1 Pheeturu 1:2 - Hapari Zooshapweya

² athawuliweeyo khwa matakhelo a ojuwa wa Nluku Paapa khwa khaazi ya ottakatthisa ya Rooho Ttakatthiifu, yoori anshututele Yinsa Al-Masiihu, na wiittikha wa taamu yawe: Rehema na heeri ti yeekezeliwe.

1 Pheeturu 1:2 Mawu Ofanana

Matewuzhu 24:22

Eriwaka wakathi aya opo khawaavukuliwe, khina aari weettelaaye wuusurukha, ila mwaasa wa apale oothawuliwa, siikhu zaya epo enttela wiiya zoovukuliwa.

Matewuzhu 24:24

Maana anlawa apuwe Al-Masiihu oojipanka na manapiyu oojipanka anttelaaye oretta alama khulukhulu na vitthu zootikinisa yoori awaahate hatha apale oothawuliwa.

Matewuzhu 24:31

Ye onttela operekha malayikha awe na ovuma nwulweene wa malope, yo anttela owaakusanya ananthawuliwa aya ooshi khwa phantte nne zinlankhaawo pheevo, phantte khwa phantte kiina ya pinku.

Maaruku 13:20

Eriwaka Mbwana khaavukuliye siikhu zaya epo, khaavo aari weettelaaye wiiya haayi, ila mwaasa wa apale oothawuliwa, avukula siikhu zaya epo.

Maaruku 13:22

Maana anlawa apuwe Al-Masiihu oojipanka na manapiyu oojipanka anttelaaye oretta alama na vitthu zootikinisa yoori awaahate apale oothawuliwa.

Maaruku 13:27

Ye onttela operekha malayikha awe khwa phantte nne zooshi za nkerekhere za olumwenku mpakha nkerekhere ya pinkuuni yoori awaakusanye ananthawuliwa awe.

Luuka 18:7

Nluku khaniwaawanyela shariya ananthawuliwa awe apale aninvekelaaye osikhu na nthana? Mwinoona yoori ye onttela orupaza owaajipu?

Khaazi 15:18

otule alaleyiyeeyo vitthu zaya epi thanku asulani.’

Khaazi 2:23

Othuuto enkheleliweeyo khwa shawuri Nluku atthomiyeezo rakuzeene khwa ojuwa wawe, ila mweeyo khukusanyeya na atthu ootakhala rooho khunkhomela vansalapa khumuula.

Khaazi 20:32

“Nasaapi eti, miiyo kiniwinkhelelani mmakhono wa Nluku na nttakhuzi la rehema lawe, linttelaaye wuujekani na owinkhani erathi vakatthi wa attakatthiifu.

Arooma 1:5

khwa ye na mwaasa wa nzina lawe, napwekhera rehema na owaaswihaapa, yoori nikhuwele khapila zooshi wiiya atthu oshututi ontaaye khwa amini,

Arooma 1:7

Kiniwaatikhela atthu ooshi ariiye Rooma eeyiyeeyo aphetani a Nluku na akhuweliweeyo yoori eeye attakatthiifu: Rehema na heeri ya phantte ya Nluku Papeetthu na ya Mbwana Yinsa Al-Masiihu yiiye vamote na mweeyo.

Arooma 11:2

Nluku khawaakatthaleeni atthu awe, apale thanku raku awathawuliyeeyo. Ama khamwinjuwa Zawaatikhiwa Ttakatthiifu alupiyeeyo Aliyaasi khwa nanna aari onkhuwelaazo Nluku monkoni wa Ezirayiilu?

Arooma 11:28

Ila khwa hapari zooshapweya, yo ajiretta waatuwi mwaasa wa mweeyo. Ila khwa othawuliwa, mwimphetiwa mwaasa wa amarehemu.

Arooma 15:16

ya wiiya karumeya wa Al-Masiihu Yinsa khwa amalapo, nkhama khaazi ya ohaakhimu ya olaleya hapari za Nluku, yoori amalapo aretteye wiiya zaakha yookhupaliwa ti Nluku, oottakatthisiwa ti Rooho Ttakatthiifu.

Arooma 16:19

Atthu ooshi ansiila olupiwaka oshututi weenu, tiito, kiwoofurahi monkoni weenu mweeyo; na kintakha yoori mwiiye aakhili khwa zooshapweya na mwihisala mwijaliwa ti hatha etthu moote yootakhala.

Arooma 16:26

ila nasaapi eti zathoonyeziwa na enkhiwa ojuwa khwa zawaatikhiwa za manapiyu, khwa oruma wa Nluku wa mileele, yoori khapila zooshi zinkhupali ye na enshututele;

Arooma 8:13

Maana, amana mweeyo mwiikhala khwa nanna ontakhaazo onaatamu, mwintta ofwa; ila khwa rooho amana muula tuvela za mwiili, mwiniiya haayi.

Arooma 8:33

Paani ariina ruhusa ya owaalokoveza ananthawuliwa a Nluku? Nluku ti aniwaahakikhaaye.

