1 Akorintiyu 5:11 - Hapari Zooshapweya

¹¹ Ila nasaapi kiniwaatikhelani yoori mwihiiye wookusanyeya na wakhula otule anjilupezaaye wiiya ttwi, ila arettaka khaapa twayifu, namakhwiririwa, namwaaputu sanamu, mmwanomwaano, nanhapaliwa ama nantarawu. Atthu aya apo wala mweeyo mwihijane.

1 Akorintiyu 5:11 Mawu Ofanana

Matewuzhu 18:17

Amana ye akatthala wuusiila, walupe vakatthi wa ojama wa Nluku. Amana ye akatthala osiileza theenya ojama wa Nluku, ontthantte nkhama kaafiri ama namariphisa lumpuru.

Matewuzhu 23:25

“Olaanikha pi weenu mweeyo, anamanozela a kano na mafwarizeewu, manaafikhi, maana mweeyo mwinoosa pilawuri na parathu oje waya, ila nkatthi mweenu weetaalamo wiiya na omaashokopho.

Luuka 18:11

Mfwarizeewu ari wa weemela, aari olompa otthwe araka: ‘Nluku, miiyo kinuushukhurwela maana miiyo aki nkhama atthu akina, apale oheettetteli shariya, manantarawu, anamararuwa, wala nkhama namariphisa lumpuru oto ariiye apho.

Luuka 21:34

Yinsa khulupa yoori: “Mwiiye woojeekesela, rooho zenu zihipakhire vitthu zoohifwayi, ohapaliwa, ama tafwawuthi za muuhaayi mweenu, yoori siikhu yaya ethiito ehuusikaneleni.

Khaazi 1:15

Siikhu etthiipile Pheeturu khweemela vakatthi wa mamuumini vahali aakusanyeyiyeevo atthu miiya na eshiriini khulupa awoozaka ooshi yoori:

Khaazi 9:17

Aphano, Ananiiya khulankha khulawa. Noofiya khuvira nnyupa khunttheela makhono khumuuza yoori: “Ttwiiyaku Sawulu, Mbwana Yinsa, otule oopuweleliyeeyo ntarikhi otaaka, akiperekha miiyo yoori orutele woona na wiiye wa wiitaala Rooho Ttakatthiifu.”

Arooma 13:13

Nijilikanise weekhweelevo nkhama atthu aneettettaaye nnuuru ya nthana, khahiyo khaapa twayifu na ohapaliwa, wala oraruwa na zowera, wala onyakulisana na nrima.

Arooma 16:17

Kinuuvekelani attwiizaku, yoori mwiiyane phoole na apale antanaaye waawanyeya na ottha tafwawuthi khwa masomi apale mweeyo mwipwekhereliyeeyo. Apo aya mwiwaasuse.

1 Akorintiyu 10:14

Tiito, aphetani aka kiniwuuzaanini yoori, mwilikhe waaputu sanamu.

1 Akorintiyu 11:21

Maana, wakhula ntthu onja etthu yoojiwa yawe otthwe woohinweji nzaawe. Etthiipo, akina entta owaakhola jala, akina antta ohapaliwa.

1 Akorintiyu 5:13

Nluku ti aniwaaphukaaye apale ari oje. Mwiweekare anamaretta zootakhala vakatthi venu.

1 Akorintiyu 6:10

wala manantarawu, asokho, ananhapaliwa, amwanomwaano wala anamattettekha khanteela orithi ofwalume wa Nluku.

1 Akorintiyu 6:6

Ila, ttwi mmote onlawa omphuka ttwiiye nnyupa woophukaniwamo, na etthiipo omaasho wa makaafiri.

1 Akorintiyu 6:9

Mweeyo khamwinjuwa yoori anamaretta zootakhala khanrithi ofwalume wa Nluku? Mwihijilikhelele mwihatiwaka: pi atthu twayifu, anamwaaputu sanamu, anamararuwa, hatha apale aniwaaralaaye alume azaawe,

1 Akorintiyu 7:12

Khwa akinoko, ti miiyo kinlupaaye, khahiyo Mbwana, amana ttwi mmote eeyana muukha woohiiyi muumini, na ye khukhupalela wiikhalana, ahaashanane.

