1 Akorintiyu 3:18 - Hapari Zooshapweya

¹⁸ Mwihijittettekhe, nkhama mmote wa mweeyo onuupuwela yoori naakhili wa voolumwenku apha, ona ya ojiretta wiiya nlolo yoori aretteye wiiya naakhili.

1 Akorintiyu 3:18 Mawu Ofanana

Matewuzhu 13:22

Etile yaakweliyeeyo va miiwa, pi apale ansiilaaye nttakhuzi, ila mwaasa wa tafwawuthi za ohaayi, na ottettekha wa maali entta owaakhupa, ahifiyelelaka wiima mishumo.

Matewuzhu 18:4

Wekhweele anjipushuwisaaye nkhama nsimaana otu, oto ti nttunkhulu aya muufwalume wa pinkuuni.

Maaruku 10:15

Kiniwuuzani khweele yoori, otule ahimpwekherelaaye ofwalume wa Nluku nkhama nsimaana, khanteela weettamo.”

Luuka 18:17

Miiyo kiniwuuzani khweele yoori, wakhula otule ahimpokherelaaye ofwalume wa Nluku nkhama nsimaana, khanteela weettamo.”

Luuka 21:8

Yinsa khuwaajipu yoori: “Phoole! Mwihihatiwe, maana anlawa apuwe atthu awaatta araka, ‘Al-Masiihu ti miiyo!’ Ama ‘wakathi wafiya!’ Ila mwihiwaalotte apo aya.

Arooma 11:25

Attwiizaku, akintakha yoori mwihijali siiri epi zootikinisa, mwihijoone nkhama ajuwi. Meezirayiilu eezelela wuumisa rooho zaya, mpakha ofiyela olikana wa amalapo.

Arooma 12:16

Mwiiyane osiilana na azeenu. Mwihiiye atthu oojikhupali, ila mwiiye oolikana khwa okusanyeya na atthu apale ohoonelewi vahali. Mwihijoone wiiya ajuwi.

1 Akorintiyu 15:33

Mwihijilikhelele ottettekhiwa: “Ashirikha oohisuhi antapwatela mwentto wooshapweya.”

1 Akorintiyu 3:17

Amana ntthu atapanya Nyuupa ya Nluku, na Nluku ontta ontapanya. Maana Nyuupa ya Nluku ttakatthiifu, na mweeyo mwa nyuupa yawe yoosifwiwamo.

1 Akorintiyu 4:10

Fweeyo na alolo mwaasa wa Al-Masiihu, ila mweeyo mwa akumi khwa Al-Masiihu! Fweeyo na woottettheya, ila mweeyo mwa wookhomaala! Mweeyo mwa wooshitahiwa, ila fweeyo na wootaraweya!

1 Akorintiyu 6:9

Mweeyo khamwinjuwa yoori anamaretta zootakhala khanrithi ofwalume wa Nluku? Mwihijilikhelele mwihatiwaka: pi atthu twayifu, anamwaaputu sanamu, anamararuwa, hatha apale aniwaaralaaye alume azaawe,

Akaalata 6:3

Nkhama ntthu onjoona wiiya wa fwayita, ila ahiiyeeni hatha etthu, ontta ojittettekha mweenyewe.

Akaalata 6:7

Mwihijittettekhe: Nluku khanveyisiwa. Etile pinaatamu anzalaaye, ethiito theenya ti anttelaaye wuurula.

Ayeefezu 5:6

Ahiiyevo hatha ntthu mmote antakhaaye wuuttettekhani na mattakhuzi ohiivo, maana pi mattakhuzi atthaapo antanaaye katapu ya Nluku khwa apale aniikhalaaye muukhijili.

2 Timootiyu 3:13

Olikha toowo, atthu ootakhala rooho na oojinkhelela eniweettettela zootakhala wootepavo, attettekhaka nayo attettekhiwaka.

Tiitu 3:3

Waarivo wakathi na-fweeyo naari alolo, anamakhijili, meekhazi eetthu aari ottettekhiwa na oorettiwa oovitthwaana ti wakhula jaati ya tuvela na zootakha zeetthu. Naari wiikhala nkatthi wa vitthu zootakhala na nrima, niiphiranaka mmote na nzeetthu.

Tiyaaku 1:22

Mwiiye anamashututela nttakhuzi la Nluku, khahiyo onamasiila paasi mwijihataka mwenyeweru.

Tiyaaku 1:26

Ntthu amana ajoona wiiya natiini, ila khuhisala eenanela nlimi lawe, onjihata mweenyewe na tiini yawe khina fwayita.

1 Yaahaya 1:8

Nkhama ninjilupeza ohiina twampi, nintta ojittettekha na nkatthi mweetthu khayiimo haakhi,