1 Akorintiyu 4:1 - Hapari Zooshapweya

¹ Nakataalikha, mweeyo mooshi mwinoone wiiya akarumeya a Al-Masiihu, eeyiyeeyo anamalikheliwa weettettisa shawuri ya siiri za Nluku.

1 Akorintiyu 4:1 Mawu Ofanana

Matewuzhu 13:11

Ye khuwaajipu: “Mweeyo mwenkhiwa ojuwa siiri za ofwalume wa pinkuuni, ila yo wala.

Matewuzhu 24:45

“Ti paani eeyiyeeyo karumeya wa waamineya na wa akhili, otule Mbwana awe amwinkhiyeeyo osala vaje vawe yoori asala awenkha atthu etthu yoojiwa wakathi khaamili?

Maaruku 4:11

Ye khuwooza yoori: “Mweeyo mwenkhiwa ojuwa siiri za ofwalume wa Nluku, ila apale ari oje, zooshi anuuzaniwa milikaniso,

Luuka 1:2

Apale aari mashaahiti ooniyeeyo omwanzo ene zirettikhanaka, khwiiya anamalaleya a hapari zooshapweya, atthaapo pi anifiyiseliyeeyo fweeyo.

Luuka 12:42

Mbwana khujipu araka: “Ti paani eeyiyeeyo nsatoro wa waamineya na wa akhili, Mbwana awe amwinkhiyeeyo owaalokozela akarumeya azaawe na owenkha etthu yoojiwa amana ofiya wakathi?

Luuka 8:10

Yinsa khuwaajipu yoori: “Mweeyo mwenkhiwa ojuwa siiri za ofwalume wa Nluku, ila akinoko kiniwuuza na nlikaniso yoori “ ‘oonaka ahijuwe, asiilaka ehiweeleye.’ ”

Arooma 11:25

Attwiizaku, akintakha yoori mwihijali siiri epi zootikinisa, mwihijoone nkhama ajuwi. Meezirayiilu eezelela wuumisa rooho zaya, mpakha ofiyela olikana wa amalapo.

Arooma 16:25

Apho, otule ariina owahi wa wuuhakikhini khwa hapari zooshapweya zaka, na olaleyiwa wa Yinsa Al-Masiihu, khwa nanna ya othoonyeziwa wa siiri zoovitheya khwa wakathi oviriyeeyo,

1 Akorintiyu 2:7

Olikha toowo, ninlupa akhili za Nluku, zaari siiri zoovitheya, etthiipo Nluku arumiyeeyo ehineeyevo hatha etthu yoori yiiye siifwa yeetthu.

1 Akorintiyu 3:5

Amajaali, Paawulu paani? Wala Apoolu paani? Yo akarumeya vakatthi wa atthaapo mweeyo mwifiyeleliyeeyo okhupali, khwa khaazi etile Nluku amwinkhiyeeyo wakhula mmote.

1 Akorintiyu 4:13

amana niveyisiwa, fweeyo ninjipu wooshapweyavo. Mpakha nasaapi eti naretteya wiiya mafukhe a va tuniya na vitutu za voolumwenku.

1 Akorintiyu 4:2

Etthu eniwatakhaaye anamalikheliwa aya apo ti yoori eeye awaamineya.

2 Akorintiyu 11:23

Yo akarumeya a Al-Masiihu? Aphano ki woovevereya! Miiyo theenya kakhola khaazi channu. Kaafukeliwe swaafu zawaatta. Khujaphiwa nakuvu, swaafu zawaatta na khusala kisaleela ofwa.

2 Akorintiyu 12:6

Hatha nkhama keetta otakha ojishashawula akaari wiiya nlolo, maana kaari ottakhula haakhi. Kinwerawera vitthu zaya epo yoori ahiiyevo hatha mmote anttelaaye wuupuwela monkoni wa miiyo ozitisa etile anoonaaye ama anikisiilaaye.

2 Akorintiyu 4:5

Maana khaninjitafusiri fweeyo, ila ninintafusiri Yinsa Al-Masiihu Mbwana; fweeyo na akarumeya enu, mwaasa wa Yinsa.

2 Akorintiyu 6:4

Olikha toowo, nkhama akarumeya a Nluku, nintumerelana khwa wakhula nanna: nthiti venkivene, khwa ohoowa, tafwawuthi na huzuni,

Ayeefezu 1:9

Aretta etile atthomiyeeyo na anithoonyeza shawuri za siiri aalakeliyeeyo oretta khwa Al-Masiihu,

Ayeefezu 6:19

Na theenya mwikilompele yoori amana kittakhulaka kipatthe ominyala na kisala kinkhiwa mattakhuzi aya, yoori ejuwiwe siiri za hapari zooshapweya.

Akoloosu 2:2

Kinjilipisa yoori yo eeye ookhomaaziwa nroho mwaya, akusanyeye khwa pheta na apatthe maali zooshi za weeleyiwa wookhamilikha, yoori ajuwe saaneene siiri ya Nluku, yoori ti Al-Masiihu.

Akoloosu 4:3

Mwinilompele fweeyo theenya, yoori Nluku anifukulele milako khwa hapari zawe, yoori niwahi olaleya siiri za Al-Masiihu, etthiipo kifukeliweeyo.

1 Timootiyu 3:16

Khayiivo shaakha yoori etile Nluku athoonyeziyeeyo khuluyeene monkoni wa Yinsa Al-Masiihu ti yootikinisa: Ye aajithoonyeziye nkhama pinaatamu, khuhakikhiwa ti Rooho Ttakatthiifu, khooniwa pi malayikha, khulaleyiwa tuniya zooshi, khukhupaliwa voolumwenku, khuweziwa pinkuuni nkatthi wa nuuru.

1 Timootiyu 3:6

Namalokozela wa ojama wa Nluku ahiiye ntthu antthaaye onjuwaru Yinsa, maana enwaheya ompattha ojikhupali, khukwelana ophukiwa otthuupo aphukiweeyo sheethwani.

1 Timootiyu 3:9

Eeye atthu oohikheetiwi pi rooho zaya na oojilipisana mwentto wa amini athoonyeziweeyo ti Nluku.

Tiitu 1:7

Mwaasa wa wiiya namapweheliwa wa khaazi ya Nluku, nttunkhulu nwulu wa ojama wa Nluku ona ya wiiya ntthu woohiina paathuli, woohijikhupali, woohiwalaali, woohihapaliwi, woohihusuti, wala wontuvela fwayita yohiiyi ya shariya.

1 Pheeturu 4:10

Mwirumeyelane mmote na nzeenu, wakhula ntthu khwa tthuvo enkhiweeyo, mwirumeyelaka wa wawamineyavo rehema ya Nluku etile mwipwekheriyeeyo khwa nanna nannazene.