1 Akorintiyu 7:15

Ila, otule woohiiyi muumini amana atakha waasha, ti aashe. Khwa vitthu zaya epo, ttwi ama nlupu oniiya wootaphuliwa, Nluku anikhuwela yoori niikhale khwa heeri.

1 Akorintiyu 8:11

Etthiipo, ttwi oto woottettheya, otule Al-Masiihu anfweliyeeyo, ontta otapanyeya mwaasa wa ojuwa opule weeyo oriina.

Akaalata 2:12

Maana ahinate atthu akinoko oolankha phantte ya Tiyaaku, ye aari ojaka vamote na amalapo; ila paata ya ota eetta ojiphakhula wa amalapo, oovaka khuntti etile yaari okhanyarelaaye yoori mamuumini ana ya okhiriya.

Ayeefezu 5:18

Mwihinywe viinyu. Ohapaliwa ontotha pala, ila mwilikhe Rooho Ttakatthiifu ewiitaaleni.

Ayeefezu 5:5

Maana mweeyo mwinjuwa yoori khina nshawi akhapa mmote, ama namaretta zootakhala, mpakha na apa ariina omaashokopho opu wiiyiyeeyo sanamu, apo aya khana phantte muufwalume wa Al-Masiihu na Nluku.

Akoloosu 3:5

Etthiipo, muule zooshi epile ziiyiye za ephattu yenu ya vathi: khaapa twayifu, ojafu, tuvela zootakhala na omaashokopho wiiyiyeeyo sanamu.

2 Atizaloonika 3:14

Amana ntthu akhijilela epi nilupiyeezo nwarakha mphu, mwimoone saana mwihijikusanyane oto aya anrettaaye epo zaya, yoori empatthe haaya.

2 Atizaloonika 3:6

Attwi, khwa nzina la Mbwana eetthu Yinsa Al-Masiihu fweeyo ninuurumani yoori mwinwerawere wakhula ttwi aneettettaaye woovonyeyavo woohiiyi khwa mwentto opule mweeyo mpwekhereliyeeyo khwa fweeyo.

1 Timootiyu 3:3

Ahiiye ntthu woohapaliwa ama woohusuti, eeye ntthu wookemaani na wa heeri. Ahiiye ntthu wontuvela nzurukhu.

1 Timootiyu 6:5

na oshinttana woohilikheleli. Nkhama etthiipile aazowereliyeezo atthu awiiyana akhili za wuntuwanyiwa, eeyeliweeyo haakhi yaya, apo aya anoona yoori tiini etthu enreelisaaye.

2 Yaahaya 1:10

Amana ntthu oteelani khuhitani masomi aya apo, mwihimpokherele owenu wala mwihinchelise.

Othoonyeziwa 2:14

Ila kinaaye vitthu kiina khwa mweeyo: maana mwinaaye okho atthu anlottaaye masomi a Palaawu, othuuto ansomisiyeeyo Palaakhi nanna ya owaakwakwanttula meezirayiilu, awaanozelaka oja vitthu za otwaheliwa sanamu na oretta khaapa twayifu.

Othoonyeziwa 2:20

Ila, kinaaye etthu khwa mweeyo: mweeyo mwininlikhelela Jezapeele, muukha otule anjilupezaaye onapiyu, na masomi awe, ye oniwaattettekha akarumeya aka, yoori asala aretta khaapa twayifu na oja vitthu za otwaheliwa sanamu.

Othoonyeziwa 21:8

Ila ananhiminyali, oohaamini, makookaani, anamahusuti, anakaapa twayifu, ashawi, anamwaaputu sanamu na anamahata ooshi puuro yaya enttela wiiya ontthatta la moottho onkholelanaaye oka. Opu pi ofwa wa phiiri.”

Othoonyeziwa 22:15

Vaje ansalavo anapwa, apale aneettettelaaye oshawi, apale anrettaaye khaapa twayifu, anamahusuti, anamwaaputu sanamu na ooshi apale amphetaaye na aneettettelaaye ohata.