1 Pheeturu 4:7 - Hapari Zooshapweya

⁷ Mwiisho wa vitthu zooshi waattama. Nakataalikha mwiiye aakhili na woojisiileza; mwijilipisane olompa.

1 Pheeturu 4:7 Mawu Ofanana

Mwanzo 19:35

Osikhu otthuupule khumwinkha papaaya viinyu swaafu ya phiiri, na ye otu nttiitthi aya khulawa khulala na, theenya papantthu khuhijuwi wakathi arapaleliyeevo wala alankhiyeevo.

Mwanzo 6:13

Nluku khumuuza Nuuhi yoori: “Kintta wiishisa zumpe zooshi zoohaayi, vamote na olumwenku aya kipweche.

Matewuzhu 24:42

“Nakataalikha, mwijeekesele, maana khamwinjuwa siikhu anttelaaye ota Mbwana enu.

Matewuzhu 25:13

“Nakataalikha, kiniwuuzaanini yoori mwijeekesele, maana mweeyo khamwinjuwa siikhu wala wakathi aya.

Luuka 21:34

Yinsa khulupa yoori: “Mwiiye woojeekesela, rooho zenu zihipakhire vitthu zoohifwayi, ohapaliwa, ama tafwawuthi za muuhaayi mweenu, yoori siikhu yaya ethiito ehuusikaneleni.

Luuka 21:36

Mwiiye woojeekesela na olompa wakhula wakathi, yoori zuuwerawereni vitthu zaya epo zinttelaaye orettikhana na yoori mwapatthe weemela omaasho wa Mwaana wa Pinaatamu amana ata.”

Luuka 22:46

Khuwoozela araka: “Mwinlala ni? Mwilankhe mwilompe yoori mwihikwele muuzayiniwa.”

Arooma 12:12

Mwifurahele nroromelo mwiriinaaye, mwiiye oovilela miswipa, na olompa woohilikheleli.

1 Akorintiyu 15:24

Aphano onteela ofiya mwiisho wa vitthu zooshi, Al-Masiihu onteela otapanya owahi wooshi, ofwalume na maatuwi na aperekhe ofwalume mmakhono wa Nluku, Papaawe.

1 Akorintiyu 7:29

Etthu kintakhaaye olupa ti yoori wakathi ori vattitthiiru. Waaza nasaapi mpakha ninttaawo, otule alooliyeeyo, eekhale nkhama ntthu woohilooli.

Ayeefezu 6:18

Wakhula wakathi mwisala mwilompa khwa Rooho Ttakatthiifu na ojeekesela woohilikheleli na mwiwaalompelaka attakatthiifu ooshi.

Afiliipu 4:5

Okemaani enu ojuwiwe pi atthu ooshi. Mbwana ori kharipu.

Akoloosu 4:2

Mwikhanyarele olompa, mwiiye oojisiileza na ooshukhuru.

2 Timootiyu 4:5

Ila weeyo ojithuze khwa wakhula etthu, ovilele ohoowa, okhole khaazi ya onamalaleya okhole sawasawa khaazi Nluku awinkhiyeeyo.

Tiitu 2:12

Rehema enninozela olikha okaafiri na tuvela za olumwenku, khwaaza wiikhala meekhazi oojiitthaaza, a shariya na waamineya khwa Nluku wakathi otthuupu,

Meepereewu 10:25

Na nihilikhe okusanyeya nkhama ojama wa Nluku. Etthiipo ahinrettaazo akina. Ila nina ya olipiselana mmote na nzeetthu; nkhama etthiipo mwinjuwaazo yoori yasaleela ofiya siikhu ya ota wa Mbwana.

Meepereewu 9:26

Eriwaka yaari etthiipo yaari ohithajiya Al-Masiihu ohoowa swaafu zawaatta thanku waaza wa olumwenku. Ila aphano, apuwa swaafu moote paasi khwa atthu ooshi mwiisho wa wakathi, yoori anilaze twampi zeetthu khwa otwahiwa mweenyeweene.

1 Pheeturu 1:13

Nakataalikha mwiiyane akhili zootthenkezeya, oolikana khwa oretta, mwiiye oojisiileza na nroromelo enu wooshi mwitthe nkatthi wa rehema mwinttelaaye winkhiwa amana Yinsa Al-Masiihu athoonyeziwa.

1 Pheeturu 3:7

Khwa etthiipo, mweeyo alume, mwiiyane ojuwa khwa wiikhala na aakha enu na mwiwaatthantte wahishimavo nkhama phantte ya ottettheya channu, maana yo anamarithi vamote na mweeyo, rehema ya ohaayi, yoori zihitapwateleye lompa zenu.

1 Pheeturu 5:8

Mwiiye oojisiileza na mwijeekesele. Sheethwani, atuwi enu, onzukulela akulumaka nkhama siipa amweekesaka ntthu yoori amwankameze.

Othoonyeziwa 16:15

“Moone yoori kinta nkhama nantarawu! Wooparikhiyiwa ti otule aniikhalaaye woojeekesela na wootthenkeza saana zoowala zawe yoori aheettette waazu na ehooniwe haaya yawe.”