1 Akorintiyu 3:10 - Hapari Zooshapweya

¹⁰ Khwa khiima ya rehema ya Nluku kinkhiweeyo, miiyo nkhama namajeka nwulu wa akhili kakheya nchina, akina antta ojeka. Ila wakhula mmote ona ya woona saana khwa nanna anjekaazo.

1 Akorintiyu 3:10 Mawu Ofanana

Matewuzhu 24:45

“Ti paani eeyiyeeyo karumeya wa waamineya na wa akhili, otule Mbwana awe amwinkhiyeeyo osala vaje vawe yoori asala awenkha atthu etthu yoojiwa wakathi khaamili?

Matewuzhu 7:24

“Wakhula otule ansiilaaye mattakhuzi aka na khushututela onlattisaniwa ntthu wa akhili ajekiyeeyo nyuupa yawe khuthipa khuttha vanchina la mawe.

Luuka 11:35

Nakataalikha, wiiyane phoole na nuuru eto oriinaaye yoori ehiiye yiiza.

Luuka 21:8

Yinsa khuwaajipu yoori: “Phoole! Mwihihatiwe, maana anlawa apuwe atthu awaatta araka, ‘Al-Masiihu ti miiyo!’ Ama ‘wakathi wafiya!’ Ila mwihiwaalotte apo aya.

Khaazi 18:27

Apoolu khusala atakha olawa nti wa Akaaya, attwiize khunlipisela na khuwaatikhela warakha anakhiyoni yoori ampwekherele. Noofiya khuwaawuni apale aakhupaliyeeyo khwa rehema,

Arooma 1:5

khwa ye na mwaasa wa nzina lawe, napwekhera rehema na owaaswihaapa, yoori nikhuwele khapila zooshi wiiya atthu oshututi ontaaye khwa amini,

Arooma 12:3

Tiito, khwa rehema kinkhiweeyo, kiniwuuzani mooshi mweeyo yoori: Ahiiyevo aniiyanaaye khwa mweenyewe shawuri zooziti epile anwahaaye wiiyana; ila, olikha toowo, eeyane shawuri zoolipalipa nkhama etthiipo khiima ya amini Nluku amwinkhiyeeyo.

Arooma 15:15

Monkoni wa vitthu kiina zaya, miiyo kawaatikhelani mweeyo woomaruwavo channu, haaswahaaswa yoori kuukupuseleni opheya vitthu zaya epo mwinjuwaazo. Kawaatikhelani mwaasa wa rehema Nluku akinkhiyeeyo,

Arooma 15:20

Wakhula siikhu karetta thenke ya otafusiri hapari zooshapweya ohali Al-Masiihu ahaari ojuwiwaawo, yoori kihikhomaaze vatulu wa nchina la akinoko.

1 Akorintiyu 3:11

Maana khaavo anwahaaye ottha nchina likina, woohiiyi nchina ntthile likheyiweeyo, eeyiyeeyo Yinsa Al-Masiihu.

1 Akorintiyu 9:2

Hatha nkhama aki aswihaapa khwa akinoko, weekhweele ki aswihaapa khwa mweeyo, maana mweeyo mwa ephariselo ya owaaswihaapa aka khwa Mbwana.

2 Akorintiyu 10:15

Khwa nanna ethiito, khaninlawa ozitisa mwiinano eetthu, nijittottopaka khwa khaazi akholiyeeyo atthu akina. Nroromelo eetthu ti yoori khiima eneekezeleyaaye amini mwiriinaaye, na khaazi zeetthu khwa mweeyo etepe weekezeleya venkivene,

Ayeefezu 2:20

Mwajekiwa va nchina la maaswihaapa na la manapiyu, na khwiiyana liwe linkhomaazaaye nyuupa, Yinsa Al-Masiihu.

Akoloosu 1:29

Tiito miiyo kinjilipisa, kuumanaka khwa kuvu zawe, enkholaaye khaazi woowahivo khwa miiyo.

Akoloosu 4:17

Mwimuuze Athipu yoori: “Eeyane phoole khwa weettettisa khaazi mwipwekhereliyeeyo khwa Mbwana.”

1 Atizaloonika 3:2

na etthiipo, khunruma Timootiyu, ttwiiyetthu na nakhaazi wa Nluku khwa hapari zooshapweya za Al-Masiihu, yoori ookhomaazeni na wuuthuzani nkatthi wa amini,

1 Timootiyu 4:16

Ojiinanele weeyo na wiiyane phoole na mwentto opu onsomisaaye, vitthu epo ojilipise oretta. Amana okhanyarela oretta etthiipo, ontta ojuusuru weeyo na apale anuusiilaaye.

2 Timootiyu 2:15

Weekese ojinkha mmakhono wa Nluku ori woohakikhiwa nkhama namarumeya woohiina hatha etthu ya opatthisa haaya, anjuwaaye ofiisa saaneene nttakhuzi la haakhi.

Tiyaaku 3:1

Attwiizaku, enki a mweeyo mwihiiye anamasomisa, mwijuwe yoori fweeyo ninnozelaaye ninteela ophukiwa venkivene.

1 Pheeturu 4:11

Otule anttakhulaaye, attakhule nkhama antafusiraaye nttakhuzi la Nluku; otule anrumeyaaye ti arumeye khwa kuvu enkhiweeyo ti Nluku, yoori khwa vitthu zooshi Nluku asifwiwe khwa Yinsa Al-Masiihu, otule eeyiye ottitthima na owahi khwa mileele. Amiina.

2 Pheeturu 3:15

Mwitthe mwa akhili mweenu yoori ovilela wa Mbwana eetthu onthoonyeza nusura, nkhama mphetani ttwiiyetthu Paawulu awaatikheliyeenini khwa ojuwa Nluku amwinkhiyeeyo.

Othoonyeziwa 21:14

Muuri wa sitati ya etile waarina machina khumi na mawiri, khwa machina atthaapo aari awaatikhiwa mazina khumi na mawiri a maaswihaapa a Pwittipwitthi.

Othoonyeziwa 21:19

Machina a muuri a sitati yaya aattalaniwe wakhula nanna ya mawe a fwayita oofwarikhana. Mwanzo, jaasipi; ya phiiri, safiira; ya ttaatthu, ya kalisetooniya; yanne, ya eshimiralata;