1 Timootiyu 4:13 - Hapari Zooshapweya

¹³ Vakatthi wa anamalottela, mpakha miiyo ota, olipane osoma, otafusiri na osomisa Nttakhuzi la Nluku.

1 Timootiyu 4:13 Mawu Ofanana

Yaahaya 5:39

Mwinsoma Zawaatikhiwa Ttakatthiifu, maana mwinoona yoori khwa yo mwinaaye ohaayi wa mileele, ila pi etthiipo zinikilawelaaye oshaahiti,

Khaazi 17:11

Atthu a Bereeya khaarina shawuri zoofukeya zayita atthu a Tizaloonika; yo aapokhereliye nttakhuzi la Nluku na niiya khuluyeene, khusala apheleleza siikhu zooshi Zawaatikhiwa Ttakatthiifu yoori oone nkhama zooshi zaari etthiipi.

Khaazi 6:4

na fweeyo nisala nilompa na weeleza nttakhuzi la Nluku.”

Arooma 12:8

nkhama ti ya owaalipisela azaawo, owaalipisele. Nkhama ti ya winkha, winkhe wahurumavo; nkhama ti ya olokozela, olokozele na phoole; nkhama ti ya othoonyeza tthakaraka, othoonyeze na furaha.

1 Akorintiyu 14:26

Nakataalikha, niri je attwiizaku? Amana mweeyo mwikusanyeya, wakhula mmote wa mweeyo eeyane liipo la zaapuura moote, ama nttakhuzi la onozela, othoonyeziwa, ama nttakhuzi la luuka pheeya ama otaphulela. Zooshi zirettikhane khwa ojeka ojama wa Nluku.

1 Akorintiyu 14:3

Ila otule antafusiraaye onretta khwa ojeka, olipisela na owaazuru atthu.

1 Akorintiyu 14:6

Aphano attwiizaku, amana miiyo kita wuuthotolani na kittakhulaka luuka pheeya, mwimpatthanivo mweeyo, woohiiyi miiyo owuuzani monkoni wa othoonyeziwa, ama ojuwa, ama otafusiri ama masomi?

1 Timootiyu 4:16

Ojiinanele weeyo na wiiyane phoole na mwentto opu onsomisaaye, vitthu epo ojilipise oretta. Amana okhanyarela oretta etthiipo, ontta ojuusuru weeyo na apale anuusiilaaye.

1 Timootiyu 4:6

Amana weeyo owaanozela attwiizo mattakhuzi apa, oniiya karumeya wa Yinsa Al-Masiihu wookemaani, ojilipisanaka mattakhuzi a amini na masomi ookhweele apa olottiyeeyo.

2 Timootiyu 3:15

Maana weeyo thanku osimaana awo onjuwa Zawaatikhiwa Ttakatthiifu, ziriina owahi woowinkha ojuwa onuufisaaye nnusura monkoni wa amini khwa Yinsa Al-Masiihu.

2 Timootiyu 4:2

otafusiri nttakhuzi, wiiye woojitthenkeza khwa wakathi ama oje wa wakathi. Oshowere, olikhise, olipisele woopholevo na ovilela venkivene khwa thwapiya.

Tiitu 2:15

Pi vitthu oriina ya osomisa, owaalipiselaka owaashoweraka na ofwalume. Woohitarawiwi ti hatha ntthu.