1 Timootiyu 1:17 - Hapari Zooshapweya

¹⁷ Apho, Mfwalume wa mileele attottopeliwe na asifwiwe siikhu zooshi, Ye ahinifwaaye wala ahinooneyaaye, Nluku mmote othuuto. Amiina!

1 Timootiyu 1:17 Mawu Ofanana

Matewuzhu 25:34

“Aphano Mfwalume onttela owooza apale anttelaaye wiiya nkhono nlume yoori: ‘Mwite mweeyo ooparikhiyiwa ti Paapa! Mwipwekherele ofwalume nkhama eritho mwitthenkezeliweeyo thanku wumpiwa wa olumwenku.

Matewuzhu 28:20

mwiwaasomisaka oshututela zooshi epile kirumiyeezo. Na miiyo kinttela wiiya vamote na mweeyo mpakha mwiisho wa wakathi.”

Matewuzhu 6:13

na ohinilikhelele nizayiniwaka, ila nuusuru khwa ntakhali, maana ofwalume, owahi, na siifwa zooshi pi zawo, mileele. Amiina.’

Yaahaya 1:18

Khina anamoone Nluku, ila Nluku mmote paasi, othuuto ariiye mpavu wa Paapa, ti anithoonyeziyeeyo.

Yaahaya 5:44

Mwinttela okhupali toovi mwitakhaka osifwiwa pi atthu, mwihitakhaka siifwa ya Nluku mmote paasi?

Arooma 1:20

Maana thanku wumpiwa wa olumwenku makhaamu oohooneyi a Nluku, owahi wawe wa mileele na ephattu ya o Nluku awe, onooneya saaneene, na onjuweya khwa vitthu za wumpiwa. Khwa nanna ethiito atthu apo khanswamiheya.

Arooma 1:23

Apatilisa siifwa ya Nluku ahinfwaaye khwa ratarato yoolattanana ntthu anfwaaye, na nkhama ya anyannyi, nyama za moolu mane na zoojipurula vathi.

Arooma 11:36

Maana zooshi zata khwa ye, na zooshi zeeyavo khwa ye, na pi zawe. Attitthimisiwe ye khwa mileele! Amiina.

Arooma 16:27

aaa, Nluku mmote paasi wa akhili enkhiwe siifwa mileele zene, khwa Yinsa Al-Masiihu. Amiina.

Arooma 2:10

ila ottitthima, hishima, na heeri yiiye vamote na ooshi apale anrettaaye zooshapweya: waaza mayaahuuti mpakha amalapo.

Arooma 2:7

Ye oniwenkha ohaayi wa mileele apale aari okhanyarelaaye oretta zooshapweya, eekesaka siifwa, hishima na ohifwi.

Akoloosu 1:15

Ye ratarato ya Nluku woohooneyi, omwanzo wa vitthu zooshi za wumpiwa.

Meepereewu 11:27

Khwa amini ethiito ye khulaawo Misuri woohoovi katapu ya mfwalume; ye khwiiya wookhomaala, nkhama aari omoonaaye Nluku woohooneyi.

Meepereewu 2:7

Weeyo wampushuwisa wakathi vattitthiiru zayita malayikha; ye wamwinkha jarata ya siifwa na onttitthimisa,

1 Pheeturu 5:11

Owahi ori khwa ye mileele. Amiina.

2 Pheeturu 3:18

Ila mwiwule nkatthi wa rehema na muujuwa wa Mbwana eetthu Namuusuru Yinsa Al-Masiihu. Othuuto ti enkhiwe siifwa, waaza nasaapi mpakha mileele! Amiina.

1 Yaahaya 4:12

Khaavo amooniyeeyo Nluku. Nkhama nimphetana mmote na nzeetthu, Nluku oniikhala khwa fweeyo, na toowo, opheta wawe oniiya wookhamilikha khwa fweeyo.

Yuuda 1:25

Nluku paasi, Namuusuru eetthu, eeye siifwa, nwulweene, nwahi na mfwalume, khwa Yinsa Al-Masiihu, Mbwana eetthu, khwa wakathi wooshi, nasaapi mpakha mileele! Amiina!

Othoonyeziwa 15:3

na khusala eepa liipo la Munsa, karumeya wa Nluku, na liipo la Pwittipwitthi yoori: “Khuluzeene na zootikinisa zooretta za Mbwana Nluku Nwahi zooshi. Tarikhi zawo shariya na haakhi, Oo Mfwalume wa khapila zooshi.

Othoonyeziwa 17:14

Anlawa oomanane Pwittipwitthi, ila Pwittipwitthi yawaashintte maana ti Mbwana wa ambwana na Mfwalume wa afwalume, na ye awaashintta vamote na anamakhuweliwa awe, anamathawuliwa awe na anamwamineya awe.”

Othoonyeziwa 19:1

Paata ya toowo miiyo khusiila etthu pinkuuni yoolattanana huula ya khuntti ya atthu awaatta enyakulaka yoori: “Aleluuya! Nusura, ottitthima na owahi pu wa Nluku eetthu,

Othoonyeziwa 19:16

Khwa ajapi yawe na maphaja awe yaatikhiwamo yoori: mfwalume wa afwalume na mbwana wa ambwana.

Othoonyeziwa 19:6

Miiyo khusiila etthu yoolattanana huula ya khuntti ya atthu a waatta, nkhama onyakula wa pahari na taari yookhomaala yaari ovumaaye eraka: “Aleluuya! Maana onlokozela Mbwana, Nluku eetthu, Nwahi zooshi, ti Mfwalume!

Othoonyeziwa 7:12

araka: “Amiina! Siifwa na ottitthima, akhili, oshukhurwela, hishima, owahi na kuvu ziiye za Nluku eetthu khwa mileele. Amiina!”