1 Akorintiyu 3:16 - Hapari Zooshapweya

¹⁶ Mweeyo mwinjuwa yoori mwa Nyuupa ya Nluku na Rooho ya Nluku eniikhala khwa mweeyo.

1 Akorintiyu 3:16 Mawu Ofanana

Yaahaya 14:17

Rooho ya haakhi, atthu a voolumwenku ahinttelaaye opokhera, maana, khanteela woona na wala khanjuwa. Ila mweeyo mwinjuwa, maana Yo eniikhala nkatthi mweenu na enttela wiiya na mweeyo.

Arooma 6:16

Khamwinjuwa yoori, amana ntthu ajinkha mmakhono wa ntthu yoori asala anshututela nkhama mwiitthwaana, oniiya mwiitthwaana wa othuuto aninshututelaaye: mwiitthwaana wa twampi enuulaaye, ama oshututi onimwettanaaye nshariya?

Arooma 6:3

Ama, mweeyo khamwinjuwa yoori fweeyo noosiweeyo khwa Yinsa Al-Masiihu, noosiwa khwa ofwa wawe?

Arooma 8:11

Nkhama Rooho ya otule ansisimuliyeeyo Yinsa eri vamote na mweeyo, othuuto ansisimuliyeeyo Al-Masiihu nkhapuri theenya onteela osisimula mwiili enu woofwa, khwa Rooho yawe eniikhalaaye khwa mweeyo.

Arooma 8:9

Nakataalikha, mweeyo khamwishinttiweeni pi onaatamu, ila khwa Rooho, nkhama khweele rooho ya Nluku eniikhala khwa mweeyo. Na nkhama ntthu khana Rooho ya Al-Masiihu, khahi wa Al-Masiihu.

1 Akorintiyu 3:17

Amana ntthu atapanya Nyuupa ya Nluku, na Nluku ontta ontapanya. Maana Nyuupa ya Nluku ttakatthiifu, na mweeyo mwa nyuupa yawe yoosifwiwamo.

1 Akorintiyu 3:9

Maana fweeyo na ashirikha a khaazi khwa onrumeyela Nluku, mweeyo mwa mashapa awe na mwa nyuupa yawe.

1 Akorintiyu 5:6

Ojikhupali weenu opo khahiyo wooshapweya. Mweeyo khamwinjuwa yoori fwaramento vattitthiiru enjakhula ofu wooshi?

1 Akorintiyu 6:16

Mweeyo khamwinjuwa yoori otule anjikusanyanaaye malempe oniiya mwiili mmote na othuuto? Maana, nkhama etthiipo zaatikhiweeyo yoori: “Oowiiri aniiya mwiili mmote.”

1 Akorintiyu 6:19

Olikha toowo, mweeyo khamwinjuwa yoori mwiili enu nyuupa ya Rooho Ttakatthiifu eniikhalaaye khwa mweeyo, mwinkhiweeyo ti Nluku? Mweeyo khahiyo a mweeyena.

1 Akorintiyu 6:9

Mweeyo khamwinjuwa yoori anamaretta zootakhala khanrithi ofwalume wa Nluku? Mwihijilikhelele mwihatiwaka: pi atthu twayifu, anamwaaputu sanamu, anamararuwa, hatha apale aniwaaralaaye alume azaawe,

1 Akorintiyu 9:13

Mweeyo mwiiyane ojuwa yoori apale ankholaaye khaazi Nnyupa Woosifwiwamo, anja vitthu za Nnyupa nttumpho. Na apale anrumeyaaye vaalitaari anja epile zintaniwaaye vaalitaari.

1 Akorintiyu 9:24

Mweeyo mwinjuwa yoori anchiraanaaye mmote ti ampatthaaye tthuvo. Otthire khwa nanna ontakhaaye opattha tthuvo.

2 Akorintiyu 6:16

Okusanyeyani oriivo Nyuupa Yoosifwiwamo Nluku na sanamu? Maana fweeyo na a Nyuupa ya Nluku woohaayi. Nkhama etthiipo alupiyeezo Nluku yoori: “Kiniikhalana yo na keettette vakatthi vaya, kinttela wiiya Nluku aya na yo anttela wiiya atthu aka.”

1 Timootiyu 3:15

ila amana kirupaza, warakha eto entta owuuza nanna yoojeettettisa vakatthi wa ojama wa Nluku. Eti yiiyiyeeyo khuntti ya Nluku khwa ohaayi, nripu na nchina lookhweele.

2 Timootiyu 1:14

Etile winkhiweeyo, othokorele khwa Rooho Ttakatthiifu eniikhalaaye khwa fweeyo.

Meepereewu 3:6

Ila Al-Masiihu tu wa waamineya nkhama mwaana monkoni wa nyuupa ya Nluku. Nyuupa ya eto ti fweeyo, amana nikholelela woolipaneyavo nroromelo na owejela khwa etile ninjikhupalanaaye.

Tiyaaku 4:4

Atthu oohaamineyi, khamwinjuwa yoori oshirikha na olumwenku oniiya wuumani khwa Nluku? Otule antakhaaye wiiya swaahipu na olumwenku onjiretta wiiya atuwi wa Nluku.

1 Pheeturu 2:5

mweeyo theenya mwinrumeyeliwa nkhama mawe haayi khwa ojekaniwa nyuupa ttakatthiifu, yoori mwipatthe onamalokozela wa tiini ttakatthiifu, mwinkhaka twaha ttakatthiifu yookhupaleliwa ti Nluku vakatthi wa Yinsa Al-Masiihu.

1 Yaahaya 4:12

Khaavo amooniyeeyo Nluku. Nkhama nimphetana mmote na nzeetthu, Nluku oniikhala khwa fweeyo, na toowo, opheta wawe oniiya wookhamilikha khwa fweeyo.