1 Akorintiyu 2:1 - Hapari Zooshapweya

¹ Miiyo attwiizaku, wakathi kaari vakatthi venu, akittakhuleeni mattakhuzi ootuva wala khwa akhili za waatta yoori kuulaleyeleni siiri za Nluku.

1 Akorintiyu 2:1 Mawu Ofanana

Olaawo 4:10

Aphano Munsa khumuuza Nnyizinku yoori: “Oo, Mbwana, thanku raku miiyo akinwahi ottakhula saana; mpakha nasaapi eti waaziyeevo ottakhulana miiyo, amana kittakhulaka kintta okukuma.”

Khaazi 20:21

Kiwaatafusirelaka venkivene mayaahuuti mpakha akereeku yoori ankhupali Nluku athupwiye na amwaamini Mbwana eetthu Yinsa.

Khaazi 22:18

Khumoona otule kaari ottakhulanaaye, khukuuza yoori: ‘Waakuve oleewo Yeruzaleemu, maana khanlawa okhupalela oshaahiti awo monkoni wa miiyo.’

Arooma 16:18

Maana atthu aya apo khaninrumeyela Al-Masiihu, Mbwana eetthu, ila tuvela zaya ennyewe. Khwa mattakhuzi awoolowa na ottettekha, anhata rooho za apale oottettekheya.

Arooma 16:25

Apho, otule ariina owahi wa wuuhakikhini khwa hapari zooshapweya zaka, na olaleyiwa wa Yinsa Al-Masiihu, khwa nanna ya othoonyeziwa wa siiri zoovitheya khwa wakathi oviriyeeyo,

1 Akorintiyu 1:17

Maana Al-Masiihu khakirumeeni yoori koose, ila yoori kitafusiri hapari zooshapweya, woohiiyi khwa mattakhuzi a akhili za onaatamu, yoori owahi wa nsalapa wa Al-Masiihu ohiiye wooveya.

1 Akorintiyu 1:6

Maana oshaahiti wa Al-Masiihu wahakikhiwa vakatthi venu mweeyo,

1 Akorintiyu 2:13

Epo zaya naye ninttakhulaka, khahiyo khwa mattakhuzi a akhili oosomisiwa pi anaatamu, ila khwa mattakhuzi oosomisiwa ti Rooho Ttakatthiifu, etaphuleliwaka khweele ttakatthiifu khwa apale eeyiyeeyo attakatthiifu.

1 Akorintiyu 2:4

Hapari zaka na tafusiiri zaka khinlankha nkatthi wa mattakhuzi a akhili otakha wuushinttanani, ila zinlankha khwa othoonyeziwa wa owahi wa Rooho ya Nluku,

1 Akorintiyu 2:7

Olikha toowo, ninlupa akhili za Nluku, zaari siiri zoovitheya, etthiipo Nluku arumiyeeyo ehineeyevo hatha etthu yoori yiiye siifwa yeetthu.

2 Akorintiyu 10:10

Maana atthu akina anlupa yoori: “Warakha zawe pi za okhomaala na olipa, ila mweenyewe ti woopepheya, na mattakhuzi awe pi ootaraweya.”

2 Akorintiyu 11:6

Miiyo hatha nkhama keetta ohiiyi namattakhula saana; ila aki masikhini khwa ojuwa. Weekhweele, nathoonyeza epo zaya khwa mweeyo wakhula nanna ya vitthu zoorettikhana.

2 Atizaloonika 1:10

Epo enttela orettikhana siikhu antaaye, oteela ottitthimisiwa khwa attakatthiifu awe, na oshankeliwa khwa apale ooshi aninkhupalaaye, vamote na mweeyo mwikhupaliyeeyo oshaahiti eetthu.

1 Timootiyu 1:11

Mwentto opo ori nhapari zooshapweya zinlankhaaye nkatthi wa nuuru ya Nluku wa parakha, kinkhiweeyo miiyo olaleya.

2 Timootiyu 1:8

Nakataalikha, ehuupatthiseni haaya onlawela oshaahiti Mbwana, wala khwa miiyo, kiiyiye napherezu awe, ila ohoowe vamote na miiyo mwaasa wa hapari zooshapweya khwa owahi wa Nluku.

1 Yaahaya 4:14

Fweeyo noona na ninlawela oshaahiti yoori Paapa amperekha Mwanawe yoori eeye Namuusuru wa voolumwenku.

Othoonyeziwa 1:2

othuuto anlawelaaye oshaahiti wa zooshi epile ooniyeezo, epo zaya nttakhuzi la Nluku na oshaahiti wa Yinsa Al-Masiihu.

Othoonyeziwa 1:9

Miiyo Yaahaya, ttwi na nshirikheenu muuhoowa, na muufwalume, na nthiti khwa Yinsa, kaari esura ya Paatimo mwaasa wa nttakhuzi la Nluku na oshaahiti khwa Yinsa.

Othoonyeziwa 19:10

Aphano miiyo kikwela nshini wa moolu a nlayikha yoori kaaputu, ila khukuuza yoori: “Ohirette etthu eto! Ki karumeya nkhama weeyo na nkhama attwiizo apale ari nkatthi wa waamineya khwa oshaahiti wa Yinsa. Omwaaputu Nluku! Oshaahiti wa Yinsa rooho ya ohupiri.”