1 Yaahaya 3:10 - Hapari Zooshapweya

¹⁰ Etthiipo phi anjuweyaavo apale eeyiye aana a Nluku na apale eeyiye aana a sheethwani: otule ahineettettisaaye shariya oto khahi wa Nluku na otule ahinimphetaaye ttwiiye pi etthiipo.

1 Yaahaya 3:10 Mawu Ofanana

Matewuzhu 13:38

Nshapa olumwenku, peewu yooshapweya aana a muufwalume. Ntakatakha aana a sheethwani.

Luuka 6:35

Mwiwaaphete maatuwi enu, mwiwaarettele zooshapweya, mwiweepaashe mwiheekeselaka wuurutiselani. Toowo tthuvo yenu enttela wiiya khuluyeene na mwinttela wiiya aana a Nwulu wa Pinkuuni, maana Nluku nkemaani hatha khwa apale ahininshukhurwaaye na apale ootakhala rooho.

Yaahaya 1:12

Ila apale ampwekhereliyeeyo na akhupaliyeeyo nzina lawe, awenkha ruhusa yooretteya wiiya aana a Nluku.

Yaahaya 11:52

khahiyo paasi khwa khapila ya mayaahuuti, ila theenya yoori awaakusanye khwa mwiili mmote aana a Nluku apale amwazeyiyeeyo.

Yaahaya 8:44

“Mweeyo mwinaaye papeenu, sheethwani, na mwintakha oretta etile enintuvelaaye. Ye namahusuti waaza omwanzweene wala khanalotteleke haakhi, maana ye khana haakhi. Amana ahataka onlupa mattakhuzi awe, maana namahata, paapa wa ohata.

Yaahaya 8:47

Otule eeyiyeeyo wa Nluku onsiila mattakhuzi a Nluku. Mweeyo khamwinsiileza maana khayi mwa a Nluku.”

Khaazi 13:10

khumuuza yoori: “Mwaana wa sheethwani wamwiitaala ottettekha na zootakhala zooshi, atuwi wa shariya! Khunlikha otapwatela tarikhi za wookowa za Mbwana?

Arooma 13:8

Mwihiliwe hatha etthu, woohiiyi pheta ya mmote na nzeenu, maana otule animphetaaye nzaawe onshututela kano ya Nluku.

Ayeefezu 5:1

Nakataalikha, mwiiye anamweezela a Nluku nkhama aana oophetiwa,

Akoloosu 3:14

Khwa zooshi epo mwijiwalise pheta, maana ti ethiito ennikusanyaaye wookhaamilikhavo.

1 Timootiyu 1:5

Maana a masomi aya apa ophetana wa rooho yookemaani, na ojuwa othawula yooshapweya vakatthi wa yootakhala, na amini yohiiyi yoonaafikhi.

1 Yaahaya 2:29

Nkhama mweeyo mwinjuwa yoori ye nashariya, mwijuwe theenya yoori wooshi otule aneettettelaaye shariya avokoliwa ti ye.

1 Yaahaya 3:1

Moone nanna ewuliyeezo pheta Paapa aninkhiyeeyo, yawiitthiwa aana a Nluku, khweele na aana a Nluku. Tiito olumwenku ohinnijuwaaye, maana olumwenku khuninjuwa Nluku.

1 Yaahaya 3:2

Aphetani aka, nasaapi eti naana a Nluku, ila nalelo khannathoonyeziwe niini ninttelaayo wiiya. Ila ninjuwa yoori amana ajithoonyeza, ninttela wiiya nkhama ye, maana ninteela omoona nanna ariizo.

1 Yaahaya 4:21

Al-Masiihu aninkha oruma opu: Otule animphetaaye Nluku, theenya ona yompheta ttwiiye.

1 Yaahaya 4:6

Fweeyo ninlankha wa Nluku, otule aninjuwaaye Nluku onnisiileza. Otule ahinlankhaaye wa Nluku khannisiila. Khwa etthiipo ninjuwa Rooho ya haakhi na rooho yoovonya.

1 Yaahaya 4:8

Ila otule ahimphetaaye khaninjuwa Nluku mwaasa yoori Nluku pheta.

1 Yaahaya 5:19

Fweeyo ninjuwa yoori niri wa Nluku na olumwenku onlokozeliwa pi owahi wa ntakhali.

1 Yaahaya 5:2

Fweeyo ninjuwa yoori niniwaapheta aana a Nluku amana nimphetaka Nluku na nishututelaka oruma wawe.

3 Yaahaya 1:11

Mphetani aka oheezele vitthu zootakhala ila weezele vitthu zooshapweya. Otule anrettaaye zooshapweya tu wa Nluku; otule anrettaaye zootakhala khanamoone Nluku.