1 Yaahaya 2:27 - Hapari Zooshapweya

²⁷ Ila othawaziwa opu mweeyo mwipwekheriyeeyo khwa ye olipe khwa mweeyo, na khamwinihithajiya osomisiwa ti hatha ntthu. Othawaza wawe wiiyiyeeyo haakhi na woohivonyeyi onuusomisani vitthu zooshi, tiito, mwilipane otthuupo nkhama etthiipo ye oosomisiyeenini.

1 Yaahaya 2:27 Mawu Ofanana

Matewuzhu 13:11

Ye khuwaajipu: “Mweeyo mwenkhiwa ojuwa siiri za ofwalume wa pinkuuni, ila yo wala.

Yaahaya 14:16

Miiyo kinttela onvekela Paapa yoori awinkheni Namalipisela nkina, yoori eeye vamote na mweeyo khwa mileele,

Yaahaya 14:17

Rooho ya haakhi, atthu a voolumwenku ahinttelaaye opokhera, maana, khanteela woona na wala khanjuwa. Ila mweeyo mwinjuwa, maana Yo eniikhala nkatthi mweenu na enttela wiiya na mweeyo.

Yaahaya 14:26

Ila Namalipisela, Rooho Ttakatthiifu, eto Paapa anttelaaye omperekha khwa nzina laka, onteela wuusomisani mweeyo vitthu zooshi na wuukupuselani zooshi epile kiwuuziyeenini.

Yaahaya 16:13

Ila amana Rooho ya haakhi eta, ye enttela wuusomisani khweele yooshi mweeyo. Ye kinteela ojilupa, ila enttela olupa zooshi esiiliyeeyo na owuuzani mweeyo vitthu zinttelaaye orettikhana.

Yaahaya 4:14

ila otule anttelaaye onywa maati kinttelaaye omwinkha khanlawa wiiyana nnyottha theenya. Olikha toowo, maati kinttelaaye owinkha anttela oretteya naattuuttu wa wiittikha maati a ohaayi wa mileele.”

Yaahaya 6:45

Yaatikhiwa nkithaapu za manapiyu yoori: ‘Ooshi anttela osomisiwa ti Nluku.’ Nakataalikha, wooshi otule asiiliyeeyo phantte ya Paapa na khujuwa, onikiteela miiyo.

1 Akorintiyu 2:12

Ila fweeyo khanipwekhereleeni rooho ya olumwenku otthuupu, ila Rooho enlankhaaye wa Nluku, yoori eneeleye vitthu Nluku anninkhaaye mahala.

1 Akorintiyu 2:13

Epo zaya naye ninttakhulaka, khahiyo khwa mattakhuzi a akhili oosomisiwa pi anaatamu, ila khwa mattakhuzi oosomisiwa ti Rooho Ttakatthiifu, etaphuleliwaka khweele ttakatthiifu khwa apale eeyiyeeyo attakatthiifu.

2 Akorintiyu 1:21

Nluku ti annikhomaazeye fweeyo na mweeyo khwa Al-Masiihu. Ye ti anithawaziyeeyo.

Ayeefezu 4:21

nkhama khweele mwasiila alupiwaka na khusomisiwa khwa haakhi eriiyeeyo wa Yinsa.

Akoloosu 2:6

Nakataalikha, nkhama etthiipo mweeyo mwimpwekhereliyeeyo Yinsa Al-Masiihu Mbwana, mwiikhale khwa osiilana na ye,

1 Atizaloonika 2:13

Theenya ninshukhurwele Nluku woohilikheleli, mwaasa yoori wakathi mwipwekhereliyeeyo khwa phantte yeetthu nttakhuzi la Nluku, mweeyo mwakhupalela, khahiyo nkhama nttakhuzi la anaatamu, ila khwa nanna weekhweele liiyiyeezo nttakhuzi la Nluku, linkholaaye khaazi wookhomaalavo khwa mweeyo mwikhupaliyeeyo.

1 Atizaloonika 4:9

Monkoni wa pheta ya attwi, khinihithajiya owaatikhelani, maana Nluku mweenyewe awaasomisa yoori mwina ya ophetana mmote na nzeenu.

1 Timootiyu 2:7

Akintta ohata kinlupa khweele, keetta othawuliwa yoori kiiye namalaleya, kiiye aswihaapa na kiiye namanozela wa mattakhuzi apa a amini na a haakhi, khwa khapila zooshi.

1 Pheeturu 1:23

Khwa etthiipo mwivokoliweeyo opheya, woohiiyi khwa peewu enaashikhaaye, ila ehinaashikhaaye, khwa nttakhuzi la Nluku, la ohaayi na la mileele.

1 Yaahaya 2:28

Aphano aanaaka, mwilipane ye, yoori amana ofiya wakathi awe woota nipatthe ororomela, na nihiiye woopatthiwa ti haaya siikhu antaavo.

1 Yaahaya 3:24

Otule anshututelaaye oruma wawe oto onlipana Nluku, na Nluku na ye. Khwa toowo onjuwa yoori ye oniiya khwa ye, mwaasa wa Rooho aninkhiyeeyo.

2 Yaahaya 1:2

mwaasa wa haakhi etile nilipaniyeeyo fweeyo na enttela wiiya na fweeyo khwa mileele.