1 Akorintiyu 7:21 - Hapari Zooshapweya

²¹ Weeyo wakhuweliwa ori mwiitthwaana? Ohishukulikhele eto yaya; ila nkhama weeyo onwahi opattha otaphuliwa ti opatthe.

1 Akorintiyu 7:21 Mawu Ofanana

Luuka 12:29

Mwihishukulikhele etthu mwinttelaaye oja ama onywa.

Luuka 21:34

Yinsa khulupa yoori: “Mwiiye woojeekesela, rooho zenu zihipakhire vitthu zoohifwayi, ohapaliwa, ama tafwawuthi za muuhaayi mweenu, yoori siikhu yaya ethiito ehuusikaneleni.

1 Akorintiyu 12:13

Maana khwa mwiili mmote paasi noosiwa khwa Rooho moote: waaza mayaahuuti, akereeku, mpakha amwiitthwaana, hatha apale ootaphuliwa, fooshi napwekhera Rooho moote paasi.

1 Akorintiyu 7:20

Wakhula ntthu ona ya wiiya khwa nanna etthiipo akhuweleliweezo ti Nluku.

1 Akorintiyu 7:22

Maana otule aari mwiitthwaana, khukhuweliwa nkatthi wa amini ti wootaphuliwa wa Mbwana, maana ti wa Mbwana. Khwa nanna ethiito, otule aari wootaphuliwa khukhuweliwa nkatthi wa amini mwiitthwaana wa Al-Masiihu.

Akaalata 3:28

Khina yaahuuti wala kereeku, ama mwiitthwaana wala woohiiyi mwiitthwaana, wala muukha ama nlume, mooshi mwa amoteru khwa Yinsa Al-Masiihu.

Afiliipu 4:11

Akinlupa toowo mwaasa wa othowiwa, maana kajinozela wiiya woofurahi wakhula nanna kiniyaazo.

Afiliipu 4:6

Mwihishukulikhele hatha etthu, ila mwinvekele Nluku khwa lompa na oveka yooshi etile mwinhithajiyaaye na rooho ya oshukhuru.

Akoloosu 3:11

Khwa ohaayi opu mpheya khawiivo ofwarikhana khwa amalapo na mayaahuuti, ookhiriya na oohikhiriyi, woosilimu wala woohisilimu, mwiitthwaana na wootaphuliwa, ila Al-Masiihu zooshi na ori khwa atthu ooshi.

Meepereewu 13:5

Mwaattuwanise ohaayi enu pheta ya nzurukhu. Mwifurahele vitthu epile mwiriinaazo; maana Nluku mweenyeweene alupa yoori: “Miiyo akinteela wuulikhani na wala akinteela owaanswini.”

1 Pheeturu 5:7

Mwimwinkhelele shukuli zenu zooshi, maana ye onuutthanttani mweeyo.