1 Timootiyu 4:6 - Hapari Zooshapweya

⁶ Amana weeyo owaanozela attwiizo mattakhuzi apa, oniiya karumeya wa Yinsa Al-Masiihu wookemaani, ojilipisanaka mattakhuzi a amini na masomi ookhweele apa olottiyeeyo.

1 Timootiyu 4:6 Mawu Ofanana

Matewuzhu 13:52

Ye khuwooza yoori: “Tiito wakhula namanozela a kano anozeliweeyo monkoni wa ofwalume wa pinkuuni onlattanana mweenyewe nyuupa anlazaavo va njuju vawe vitthu pheeya na vitthu zaraku.”

Luuka 1:3

Na miiyo zwaamu yaka khusala kitholathola woohilazeli varanka epile zirettikhaniyeezo zaazaka, khulakela owaatikhela zooshi woolotteyavo,

Khaazi 1:15

Siikhu etthiipile Pheeturu khweemela vakatthi wa mamuumini vahali aakusanyeyiyeevo atthu miiya na eshiriini khulupa awoozaka ooshi yoori:

Khaazi 20:31

Apho, mwijeekesele, mwifikhirele yoori khwa nyaakha mittatthu miiyo akilikheleleeni wuulipiselani wakhula mmote wa mweeyo, osikhu na nthana, na mishozi zeettaka okikwa.

Khaazi 20:35

Zooshi kirettiyeezo, miiyo koosomisani yoori khwa khaazi zoolipa nina ya owaawuni apale oothowiwa, nifikhirelaka mattakhuzi apale alupiyeeyo Mbwana Yinsa yoori: ‘Wooparikhiyiwa ti otule aninkhaaye zayita otule aninkhiwaaye.’ ”

Arooma 15:15

Monkoni wa vitthu kiina zaya, miiyo kawaatikhelani mweeyo woomaruwavo channu, haaswahaaswa yoori kuukupuseleni opheya vitthu zaya epo mwinjuwaazo. Kawaatikhelani mwaasa wa rehema Nluku akinkhiyeeyo,

1 Akorintiyu 4:17

Tiito, kinuuperekhezani Timootiyu, mwanaka wompheta na wa waamineya khwa Mbwana, othuuto anttelaaye wuukupuselani mwentto aka khwa Yinsa Al-Masiihu, khwa nanna kinsomisaazo phantte zooshi na ojama wa Nluku wooshi.

2 Akorintiyu 11:23

Yo akarumeya a Al-Masiihu? Aphano ki woovevereya! Miiyo theenya kakhola khaazi channu. Kaafukeliwe swaafu zawaatta. Khujaphiwa nakuvu, swaafu zawaatta na khusala kisaleela ofwa.

2 Akorintiyu 3:6

Ye aninkha makhaamu a wiiya awaziri a osiilana mpheya, ohiiyi a kano, ila a rooho; maana kano enuula, ila Rooho ya Nluku eninkha ohaayi.

2 Akorintiyu 6:4

Olikha toowo, nkhama akarumeya a Nluku, nintumerelana khwa wakhula nanna: nthiti venkivene, khwa ohoowa, tafwawuthi na huzuni,

Ayeefezu 6:21

Tikiiku, ttwiiyetthu na jiraani eetthu, karumeya wa waamineya wa Mbwana eetthu, othuuto ontta wuuthatelelani zooshi, yoori mweeyo mwijuwe nanna kiriizo enasaapi eti na etthu kinrettaaye.

Afiliipu 2:20

Akina ntthu nkina nkhama ye, anshikhaaye saaneene yoori mweeyo mwiiye saana,

Afiliipu 2:22

Ila mweeyo mwinjuwa nanna Timootiyu athoonyeziyeeyo fwayita yawe, maana ye arumeya na miiyo khwa olaleya hapari zooshapweya nkhama mwaana ari mpavu wa papaawe.

Afiliipu 3:16

Niikhale paasi khwa epile nipatthiyeeyo.

Akoloosu 2:19

Ntthu nkhama toowo attuwanana Al-Masiihu otule eeyiyeeyo eeshwa, khwa ethiito mwiili wooshi, onleliwaaye na onkusanyiwaaye khwa phantte zoofwarikhana, entana owula Nluku aninkhaaye.

Akoloosu 3:16

Hapari za Al-Masiihu ziikhale saaneene nroho mweenu, mwisomisane na mwilakane mmote na nzeenu na akhili zooshi mwiipaka zaapuura, kaswiita na maliipo a siifwa na onshukhurwela Nluku nroho mweenu.

Akoloosu 4:7

Tikiiku onteela owuuzani vitthu zooshi monkoni wa miiyo. Ye ttwiiyetthu nininphetaaye, karumeya wa waamineya na nshirikha nkatthi wa khaazi ya Mbwana.

1 Atizaloonika 3:2

na etthiipo, khunruma Timootiyu, ttwiiyetthu na nakhaazi wa Nluku khwa hapari zooshapweya za Al-Masiihu, yoori ookhomaazeni na wuuthuzani nkatthi wa amini,

1 Timootiyu 1:10

zaawaateeliye anamajansili na apale aniwaalalanaaye alume azaaya, zaawaateeliye apale aniwaakholaaye atthu na owoozanyisa na anamahata, zaawaateeliye apale anlaphaaye eettaka ohata, na ooshi apale mwentto nzuuri ahintakhaaye.

1 Timootiyu 4:16

Ojiinanele weeyo na wiiyane phoole na mwentto opu onsomisaaye, vitthu epo ojilipise oretta. Amana okhanyarela oretta etthiipo, ontta ojuusuru weeyo na apale anuusiilaaye.

1 Timootiyu 6:3

Nkhama ntthu onsomisa mwentto woofwarikhana ohinkholananaaye na mattakhuzi oolikana a Mbwana eetthu Yinsa Al-Masiihu mwentto wa emaani,

2 Timootiyu 1:6

Khwa ethiito, kinuutumerela yoori okholelele wa ohaayivo tthuvo ya Nluku opatthiyeeyo paata ya miiyo wuutthela makhono aka.

2 Timootiyu 3:10

Ila weeyo onlottela wookharipweyavo masomi aka, menttezi aka, matakhelo aka, amini yaka, ovilela waka, pheta yaka, na okhanyarela waka,

2 Timootiyu 4:3

Maana onlawa wafiye wakathi ahinttelaaye okhupalela thwapiya zooshapweya; olikha toowo oonaka otikita omashiilo waya, anlawa awaakusanye ajuwi aya awaanozelaka nkhama etthiipo antakhaazo.

Tiitu 2:1

Ila weeyo, olupe epile ziriye nkatthi wa masomi oolotteya.

1 Pheeturu 2:2

Nkhama aana atteetthe, mwihithajiye leethi swaafi ttakatthiifu la nroho, yoori khwa nttinttho mwiwulele nusura,

2 Yaahaya 1:9

Wakhula otule ahinlipanaaye masomi a Al-Masiihu, na anzitisaaye, khana Nluku; ila otule anlipanaaye ona Paapa na onaaye Mwaana.

Yuuda 1:5

Mweeyaru pure oojuwa zooshi epo zaya, kintakha wuukupuselani yoori Mbwana awaataphula atthu Misuri, ila theenya khuwaatapanya apale ahaakhupaliyeeyo.