1 Yaahaya 2:26 - Hapari Zooshapweya

²⁶ Kiniwaatikhelani vitthu epi monkoni wa apale antakhaaye wuuthowelelisani.

1 Yaahaya 2:26 Mawu Ofanana

Maaruku 13:22

Maana anlawa apuwe Al-Masiihu oojipanka na manapiyu oojipanka anttelaaye oretta alama na vitthu zootikinisa yoori awaahate apale oothawuliwa.

Akoloosu 2:18

Mwihinlikhelele ntthu onintuvelaaye ojipushuwisa woovonyeya na khwa waaputu malayikha wuukarawelani opattha tthuvo. Ntthu aya oto onthatela saaneene jozi zawe, na akhili zawe za onaatamu enimwinkha ojikhupali.

Akoloosu 2:8

Mwiiyane phoole yoori ahiiyevo anttelaaye wuurettani oviitthwaana mwaasa wa masomi oohiina fwayita na oottettekha, anlankhaaye khwa thwapiya za oonaatamu na yaazo yoolankha voolumwenku attaapha, zohiiyi khwa Al-Masiihu.

1 Timootiyu 4:1

Rooho Ttakatthiifu enlupa saaneene yoori omwiisho anlawa atthu akina alikhe amini, asiilezaka nafusi zoottettekha na masomi a masheethwani.

2 Timootiyu 3:13

Olikha toowo, atthu ootakhala rooho na oojinkhelela eniweettettela zootakhala wootepavo, attettekhaka nayo attettekhiwaka.

1 Yaahaya 3:7

Mweeyo aanaaka, mwihinlikhelele ntthu oohatakani. Wakhula otule aneettettisaaye shariya nashariya, nkhama etthiipi naye eeyiyeeyo nashariya.

2 Yaahaya 1:7

Maana anamattettekha enkeene amwazeyela va olumwenku, alupaka yoori Yinsa Al-Masiihu khateeni nkhama pinaatamu. Anrettaaye toowo namattettekha na atuwi wa Al-Masiihu.