1 Timootiyu 4:16 - Hapari Zooshapweya

¹⁶ Ojiinanele weeyo na wiiyane phoole na mwentto opu onsomisaaye, vitthu epo ojilipise oretta. Amana okhanyarela oretta etthiipo, ontta ojuusuru weeyo na apale anuusiilaaye.

1 Timootiyu 4:16 Mawu Ofanana

Maaruku 13:9

“Mweeyo mwiiyane phoole, maana mwinlawa mwenkheleliwe wa anamaphuka na mwinlawa mwajaphiwe mmasinakooka, na mwilawaniwe wa misatoro na wa afwalume, mwaasa wa miiyo, yoori mwiiye mashaahiti.

Luuka 21:34

Yinsa khulupa yoori: “Mwiiye woojeekesela, rooho zenu zihipakhire vitthu zoohifwayi, ohapaliwa, ama tafwawuthi za muuhaayi mweenu, yoori siikhu yaya ethiito ehuusikaneleni.

Khaazi 26:22

Ila kinaaye awuni ya Nluku mpakha siikhu eti ya leelo, na kiri apha mwaasa wa etthiipo kilazaka oshaahiti vakatthi wa atthu pure na apale ooshitahiwa. Akinlupa hatha etthu yohiiyi etile aalupiyeeyo manapiyu na Munsa yoori enteela orettikhana.

Khaazi 6:4

na fweeyo nisala nilompa na weeleza nttakhuzi la Nluku.”

Arooma 11:14

kiroromelaka yoori koone nkhama khwa nanna kiina kintothela wiivu khapila yaka na owuusuru akina.

Arooma 16:17

Kinuuvekelani attwiizaku, yoori mwiiyane phoole na apale antanaaye waawanyeya na ottha tafwawuthi khwa masomi apale mweeyo mwipwekhereliyeeyo. Apo aya mwiwaasuse.

Arooma 2:7

Ye oniwenkha ohaayi wa mileele apale aari okhanyarelaaye oretta zooshapweya, eekesaka siifwa, hishima na ohifwi.

1 Akorintiyu 1:21

Maana, nkatthi wa shawuri za Nluku, anaatamu khajuweeni khwa akhili za onaatamu, Nluku yantuvela owoosuru apale ankhupalaaye khwa ololo wa tafusiiri.

1 Akorintiyu 9:22

Khwa apale oottettheya kajiretta wiiya woottettheya, yoori kiwaapatthe apale oottettheya. Etthiipo miiyo kajiretta wiiya zooshi khwa atthu ooshi yoori khwa wakhula nanna kiwahi owoosuru akinoko.

1 Akorintiyu 9:27

Ila miiyo kinuumanana mwiili aka yoori kishintte, na ehikirettikhanele amana kiwaatafusirelaka akinoko aya kihiiye wookatthaliwa ti Nluku.

Ayeefezu 4:14

Aphano nihiiye theenya nkhama asimaana oothuuliwa ti mawipi, wala weeseleliwa okhuno na okhule ti pheevo ya wakhula mwentto, ohata na olavilavi wa atthu oovonyisana.

Akoloosu 4:17

Mwimuuze Athipu yoori: “Eeyane phoole khwa weettettisa khaazi mwipwekhereliyeeyo khwa Mbwana.”

1 Atizaloonika 2:16

ajilipisaka yoori anikhattaze owooza amalapo, yoori apo aya oosurukhe. Khwa nanna ethiito, anvira ookelaka twampi zaya na tiito katapu ya Nluku yawaakhwela haaswahaaswa yo.

1 Timootiyu 1:3

Nkhama etthiipo kaawuuziyeezo wakathi opule kaari weettaaye nti wa Masetooniya, yoori amana osala nti wa Eefezu owaahirimize atthu akina yoori ahikhanyarele osomisa mwentto woovonyeya.

1 Timootiyu 4:15

Vitthu epi weettettise saana na ajilipisane etthiipi yoori okhomaala wawo nkatthi wa amini wiiye wa wooniwa pi atthu ooshi.

1 Timootiyu 4:6

Amana weeyo owaanozela attwiizo mattakhuzi apa, oniiya karumeya wa Yinsa Al-Masiihu wookemaani, ojilipisanaka mattakhuzi a amini na masomi ookhweele apa olottiyeeyo.

2 Timootiyu 2:10

Nakataalikha, kinvilela khwa zooshi mwaasa wa pheta ya ananthawuliwa, yoori na yo apatthe nusura eri wa Al-Masiihu Yinsa, na siifwa za mileele.

2 Timootiyu 3:14

Ila weeyo, wuumelele vitthu etthiipo onozeliweeyo na okhupaleliyeeyo, weeyo oninjuwa paani oonozeliyeeyo.

2 Timootiyu 4:2

otafusiri nttakhuzi, wiiye woojitthenkeza khwa wakathi ama oje wa wakathi. Oshowere, olikhise, olipisele woopholevo na ovilela venkivene khwa thwapiya.

Tiitu 1:9

na ona ya okholelela wookhomaalavo nttakhuzi la waamineya, khwa nanna asomisiweeyo, yoori eeyane makhaamu a owaalipisela azuwakhe khwa mwentto wooshapweya na owaakheeti apale anshinttananaaye.

Tiitu 2:15

Pi vitthu oriina ya osomisa, owaalipiselaka owaashoweraka na ofwalume. Woohitarawiwi ti hatha ntthu.

Tiitu 2:7

Khwa zooshi, weeyo wiiye nthoonyezo khwa yo, orettaka vitthu zooshapweya. Amana osomisaka wiiye weekhweele na woolotteya.

Filimooni 1:19

Miiyo Paawulu, kinaatikha na makhono aka, kinteela wuuripha, ohilupe yoori kiniwiila ohaayi awo.

Meepereewu 12:15

Mwiiyane phoole yoori ahiiyevo hatha mmote wa mweeyo anttelaaye ojilazamo nrehema ya Nluku, wala ahiiyevo anjirettaaye wiiya nkhama ntathaari woowaawa onttelaaye woottha owantipuni, na owaakwakhulisa atthu awaatta.

Meepereewu 13:9

Mwihijilikhelele mwithuuliwaka pi masomi ofwarikhana na oohijuweyi. Afwataali rooho wiiya yoolipisiwa ti rehema woohiiyi khwa vitthu zoojeliwa majampo, etthiipo zihiniwapatthisaaye fwayita apale anjaaye.

Tiyaaku 5:20

ojuwe yoori otule aninruutisaaye natwampi khwa tarikhi yawe yoovonyeya, onuusuru nafusi yawe ntthu otule muufwa na onswamihisa twampi zawe zawaatta.