1 Timootiyu 6:18 - Hapari Zooshapweya

¹⁸ Owaahirimize oretta saana na eeye mathaajiri a khaazi zooshapweya, awiiyana rooho yooleva na wiiya atthu anwahaaye omeela epile aniiyanaazo.

1 Timootiyu 6:18 Mawu Ofanana

Matewuzhu 5:42

“Amana ntthu oovekela etthu, omwinkhe; ohinnoze enyokonyoko otule anuuvekelaaye omwiipaasha.

Luuka 12:21

Yinsa khumarisela araka: “Ntthu oto ori nkhama atthu apale anlipanaaye maali zaya ila mmakhono wa Nluku khahi mathaajiri.”

Luuka 3:11

Ye khuwaajipu yoori: “Otule ariina hempe piiri, moote amwinkhe otule ahina. Otule ariina etthu yoojiwa awaameele apale ahina.”

Khaazi 10:38

mweeyo mwinjuwa khwa nanna Nluku anthawaziyeeyo Yinsa wa Nazareeti khwa Rooho Ttakatthiifu na owahi, ethiito yanlawaniye phantte zinkizene arettaka vitthu zooshapweya na owaavonisa atthu ooshi apale aari ohoochiwaaye ti sheethwani, maana Nluku aari vamote na ye.

Khaazi 11:29

Anakhiyoni khujilakelela owaawuni attwiizaya aari wiikhalaaye Yudeya wakhula ntthu khwa khiima aari owahaazo.

Khaazi 9:36

Yoope aariwo nakhiyoni wankha aari wiitthiwaaye Tabita, khwa luuka ya ekereeku enriwa Dooroka. Ye aari oretta vitthu zooshapweya na winkha zimola.

Arooma 12:13

Mwisala mwiwaameela attakatthiifu apale othowiwa epile mwiniiyanaaye, na owaapokherela aletto vaje venu.

Arooma 12:8

nkhama ti ya owaalipisela azaawo, owaalipisele. Nkhama ti ya winkha, winkhe wahurumavo; nkhama ti ya olokozela, olokozele na phoole; nkhama ti ya othoonyeza tthakaraka, othoonyeze na furaha.

1 Akorintiyu 16:2

Siikhu yamwanzo ya sumana, wakhula mmote wa mweeyo apwehe owawe phantte etile apatthiyeeyo, yoori amana miiyo kita kihihithajiye oshokholeza.

2 Akorintiyu 8:12

Maana, amana ntthu ajilakelela winkha, Nluku ompwekherela etile ntthu ariina, khaninvekela ntthu etile ahina.

2 Akorintiyu 8:9

Maana mweeyo mwinjuwa rehema ya Mbwana eetthu Yinsa Al-Masiihu, ari thaajiri, ila khujiretta wiiya masikhini mwaasa wa pheta yenu, yoori vakatthi wa osikhini aya, mweeyo mwiretteye wiiya mathaajiri.

Akaalata 6:10

Nakataalikha wakathi ninwahaaye, niwaarettele zooshapweya atthu ooshi, haaswa haaswa apale a ojama nkatthi wa amini.

Ayeefezu 4:28

Otule aari nantarawu alikhe wiiya, ila arette etthu yooshapweya na makhono awe yoori apatthe etthu yoowaamela apale oothowiwa.

1 Timootiyu 5:10

Eeye muukha woojuwaniwa oretta vitthu zooshapweya, woowaalela saana aanaawe, woomakeleya, ama eeye muukha aari woosakaaye moolu a atthu oottakatthiifu a Nluku, aari owaawunakaaye anamathowiwa na aari okholakaaye khaazi zooshi zooshapweya, othuuto ti aatikhiwe nwarakha ya anamafweliwa pi amanna zaya.

Tiitu 2:14

Ye ajinkha khwa zwaamu yeetthu fweeyo yoori anitaphule khwa vitthu zootakhala na anitwahareshe niiye atthu awe monkoni wa weettettisa mwentto wooshapweya.

Tiitu 3:8

Mattakhuzi apa pi awaamineya, miiyo kintakha yoori weeyo Tiitu okhanyarele olupa, yoori apale aninkhupalaaye Nluku ajilipisane oretta khaazi zooshapweya. Vitthu zaya epo pi za otepa oshapweya na za fwayita khwa anaatamu.

Meepereewu 13:16

Mwihilikhelele oretta zooshapweya na owaameela azeenu khwa etile mwiriinaaye, maana twaha zinintuvelaaye Nluku pi etthiipo.

Tiyaaku 2:5

Mwisiile, attwiizaku aphetani aka, Nluku awaathawula apale eeyiye asikhini yoori eeye mathaajiri nkatthi wa amini na weetta muufwalume awaahitiyeeyo apale animphetaaye.

1 Pheeturu 3:11

Owerawere vitthu zootakhala na orette vitthu zooshapweya; weekese heeri khwa nthiti.

1 Yaahaya 3:17

Nkhama ntthu onaaye vitthu za voolumwenku khumoona ttwiiye athowiwe na khunlipela rooho, pheta ya Nluku enlipa toovi khwa ye?

3 Yaahaya 1:11

Mphetani aka oheezele vitthu zootakhala ila weezele vitthu zooshapweya. Otule anrettaaye zooshapweya tu wa Nluku; otule anrettaaye zootakhala khanamoone Nluku.