1 Akorintiyu 3:19 - Hapari Zooshapweya

¹⁹ Maana akhili za voolumwenku apha, ololo omaasho wa Nluku, maana yaatikhiwa yoori: “Ye oniwaakhola anaakhili muulavilavi mwaya.”

1 Akorintiyu 3:19 Mawu Ofanana

Olaawo 1:10

Nlaweni niwaalazele olavilavi yoori ahitepe waattelana, ehiri amana enipuwela viittha yo akusanyeya na maatuwi eetthu anirinkaanyela atthiramo mmuti mphu.”

Olaawo 18:11

Aphano kajuwa yoori Nnyizinku nwulweene zayita miluku zooshi, maana khwa vitthu epile aari ojikhutupulanaaye atapanya.”

1 Akorintiyu 2:6

Nakataalikha, akhili epi ninttakhula khwa apale akhomaaliyeeyo, ila khahiyo akhili za wakathi opu ama anamawahi a wakathi otthuupu, anttelaaye ovukuliwa ahiiye etthu.

1 Akorintiyu 4:6

Attwiizaku, vitthu epi karumeyela miiyo na Apoolu, mwaasa wa pheta yenu mweeyo, yoori mwijinozele khwa fweeyo maana aya: “Mwihichirise etile yaatikhiweeyo”. Etthiipo ahiiyevo anjikhupalanaaye ntthu mmote, khuntarawu nkina.

Ayeefezu 4:14

Aphano nihiiye theenya nkhama asimaana oothuuliwa ti mawipi, wala weeseleliwa okhuno na okhule ti pheevo ya wakhula mwentto, ohata na olavilavi wa atthu oovonyisana.

Tiyaaku 3:15

Akhili za nanna eto khinlankha pinkuuni, ila pi za vathi attaapha, za onaatamu na za sheethwani.