1 Akorintiyu 8:3 - Hapari Zooshapweya

³ Ila otule animphetaaye Nluku, oto onjuwiwa ti Nluku.

1 Akorintiyu 8:3 Mawu Ofanana

Zaapuura 1:6

Nnyizinku onlokozela na oniinanela tarikhi ya anashariya, ila tarikhi ya makaafiri ti ethiito enttelaaye owaaphwetecha.

Matewuzhu 7:23

Aphano miiyo kiwooze woosileyavo yoori: ‘Akinuujuwani. Mwikisuse, anamaretta zootakhala.’

Yaahaya 10:14

“Miiyo ki nshuki wokhaamili; kinjuwa pwittipwitthi zaka na yo zinikijuwa,

Yaahaya 21:17

Khumuuzela theenya swaafu ya ttaatthu, yoori: “Simawu, mwaana wa Yaahaya, weeyo onikipheta?” Pheeturu khunyoonyeya mwaasa wa Yinsa omuuzela swaafu ya ttaatthu, yoori: “Weeyo onikipheta?” Ye khuri: “Mbwana, weeyo onjuwa vitthu zooshi na onjuwa yoori miiyo kinuupheta.” Yinsa khumuuza yoori: “Ojise pwittipwitthi zaka.

Arooma 11:2

Nluku khawaakatthaleeni atthu awe, apale thanku raku awathawuliyeeyo. Ama khamwinjuwa Zawaatikhiwa Ttakatthiifu alupiyeeyo Aliyaasi khwa nanna aari onkhuwelaazo Nluku monkoni wa Ezirayiilu?

1 Akorintiyu 13:12

Maana, nasaapi ninoona ratarato yoozizeya, nkhama yiloolo; ila ninteela omoona wuuso khwa wuuso. Nasaapi ojuwa waka khayi khaamili; ila, kinteela onjuwa sawasawa, nkhama etthiipo na miiyo kinjuwiwaazo sawasawa.

1 Akorintiyu 2:9

Nkhama yaatikhiweezo yoori: “Maasho khooneeni, mashiilo khasiileeni wala eeswa moote khiphelelezeeni etile Nluku awatthenkezeliyeeyo apale animphetaaye.”

Akaalata 4:9

Ila Nluku onuujuwani mweeyo ama mweeyo mwinjuwiwa ti Nluku, mwinri toovi theenya mwirutelaka owahi waari olokozelaaye olumwenku, woottettheya na wohiina owahi? Wekhweele mwintakha orutela theenya wiiya aviitthwaana a otthuupo?

2 Timootiyu 2:19

Ila nchina ankheyaaye Nluku khalinsakhinyeya liniiya loopharisiwa na mattakhuzi anraaye: “Mbwana oniwaajuwa apale eeyiye awe, wakhula otule anlottelaaye nzina la Al-Masiihu ona ya ophakuwanana vitthu zootakhala.”

Tiyaaku 1:12

Wooparikhiyiwa ntthu otule anvilelaaye nwootootiwa, maana paata ya oshintta ompwekhera jarata ya ohaayi, etile Nluku awaahitiyeeyo apale animphetaaye.

Tiyaaku 2:5

Mwisiile, attwiizaku aphetani aka, Nluku awaathawula apale eeyiye asikhini yoori eeye mathaajiri nkatthi wa amini na weetta muufwalume awaahitiyeeyo apale animphetaaye.

1 Pheeturu 1:8

Hatha nkhama mweetta ohimooni, mweeyo mwinimpheta, na hatha nkhama mwintta ohimooni nasaapi eti, mwankhupali mwintthapa na furaha ehinlupeyaaye ya ottitthima,

1 Yaahaya 4:19

Fweeyo ninimpheta Nluku maana ye anipheta omwanzo.

1 Yaahaya 4:7

Aphetani aka, niphetane mmote na nzeetthu, maana pheta enlankha wa Nluku. Wakhula otule amphetaaye avokoliwa ti Nluku na oninjuwa Nluku.

Othoonyeziwa 2:13

Miiyo kinjuwa ohali mwiniikhalaawo, ottuukho eriiwo khukulu ya Epiliisi. Mweeyo mwawaamineya khwa nzina laka na khamwansweeni amini mwiriina khwa miiyo, hatha wakathi wa Antiipa shaahiti aka wa waamineya, ooliiwa ottuukho Perekaamu, ohali aniikhalaawo Epiliisi.

Othoonyeziwa 2:19

Kinjuwa zooretta zenu, opheta weenu, amini yenu, khaazi zenu na nthiti lenu, na kinjuwa yoori nasaapi mwinretta, zooziti epile za mwanzo.

Othoonyeziwa 2:9

Kinjuwa tafwawuthi zaya na osikhini aya, ila mweeyo mwaamathaajiri! Kinjuwa okufuru wa apale anjiitthaaye yoori mayaahuuti ila ahiiyeeni, yo sinakooka ya Epiliisi.