1 Akorintiyu 1:30

Tiito, khwa yaazo yawe mweeyo mwiiyiyeeyo khwa Yinsa Al-Masiihu, othuuto ajirettiye wiiya akhili ya Nluku khwa fweeyo, eeyiye shariya, ottakatthifu na nusura,

1 Akorintiyu 6:11

Akinoko a mweeyo mwaari etthiipo, ila moosiwa, mwattakatthisiwa, mwahakikhiwa khwa nzina la Mbwana Yinsa Al-Masiihu na khwa rooho ya Nluku eetthu.

2 Akorintiyu 10:5

Nintapanya shawuri na ojinkhelela wooshi onuumananaaye ojuwa wa Nluku, na nafukela wuupuwela wooshi yoori oretteye wiiya wonshututela Al-Masiihu.

2 Akorintiyu 13:14

Rehema ya Mbwana Yinsa Al-Masiihu, pheta ya Nluku na osiilana wa Rooho Ttakatthiifu wiiye vamote na mooshi mweeyo.

Akoloosu 3:12

Nakataalikha, nkhama atthu oothawuliwa a Nluku, attakatthiifu na oophetiwa, mwijiwalise huruma yawaatta, emaani, ojipushuwisa, ojiitthaaza na ovilela.

2 Atizaloonika 2:13

Ila fweeyo nina ya onshukhurwela Nluku wakhula wakathi khwa mweeyo attwiizetthu, aphetani a Mbwana, maana thanku omwanzo Nluku oothawulani yoori mwiiye awuusurukha, khwa khaazi za ottakatthisa wa Rooho na amini mwiriinaaye khwa haakhi.

2 Timootiyu 2:10

Nakataalikha, kinvilela khwa zooshi mwaasa wa pheta ya ananthawuliwa, yoori na yo apatthe nusura eri wa Al-Masiihu Yinsa, na siifwa za mileele.

Tiitu 1:1

Miiyo Paawulu, karumeya wa Nluku na aswihaapa wa Yinsa Al-Masiihu khwa oweettana ananthawuliwa a Nluku nkatthi wa amini yoori ajuwe haakhi eniwettanaaye muukemaani;

Meepereewu 10:22

apho nlaweni nimwaattame Nluku na rooho yookhweele na amini khaamili, na rooho zootwahareshiwa khwa akhili za paathuli na wiiyana mwiili wawoosiwa ti maati oohalalishiwa.

Meepereewu 11:28

Khwa amini, khuretta njampo la Paashikowa na khuruma ottha alama na taamu milako za meezirayiilu yoori nlayikha lootapanya lihiwoole aanaaya apa amwanzo.

Meepereewu 12:24

Mweeyo mwafiya wa Yinsa, namasiilanisa wa osiilana mpheya na wa taamu etile evinyiweeyo, enttakhulaaye saana zayita taamu ya Apeele.

Meepereewu 5:9

Paata ya okhamilikhisiwa khwinkhiwa wiiya naattuuttu wa nusura ya mileele ya apale ooshi aninshututelaaye,

1 Pheeturu 1:14

Nkhama aana oshututi, mwihijilipisane tuvela zootakhala za raku, za wakathi opule mwaari wiikhalaaye woohijaliwi.

1 Pheeturu 1:19

ila khwa taamu yootafikhana ya Al-Masiihu, nkhama ya pwittipwitthi yoohiina nlepa wala yoohirakali.

1 Pheeturu 1:20

Ye athawuliwa ti Nluku khapulathi olumwenku ohinompiwe, ila khuthoonyeziwa wakathi opu wa mwiisho khwa zwaamu yenu mweeyo.

1 Pheeturu 1:22

Aphano mweeyo mwitwahareshiyeeyo ohaayi enu, khwa oshututela haakhi, mwithoonyezaka pheta ya ottwi na ya ookhweele, mwiphetane saaneene mmote na nzeenu na rooho yenu yooshi.

1 Pheeturu 2:9

Nakataalikha, mweeyo mwa peewu yoothawuliwa, onamalokozela wa tiini wa mfwalume, khapila ttakatthiifu, atthu mwiiyiyeeyo a Nluku, yoori mwilaleye owula wa otule ookhuweliyeenini n'yiiza khuutthaani nnuuru mwawe wooshwapweyamo.

2 Pheeturu 1:2

Rehema na heeri ti yeekezeliwe khwa ojuwa wooshi wa Nluku na wa Yinsa, Mbwana eetthu.

2 Yaahaya 1:1

Miiyo, namarumeyela, kinimwaatikhela nunu woothawuliwa na aana awe, apale miiyo kiniwaaphetaaye weekhweelevo, khahiyo miiyo paasi, ila ooshi apale anjuwaaye haakhi,

2 Yaahaya 1:13

Aana a ttwiiyo namathawuliwa amperekha salamu.

Yuuda 1:2

Tthakaraka, heeri na pheta zeekezeleye khwa mweeyo.