1 Akorintiyu 2:15 - Hapari Zooshapweya

¹⁵ Ila otule eeyiyeeyo ttakatthiifu enimweeleya vitthu zooshi, ye khaavo aniphelelezaaye.

1 Akorintiyu 2:15 Mawu Ofanana

Yaahaya 7:17

Amana ntthu ajilakelela oretta matakhelo a Nluku, ontta osophela nkhama osomisa waka onlankha wa Nluku ama kinjilupa kimweenyewe.

Khaazi 16:3

Paawulu khusala atakha yoori alawane, khunkhiriyisa mwaasa wa mayaahuuti aari wiikhalaaye nti otthuupule, maana ooshi aari onjuwa yoori papaawe nkereeku.

1 Akorintiyu 14:37

Nkhama ntthu onjoona yoori napiyu ama ttakatthiifu, ona ya oojuwa yoori epi kiniwaatikhelaanini mweeyo oruma wa Mbwana.

1 Akorintiyu 3:1

Attwiizaku, akiwaheeni wuuttakhulelani nkhama atthu a wiiyana Rooho ya Nluku, ila nkhama atthu a voolumwenku, na nkhama asimaana khwa Al-Masiihu.

1 Akorintiyu 4:5

Nakataalikha, mwihiphuke hatha etthu ohinafiye wakathi khwaamili; mwiwejele mpakha Mbwana ate. Ye onsarulela nnuuru epile zoovithiwa n'yiiza na onthoonyeza shawuri za nroho. Wakathi opo, wakhula ntthu onlawa apwekherele okhupaliwa wawe wa Nluku.

Akaalata 6:1

Attwiizaku, amana ntthu asikaniwa ntwampi, mweeyo mwiriina Rooho ya Nluku, mwina yonlikhisa wa emaanivo. Ila ojiinanele yoori na weeyo theenya ohizayiniwe.

Afiliipu 1:10

yoori mwipheleleze vitthu zooziti na mwiiye swaafi oohiina hatha paathuli mpakha siikhu antaavo Al-Masiihu.

Akoloosu 1:9

Khwa ethiito, thanku siikhu nisiiliyeeyo, khanilikheleleeni wulompelani mweeyo na oveka yoori mwiiye awiitaala ojuwa wooshi wa niiya ya Nluku, na akhili zooshi na weeleyiwa wa nroho.

1 Atizaloonika 5:21

Mwinzaani vitthu zooshi na mwithokorele etile yiiyiye yooshapweya.

Meepereewu 5:14

Ila etthu yoojiwa yookhomaala eniwaafwayi apale awulu, maana yo mwaasa wa oja wakhula siikhu, anjuwa othawula yooshapweya na yootakhala.

1 Yaahaya 2:20

Ila mweeyo mwapokhera othawaziwa onlankhaaye khwa Rooho Ttakatthiifu na mooshi mweeyo mwinjuwa.

1 Yaahaya 4:1

Aphetani aka, mwihiwaakhupali ooshi anraaye anaaye rooho ya Nluku, ila mwisala mwinzaani khoona nkhama enlankha wa Nluku, maana manapiyu awaatta oojipanka amwazeyela voolumwenku.