1 Yaahaya 3:12 - Hapari Zooshapweya

¹² Nihiiye nkhama Kayiini, otule aari wa phantte ya ntakhali khumuula ttwiiye. Amuulela niini? Mwaasa wa khaazi zawe zaari zootakhala, ila epi za ttwiiye zaari za shariya.

1 Yaahaya 3:12 Mawu Ofanana

Mwanzo 4:25

Adamu khurapalelana muukhaawe theenya khumpattha mwaana khuntthaja nzina la Seethi, Haawa khuri: “Nluku akinkha mwaana nkinoko wonriphelavo Apeele otule ooliweeyo ti Kayiini.”

Matewuzhu 13:19

Amana ntthu asiila nttakhuzi la ofwalume khuhimweeleyi, ntakhali ti antaaye khulazavo etile yaazaliweeyo nroho mwawe. Eto peewu etile yaakweliyeeyo nshini wa tarikhi.

Matewuzhu 13:38

Nshapa olumwenku, peewu yooshapweya aana a muufwalume. Ntakatakha aana a sheethwani.

Matewuzhu 23:35

Khwa etthiipo enuukhwelani paathuli ya taamu yooshi ya anashariya yiittikheliyeeyo vathi, waaza taamu ya nashariya Apeele, mpakha taamu ya Zakariiya mwaana wa Barakiiya, mwimuuliyeeyo vakatthi wa omwimpari na alitaari.

Matewuzhu 27:23

Ila Pilaatu khuuzela yoori: “Niini arettiyeeyo yootakhala?” Ila atthu apale khusala avira atepaka onyakula araka: “Akhomeliwe!”

Matewuzhu 5:37

Entosheleza olupa yoori ‘aayo’ amana yiiya ‘aayo’, na ‘wala’ amana yiiya ‘wala’; noozitisa apho enlankha wa sheethwani.

Luuka 11:51

Waaza taamu ya Apeele mpakha taamu ya Zakariiya, otule ooliweeyo kharipu ya va alitaari vaje wa nyuupa ya Nluku. Kiniwuuzani yoori, atthu a leelo anlawa ajipu mwaasa wa ethiito.

Yaahaya 10:32

Yinsa khuwooza yoori: “Miiyo karetta vakatthi venu vitthu zawaatta zooshapweya Paapa akirumiyeezo oretta, khwa zooshi ti tiivi mwintakhelaaye okivonyela?”

Yaahaya 8:40

Ila mweeyo mwintakha okuula, kiri miiyo kiwuuziyeenini haakhi etile kisiiliyeeyo wa Nluku. Eburahiima kharetteeni toowo.

Yaahaya 8:41

Mweeyo mwinretta etile papeenu arettiyeeyo.” Yo khujipu yoori: “Fweeyo khahi na aana pure, ninaaye Paapa mmote paasi Nluku.”

Khaazi 7:52

Napiyu ni amarehemu apapazenu ahinlupattheeni? Yo awoola apale aari olaleyaaye ota wa Nashariya, othuuto enasaapi eti mweeyo mwijirettiyeeyo onamanlupattha na namahusuti.

1 Atizaloonika 2:14

Maana mweeyo attwiizetthu, mwaretteya wiiya anamweezela a ojama wa Nluku khwa Al-Masiihu Yinsa oriiye Yudeya. Mweeyo mwahoowa khwa phantte ya atthu mwilankhaniyeeyo nti mmote, nkhama ojama wa Nluku opule nkina ohoowiyeeyo khwa phantte ya mayaahuuti,

Meepereewu 11:4

Khwa amini, Apeele aamwinkhiye Nluku twaha khuluyeene zayita ya Kayiini. Khwa amini, Apeele khuhakikhiwa wiiya ntthu wa shariya, maana Nluku aakhupaleliye zaakha yawe. Eeyaru pure woofwa, khwa amini nalelo onttakhula.

Meepereewu 12:24

Mweeyo mwafiya wa Yinsa, namasiilanisa wa osiilana mpheya na wa taamu etile evinyiweeyo, enttakhulaaye saana zayita taamu ya Apeele.

1 Pheeturu 4:4

Nasaapi eti, makaafiri anuushankelani amana mweeyo mwihikusanyeyaka na yo khwa ohaayi wootakhala na wa khaapa twayifu, tiito yo anuuttukhanaani.

1 Yaahaya 3:8

Otule anrettaaye twampi oto ntthu wa sheethwani, maana sheethwani namaretta twampi thanku omwanzo. Ti swapwapu yooperekhiwa Mwaana wa Nluku yoori ate apweche khaazi za sheethwani.

Yuuda 1:11

Otakhaliwa pu waya! Maana anlottela tarikhi ya Kayiini. Mwaasa wa nzurukhu, yo ajittha nkatthi wa vitthu zoovonyeya za Palaawu, na atapanyiwa muukhijili wa Koora.

Othoonyeziwa 17:6

Miiyo khoona yoori muukha yaari yonhapala taamu ya attakatthiifu, taamu ya mashaahiti a Yinsa. Wakathi kimooniyeevo khwiiya wooshanka channu.