1 Akorintiyu 4:6 - Hapari Zooshapweya

⁶ Attwiizaku, vitthu epi karumeyela miiyo na Apoolu, mwaasa wa pheta yenu mweeyo, yoori mwijinozele khwa fweeyo maana aya: “Mwihichirise etile yaatikhiweeyo”. Etthiipo ahiiyevo anjikhupalanaaye ntthu mmote, khuntarawu nkina.

1 Akorintiyu 4:6 Mawu Ofanana

Khaazi 18:24

Wakathi aya otthuupule, Eefezu khutawo yaahuuti mmote wa nti wa Alishanteriya aari wiitthiwaaye Apoolu, mwinyi oto aari ntthu wa akhili na aarina ojuwa nwulweene wa mattakhuzi a nkithaapu.

Khaazi 19:1

Wakathi Apoolu aari Korintiyu, Paawulu khuvira miti epile za nkulu za Aaziya, khulawa mpakha Eefezu. Ottuukho khuwaasikana anakhiyoni akina,

Arooma 12:3

Tiito, khwa rehema kinkhiweeyo, kiniwuuzani mooshi mweeyo yoori: Ahiiyevo aniiyanaaye khwa mweenyewe shawuri zooziti epile anwahaaye wiiyana; ila, olikha toowo, eeyane shawuri zoolipalipa nkhama etthiipo khiima ya amini Nluku amwinkhiyeeyo.

1 Akorintiyu 1:12

Khwa etthiipo, kintakha kilupe yoori akina a mweeyo anri: “Miiyo ki wa Paawulu”, “Miiyo ki wa Apoolu”, “Miiyo ki wa Pheeturu”, ama nalelo “Ki wa Al-Masiihu.”

1 Akorintiyu 1:19

Maana yaatikhiwa yoori: “Kintapanya akhili za anaakhili na kikatthale weeleyiwa wa anamweeleyiwa.”

1 Akorintiyu 1:31

yiiye nkhama yaatikhiweeyo, yoori: “Otule anjikhutupulaaye, ajikhutupule khwa Mbwana.”

1 Akorintiyu 13:4

Ntthu amphetaaye ti woovilela, wookemaani, khahi wa nrima, khahi wa wiivu, khahi woojitayiti wala woojikhupali.

1 Akorintiyu 3:19

Maana akhili za voolumwenku apha, ololo omaasho wa Nluku, maana yaatikhiwa yoori: “Ye oniwaakhola anaakhili muulavilavi mwaya.”

1 Akorintiyu 3:21

Nakataalikha, ahiiyevo ntthu woojikhupali khwa anaatamu, maana vitthu zooshi pi zenu,

1 Akorintiyu 5:2

Na mweeyo mwintta ojikhutupula! Nakataalikha, khamwaarina ya wiitaala huzuni na omwiikara vakatthi venu otule anrettaaye vitthu zaya epo?

1 Akorintiyu 5:6

Ojikhupali weenu opo khahiyo wooshapweya. Mweeyo khamwinjuwa yoori fwaramento vattitthiiru enjakhula ofu wooshi?

1 Akorintiyu 8:1

Monkoni wa vitthu zoojiwa zootwaheliwa sanamu, ninoona yoori fooshi ninaaye ojuwa. Ojuwa ontana ojikhupali, ila pheta enjeka.

1 Akorintiyu 9:23

Kinretta zooshi epo mwaasa wa hapari zooshapweya, yoori kirette phantte ya parakha zawe.

2 Akorintiyu 10:12

Khanina shawuri za otakha ojilikanisana wala ojilattisana apale anjishashawulaaye eenyewe. Amana yo ajiphima anjilattisana eenyewe anretta vitthu ehiweeleyaka.

2 Akorintiyu 10:15

Khwa nanna ethiito, khaninlawa ozitisa mwiinano eetthu, nijittottopaka khwa khaazi akholiyeeyo atthu akina. Nroromelo eetthu ti yoori khiima eneekezeleyaaye amini mwiriinaaye, na khaazi zeetthu khwa mweeyo etepe weekezeleya venkivene,

2 Akorintiyu 10:7

Mweeyo mwinoona vitthu oje waya paasi. Nkhama ntthu onkhupalela yoori ti wa Al-Masiihu, ona ya ojoona opheya mweenyewe yoori etthiipo eeyiyeeyo wa Al-Masiihu na fweeyo theenya na a Al-Masiihu.

2 Akorintiyu 11:4

Maana, nkhama ntthu ootafusirelani mweeyo Yinsa nkina woohiiyi otule nuutafusireliyeenini, ama nkhama mwimpwekherela rooho yoofwarikhana na etile mwipwekhereliyeeyo, ama hapari zoofwarikhana na epile mwikhupaliyeeyo, mwinlottela wookhweyavo.

2 Akorintiyu 12:19

Mweeyo mwinoona yoori khwa wakathi opu wooshi nintta ojaakisa khwa mweeyo? Ninttakhula omaasho wa Nluku nkhama atthu niri khwa Al-Masiihu, na zooshi ninrettaaye aphetani, ti yoori nuukhomaazeni.

2 Akorintiyu 12:20

Kinoova yoori amana kita wuuthotolani, kuusikanani nanna kahaari waakhipwelaaye, na mweeyo ohikisikani khwa nanna mwahaari waakhipwelaaye. Kinoova yoori owaapho onyakulisana, nrima, nthoonyezo wa wiiphiiriwa, waawanyeya, otarawana, wuumani, ojikhupali na ohisiilani.

2 Akorintiyu 12:6

Hatha nkhama keetta otakha ojishashawula akaari wiiya nlolo, maana kaari ottakhula haakhi. Kinwerawera vitthu zaya epo yoori ahiiyevo hatha mmote anttelaaye wuupuwela monkoni wa miiyo ozitisa etile anoonaaye ama anikisiilaaye.

2 Akorintiyu 4:15

Maana zooshi epo piza yoori mweeyo mwiiye saana, yoori rehema yenkeziweeyo khwa atthu awaatta, yiitaale khaazi ya rehema khwa siifwa ya Nluku.

Akoloosu 2:18

Mwihinlikhelele ntthu onintuvelaaye ojipushuwisa woovonyeya na khwa waaputu malayikha wuukarawelani opattha tthuvo. Ntthu aya oto onthatela saaneene jozi zawe, na akhili zawe za onaatamu enimwinkha ojikhupali.

1 Atizaloonika 1:5

maana hapari zooshapweya zeetthu khazuufiyeleenini khwa mattakhuzi paasi, ila theenya khwa owahi wa Rooho Ttakatthiifu, na hakiikha yookhomaala. Mweeyo mwinjuwa nanna nijettettisiyeezo vakatthi venu, khwa zwaamu yenu.

2 Timootiyu 2:10

Nakataalikha, kinvilela khwa zooshi mwaasa wa pheta ya ananthawuliwa, yoori na yo apatthe nusura eri wa Al-Masiihu Yinsa, na siifwa za mileele.