1 Akorintiyu 4:15 - Hapari Zooshapweya

¹⁵ Hatha nkhama mweetta wiiyana alufu khumi anamasomisa khwa Al-Masiihu, mweeyo khamwina apaapa awaatta, maana khwa Yinsa Al-Masiihu miiyo koovokolani khwa hapari zooshapweya.

1 Akorintiyu 4:15 Mawu Ofanana

Arooma 15:20

Wakhula siikhu karetta thenke ya otafusiri hapari zooshapweya ohali Al-Masiihu ahaari ojuwiwaawo, yoori kihikhomaaze vatulu wa nchina la akinoko.

1 Akorintiyu 1:30

Tiito, khwa yaazo yawe mweeyo mwiiyiyeeyo khwa Yinsa Al-Masiihu, othuuto ajirettiye wiiya akhili ya Nluku khwa fweeyo, eeyiye shariya, ottakatthifu na nusura,

1 Akorintiyu 15:1

Attwiizaku, kintakha kuukupuseleni hapari zooshapweya kuutafusireliyeenini, etthiipo mweeyo mwipwekheriyeeyo na etthiipo mwilipaniyeeyo.

1 Akorintiyu 3:10

Khwa khiima ya rehema ya Nluku kinkhiweeyo, miiyo nkhama namajeka nwulu wa akhili kakheya nchina, akina antta ojeka. Ila wakhula mmote ona ya woona saana khwa nanna anjekaazo.

1 Akorintiyu 3:6

Miiyo keetta ozala, Apoolu khukhuwari, ila Nluku ti anwulisaaye.

1 Akorintiyu 3:8

Otule anzalaaye na otule ankhuwaraaye ana shawuri moote, na wakhula ntthu onriphiwa khwa khiima ya khaazi yawe.

1 Akorintiyu 9:12

Nkhama akina ana ruhusa ya otthanttiwa ti mweeyo, fweeyo natepa wiiyana. Ila fweeyo khaninarumeyele ruhusa yaya eto. Olikha toowo, ninvilela zooshi yoori nihitane etthu yoottiyelela hapari za Al-Masiihu.

1 Akorintiyu 9:14

Khwa nanna etthiipo, Mbwana awaaruma apale anlaleyaaye hapari zooshapweya, yoori ajilelane etthiipo.

1 Akorintiyu 9:16

Khwa zooshi, amana kitafusiraka hapari zooshapweya, akinwahi ojishashawula, maana kenkhiwa shuruti ya otafusiri. Wootakhaliwa ti miiyo amana kihitafusiri hapari zooshapweya!

1 Akorintiyu 9:18

Phakari yaka ti tiivi? Tiiti: otafusiri hapari zooshapweya kifiise mahala, woohirumeyeli ruhusa kiriina amana kitafusiraka.

1 Akorintiyu 9:23

Kinretta zooshi epo mwaasa wa hapari zooshapweya, yoori kirette phantte ya parakha zawe.

2 Akorintiyu 4:5

Maana khaninjitafusiri fweeyo, ila ninintafusiri Yinsa Al-Masiihu Mbwana; fweeyo na akarumeya enu, mwaasa wa Yinsa.

Akaalata 3:24

Khwa etthiipo kano ti yaari oneettettisaaye mpakha Al-Masiihu ota, yoori nihakikhiwe ti Nluku khwa amini.

Akaalata 3:25

Aphano etiyeevo amini, khaniri nkatthi waweettettisiwa ti kano.

Akaalata 4:19

Aanaaka, kinoona olwaaza ovokola opheya mwaasa wa mweeyo, mpakha Al-Masiihu okhomaala khwa mweeyo.

2 Timootiyu 4:3

Maana onlawa wafiye wakathi ahinttelaaye okhupalela thwapiya zooshapweya; olikha toowo oonaka otikita omashiilo waya, anlawa awaakusanye ajuwi aya awaanozelaka nkhama etthiipo antakhaazo.

Tiitu 1:4

Kiniwaatikhela weeyo Tiitu, mwanaka weekhweele khwa amini yeetthu fooshi: Rehema na heeri ya phantte ya Nluku Paapa na ya Yinsa Al-Masiihu, Namuusuru eetthu.

Filimooni 1:19

Miiyo Paawulu, kinaatikha na makhono aka, kinteela wuuripha, ohilupe yoori kiniwiila ohaayi awo.

Tiyaaku 1:18

Mwaasa wa matakhelo awe, anumpa na nttakhuzi lawe la haakhi, yoori niiye puuro yamwanzo khwa zumpe zawe zooshi ompiyeeyo.

1 Pheeturu 1:23

Khwa etthiipo mwivokoliweeyo opheya, woohiiyi khwa peewu enaashikhaaye, ila ehinaashikhaaye, khwa nttakhuzi la Nluku, la ohaayi na la mileele.