1 Akorintiyu 5:8 - Hapari Zooshapweya

⁸ Tiito nitthapele njampo, woohiivo fwaramento ya raku wala ya etthu yootakhala na twayifu, ila na phaawu yoohiina fwaramento, phaawu swaafi na khweele.

1 Akorintiyu 5:8 Mawu Ofanana

Olaawo 12:15

Nkatthi wa siikhu sapa mwina yooja phaawu yoohiina fwaramento. Siikhu yamwanzo mwilazemo fwaramento mmanyupa mweenu, maana wakhula otule anttelaaye oja etthu ya wiiyana fwaramento, ntthu aya oto ontta wiikariwa vakatthi wa meezirayiilu.

Olaawo 12:19

Siikhu epi sapa ahiiyevo ntthu mmote anttelaaye wiiyana fwaramento owawe. Wakhula antakhaaye oja etthu ya wiiyana fwaramento ontta wiikariwa muujama wa meezirayiilu, hatha nkhama mmalapo ama nnyunti.

Olaawo 12:8

Osikhu otthuupo mwina ya orafuna nyama yoomanikhiwa va moottho, na mathapa oowaawa na phaawu yoohiina fwaramento.

Olaawo 13:6

Nkatthi wa siikhu sapa mwina yooja phaawu yoohiina fwaramento siikhu yaya eti ya saapa mwitthapele njampo la Nnyizinku.

Olaawo 13:7

Mwije phaawu yoohiina fwaramento nkatthi wa siikhu sapa epo, mwihithuule hatha etthu ya wiiyana fwaramento, wala mmuti mweenu wooshimo ehiiyemo.

Matewuzhu 16:12

Aphano khuweeleya yoori khaari owooza wiiyana phoole na fwaramento ya phaawu, ila khwa masomi a Mafwarizeewu na masatukhi.

Matewuzhu 16:6

Yinsa khuwooza yoori: “Mwiiye wa woona na mwiiyane phoole na fwaramento ya mafwarizeewu na ya masatukhi.”

Maaruku 8:15

Yinsa khuwooza yoori: “Mwijeekesele na mwiiyane phoole na fwaramento ya mafwarizeewu na ya Herooti.”

Luuka 12:1

Nakataalikha khuntti ya atthu khukusanyeya, mwaasa wa waatta akinoko khusala aluwatthana. Yinsa khuwooza khapula anakhiyoni awe yoori: “Phoole na fwaramento ya mafwarizeewu yiiyiye onaafikhi.

Yaahaya 1:47

Yinsa amooniyeevo Natanayeele amwaattamaka khuri: “Oto mwiizirayiilu weekhweele, ntthu woohiina ottettekha va rooho vawe.”

1 Akorintiyu 3:3

Maana mwinlotta onaatamu, enooneya yoori vakatthi venu liwaapho nrima na waawanyeya, toowo khamwinretteya wiiya anamalotta vitthu za enaatamu, mwirettaka vitthu za va olumwenku?

1 Akorintiyu 5:1

Khwa phantte zooshi ensiiliwa yoori vakatthi venu ewaapho khaapa twayifu, khwa nanna wala ehinrettikhanaaye vakatthi wa amalapo, enfiyelelaavo mmote wa mweeyo olalana muukha wa papaawe.

1 Akorintiyu 5:6

Ojikhupali weenu opo khahiyo wooshapweya. Mweeyo khamwinjuwa yoori fwaramento vattitthiiru enjakhula ofu wooshi?

2 Akorintiyu 1:12

Opo ojishashawula weetthu: akhili zeetthu enlaza oshaahiti yoori khanilokoziweeni ti olumwenku, ila osiilana weetthu na mweeyo khwa ottakatthifu na ookhweele onlankhaaye wa Nluku, woohiiyi khwa ojuwa wa enaatamu, ila khwa rehema ya Nluku.

2 Akorintiyu 2:17

Maana fweeyo khaniri nkhama atthu awaatta anlaleyaaye nttakhuzi la Nluku nkhama zanshara. Ila Nluku ti anirumiyeeyo, tiito ninlaleyaaye hapari zawe na khweele enakatthi yawe, nkhama akarumeya a Al-Masiihu.

2 Akorintiyu 8:8

Akintta wuurumani, ila kintakha woona ekhweele ya pheta yenu na kilikanisanaka ojinkhelela wa akinoko.

Ayeefezu 6:24

Rehema yiiye vamote na ooshi apale animphetaaye Mbwana eetthu Yinsa Al-Masiihu na pheta khaamili.

1 Pheeturu 4:2

yoori wakathi opo onuusaleelanini, mwihiikhale theenya mwilottelelaka tuvela zootakhala za onaatamu, ila oretta etile yiiyiye niiya ya Nluku.