1 Akorintiyu 15:51 - Hapari Zooshapweya

⁵¹ Moone yoori miiyo kinlupa siiri zoovitheya yoori: khahiyo fooshi ninttelaaye ofwa, ila fooshi ninttela ozukulisiwa,

1 Akorintiyu 15:51 Mawu Ofanana

1 Akorintiyu 13:2

Hatha nkhama keetta wiiyana tthuvo ya otafusiri, khujuwa siiri zooshi zoovitheya, na ojuwa wooshi na khwiiyana amini enwahaaye othamisa nyaako, amana kihina pheta, akinpatthela hatha etthu.

1 Akorintiyu 15:18

Nkhama pi etthiipo, apale afwiyeeyo amwaaminaka Al-Masiihu apwetheya.

1 Akorintiyu 15:20

Ila wekhweele, Al-Masiihu asisimuwa vakatthi wa ananfwa, othuuto eeyiyeeyo mwanzo na nroromelo wa apale ooshi afwiyeeyo.

1 Akorintiyu 15:6

Paata ya toowo, khuwaapuwelela attwi aari ozitaaye miiya thaanu khwa swaafu moote, enki wa apo aya mpakha leelo ari haayi, ila akina afwa.

1 Akorintiyu 2:7

Olikha toowo, ninlupa akhili za Nluku, zaari siiri zoovitheya, etthiipo Nluku arumiyeeyo ehineeyevo hatha etthu yoori yiiye siifwa yeetthu.

1 Akorintiyu 4:1

Nakataalikha, mweeyo mooshi mwinoone wiiya akarumeya a Al-Masiihu, eeyiyeeyo anamalikheliwa weettettisa shawuri ya siiri za Nluku.

2 Akorintiyu 5:2

Tiito, ninsisimiraaye, niikhalaka nyuupa eti niriimo, maana yaari onituvela nithamiye nasaapi neetta nyuupa yeetthu pheeya pinkuuni. Nyuupa yaya eto onttela wiiya mwiili eetthu wa pinkuuni,

2 Akorintiyu 5:4

Amana niikhalaka nyuupa ethiiti, wiiyiyeeyo mwiili eetthu, ninsisimira woovelavelavo. Khahiyo yoori nintakha wiiya wootaphuliwa mwiili eetthu wa enaatamu, ila nintakha yoori nipwekherele mwiili wa pinkuuni yoori ohaayi orette etile enfwaaye wiiya ya waashikha.

Ayeefezu 1:9

Aretta etile atthomiyeeyo na anithoonyeza shawuri za siiri aalakeliyeeyo oretta khwa Al-Masiihu,

Ayeefezu 3:3

Nluku akithoonyeza shawuri zawe za siiri na khukitakhela yoori kijuwe, nkhama etthiipo kiwaatikheliyeenini khwa mattakhuzi vattitthiiru.

Ayeefezu 5:32

Eto siiri khuluyeene, ila miiyo kininlupa Al-Masiihu na ojama wa Nluku.

Afiliipu 3:21

Ye onteela ozukulisa mwiili eetthu wootarawiwa alattanisaka mwiili awe woottitthima, khwa owahi onimwinkhaaye makhaamu a oshintta vitthu zooshi vathi wa ofwalume awe.