifu na ookhweele onlankhaaye wa Nluku, woohiiyi khwa ojuwa wa enaatamu, ila khwa rehema ya Nluku.

Ayeefezu 3:12

Khwa otule nimpattheliyeeyo otaphuliwa, ninlawa ojithoonyeza omaasho wa Nluku nirina nroromelo nwulweene wa amini khwa ye.

1 Timootiyu 2:8

Apho, alume ooshi kintakha yoori wakhula vahali ankusanyeyaavo alompe alansaka makhono na rooho ya emaani woohikatipukhi na woohinyakulisani.

Meepereewu 10:22

apho nlaweni nimwaattame Nluku na rooho yookhweele na amini khaamili, na rooho zootwahareshiwa khwa akhili za paathuli na wiiyana mwiili wawoosiwa ti maati oohalalishiwa.

Meepereewu 4:16

Apho naattame khukulu ya rehema na nroromelo wooshi, yoori nipwekhere tthakaraka na napatthe rehema ya onaawuni wakathi woohithajiya.

1 Yaahaya 2:28

Aphano aanaaka, mwilipane ye, yoori amana ofiya wakathi awe woota nipatthe ororomela, na nihiiye woopatthiwa ti haaya siikhu antaavo.

1 Yaahaya 2:7

Aphetani aka, akiniwaatikhelani oruma mpheya, ila oruma wa raku, otthuupo mwiriina omwanzo: oruma otthuupo wa raku pi hapari mwisiiliyeeyo.

1 Yaahaya 3:2

Aphetani aka, nasaapi eti naana a Nluku, ila nalelo khannathoonyeziwe niini ninttelaayo wiiya. Ila ninjuwa yoori amana ajithoonyeza, ninttela wiiya nkhama ye, maana ninteela omoona nanna ariizo.

1 Yaahaya 3:20

amana rooho zeetthu zinikheeti, Nluku ti eeye nwulweene khwa rooho zeetthu, maana ye ti njuwi wa vitthu zooshi.

1 Yaahaya 4:17

Khwa nanna eti opheta oniiya woozowereya khwa fweeyo, yoori siikhu ya mwiisho niiye wonroromela, maana voolumwenku apha fweeyo niri nkhama ye.

1 Yaahaya 5:14

Opu ororomela niriina mmakhono wa Nluku, amana niveka etthu khwa matakhelo awe, ninaaye hakiikha yoori onnisiila.