1 Timootiyu 1:14 - Hapari Zooshapweya

¹⁴ Rehema yooziti ya Mbwana eetthu khukiishukhela, khukipatthisa ompheta na omwaamini Ye.

1 Timootiyu 1:14 Mawu Ofanana

Matewuzhu 20:9

Khuta anakhaazi apale aattakhulaniweeyo wakathi wa saa khumi na monsi na wakhula ntthu khupwekhera nzurukhu mmote wa feeta.

Khaazi 15:11

Ila khwa rehema ya Mbwana eetthu Yinsa fweeyo nakhupali na noosurwiwa nkhama na yo osuruweeyo ti othuuto.”

Arooma 16:20

Woohirupazi Nluku wa heeri onteela omphwantta epiliisi vathi wa moolu enu mweeyo. Rehema ya Mbwana eetthu Yinsa yiiye na mweeyo.

1 Akorintiyu 15:10

Ila khwa rehema ya Nluku, karetteya nanna eti kiriizo, na rehema yawe khwa miiyo khahiyo etthu yoohiina fwayita; khapulathi, kakhola khaazi channu zayita yo ooshi; khwa zooshi, khahiyo miiyo, ila rehema ya Nluku khwa miiyo.

1 Akorintiyu 3:10

Khwa khiima ya rehema ya Nluku kinkhiweeyo, miiyo nkhama namajeka nwulu wa akhili kakheya nchina, akina antta ojeka. Ila wakhula mmote ona ya woona saana khwa nanna anjekaazo.

2 Akorintiyu 13:14

Rehema ya Mbwana Yinsa Al-Masiihu, pheta ya Nluku na osiilana wa Rooho Ttakatthiifu wiiye vamote na mooshi mweeyo.

2 Akorintiyu 4:15

Maana zooshi epo piza yoori mweeyo mwiiye saana, yoori rehema yenkeziweeyo khwa atthu awaatta, yiitaale khaazi ya rehema khwa siifwa ya Nluku.

2 Akorintiyu 8:9

Maana mweeyo mwinjuwa rehema ya Mbwana eetthu Yinsa Al-Masiihu, ari thaajiri, ila khujiretta wiiya masikhini mwaasa wa pheta yenu, yoori vakatthi wa osikhini aya, mweeyo mwiretteye wiiya mathaajiri.

Akaalata 1:13

Maana mweeyo mwasiila menttezi kaariina wakathi opule kaari olottelaavo tiini ya mayaahuuti, na khwa nanna kaari olupatthaazo na ohusuti ojama wa Nluku kiraka kitapanye.

1 Atizaloonika 1:3

Ninfikhiri woohilikheleli omaasho wa Nluku eetthu Paapa, maana mweeyo mwinthoonyeza amini entanaaye khaazi, ojilipisa onlankhaaye khwa pheta na nthiti lintaaye khwa onroromela Mbwana eetthu Yinsa Al-Masiihu.

1 Atizaloonika 5:8

Olikha toowo, fweeyo niiyiyeeyo a nthana, niiye woojipayini, niwale amini na pheta nkhama jaketa na nroromelo wa nusura nkhama koofiya.

1 Timootiyu 2:15

Apho, aakha hatha nkhama awaapattha aana, anuusurukha eeyaru nkatthi wa epaata na pheta, na ottakatthifu na hishima.

1 Timootiyu 4:12

Ahiiyevo antakhaaye wuutarawu mwaasa wa wiiya shaapu, ila khwa ottakhula wawo, menttezi awo, pheta, amini na wookemaanivo wiiye nthoonyezo wa anamwaamini.

1 Timootiyu 6:11

Ila weeyo, ntthu wa Nluku, vitthu zaya epo owerawere. Weekese weettettisa shariya, emaani, epaata, pheta, ovilela na ojithuza.

2 Timootiyu 1:13

Othokorele khwa amini na pheta ya Yinsa Al-Masiihu, menttezi a masomi apa okisiiliyeeyo.

2 Timootiyu 2:22

Otthire tuvela za oshaapu weekese olotta shariya, amini, pheta na heeri, vamote na apale ariina rooho yooshapweya aninkhuwelaaye Mbwana.

Tiitu 2:2

Owaasomise alume awuuluvala yoori eeye atthu oojiitthaaza, ooshitaheya, aakhili, na okhomaala nkatthi wa amini, mpheta na oovilela.

1 Pheeturu 1:3

Asifwiwe Nluku, Paapa wa Mbwana eetthu Yinsa Al-Masiihu! Khwa owula wa tthakaraka yawe, ye anikaphula khuninkha nroromelo wawiiyavo khwa osisimuwa wa Yinsa Al-Masiihu vakatthi wa ananfwa,

1 Yaahaya 4:10

Pheta ya eto tiiti: khahiyo fweeyo nimphetiyeeyo Nluku, ila ye ti aniphetiyeeyo na khumperekha Mwanawe yoori mwaasa wa ye nipatthe swamiima ya twampi zeetthu.

Othoonyeziwa 22:21

Rehema ya Mbwana Yinsa yiiye na mweeyo mooshi. Amiina.