1 Akorintiyu 9:26 - Hapari Zooshapweya

²⁶ Khwa etthiipo, akintthira nkhama ntthu antthiraaye woohiina shawuri, na wala akinuumana nkhama ntthu aniikaraaye pheevo.

1 Akorintiyu 9:26 Mawu Ofanana

Matewuzhu 11:12

Waaza siikhu za Yaahaya Namoosa mpakha leelo, ofwalume wa pinkuuni ontta woojopholiwa, apo aya anjopholaaye anthuula.

Luuka 13:24

Yinsa khunjipu araka: “Mwijilipise yoori mwivire vanlako woophunyeya, maana awaatta anlawa eekese ovira ila khanteela owahi.

1 Akorintiyu 14:9

Etthiipo, zinrettikhana khwa mweeyo, amana nlimi lenu lihittakhuli mattakhuzi aweeleya, enttela ojuwiwa toovi etthu mwinlupaaye? Maana enttela wuupuwa nkhama mwinuuzaaye pheevo.

2 Akorintiyu 5:1

Ninjuwa yoori amana epwechiwa heema yeetthu eti niniikhalaamo, wiiyiye mwiili eetthu wa vathi apha, Nluku onninkha nyuupa ya wiikhalamo pinkuuni. Nyuupa yoohijekiwi pi makhono eenaatamu, Nluku ti ajekiyeeyo, na ti ya mileele.

2 Akorintiyu 5:8

Maana ninaaye nroromelo na ninhithari olikha wiikhala khwa mwiili opu khulawa khwiikhala khwa Mbwana.

Akaalata 2:2

Kaalawiye, maana Nluku ti aakithoonyeziye yoori kaarina yooretta etthiipo. Vanthukumano wawiitthaala na attunkhulu, khuweeleza yo mattakhuzi a hapari zooshapweya kinlaleyaaye khwa amalapo, maana miiyo akaari otakha yoori khaazi kikholiyeeyo na khaazi kaari okholaaye ehiiye yoohiina fwayita.

Ayeefezu 6:12

Maana viittha yeetthu fweeyo khahi khwa atthu, ila ninuumanana owahi na ofwalume, ninuumanana owahi onshinttaaye olumwenku wa yiiza na kuvu za rooho zootakhala khwa puuro za pinkuuni.

Afiliipu 1:21

Maana khwa miiyo ohaayi aka ti Al-Masiihu na ofwa fwayita yaka.

Akoloosu 1:29

Tiito miiyo kinjilipisa, kuumanaka khwa kuvu zawe, enkholaaye khaazi woowahivo khwa miiyo.

2 Timootiyu 1:12

Na mwaasa wa ethiito kinhoowa, ila khinikipatthisa haaya, maana kininjuwa paani kinkhupaliyeeyo na kinhakikhi yoori ona owahi wa opweha etile kimwinkhiyeeyo mpakha siikhu ya ethiito.

2 Timootiyu 2:5

Nkhama etthiipo theenya khaavo namatthira aninkhiwaaye jarata ya oshintta, ahishututeleeni mwentto aya.

2 Timootiyu 4:7

Koomana viittha yooshapweya, kamarisa otthira waka, kathokorela amini.

Meepereewu 12:1

Moone yoori na fweeyo nazukuleliwa ti mashaahiti awaatta nkhama liwiku liwululene, khwa etthiipo nilikhe nyuma zooshi epile ennizinkiraaye, na twampi enizukuleliyeeyo, nitthire woohilikheleli niikarisaka etile nitthomeliweeyo.

Meepereewu 4:1

Nakataalikha, ahiti ya ofiya puuro ya ovumula ya Nluku nalikheliwa. Ahiiyevo mmote wa mweeyo anuupuwelaaye yoori avonya.

1 Pheeturu 5:1

Miiyo, theenya kiiyiyeeyo nttunkhulu wa ojama wa Nluku, kiniwaahirimiza attunkhulu a ojama wa Nluku ari vakatthi venu mweeyo. Ki shaahiti wa ohoowa wa Al-Masiihu na kinttela oretta phantte ya ottitthima onttelaaye othoonyeziwa:

2 Pheeturu 1:10

Nakataalikha, attwiizaku, mwijilipise weekesa venkivene ohakikhi okhuweliwa na othawuliwa weenu, mwirettaru etthiipo khamwinteela okwakwanttuwa,