1 Akorintiyu 14:12 - Hapari Zooshapweya

¹² Enrettikhana etthiipo khwa mweeyo. Maana mwinshukulikhela opattha tthuvo za nroho, mweekese okhomaala khwa epile entiisaaye ojeka ojama wa Nluku.

1 Akorintiyu 14:12 Mawu Ofanana

Arooma 14:19

Tiito, nijilipise weekesa zooshi entanaaye heeri na okhomaazana mmote na nzeetthu.

1 Akorintiyu 12:31

Nakataalikha, mwijilipise yoori mwipatthe tthuvo swaafi. Kinvira nasaapi kuuthonyezakani mweeyo tarikhi yootepa oshapweya.

1 Akorintiyu 12:7

Nakataalikha, wakhula mmote oninkhiwa ojithoonyeza wa Rooho khwa saana ya atthu ooshi.

1 Akorintiyu 14:1

Mwilotte tarikhi ya pheta na mweekese woohilikheleli tthuvo ya rooho, haaswahaaswa tthuvo ya otafusiri.

1 Akorintiyu 14:13

Tiito, otule anttakhulaaye khwa luuka pheeya, alompe yoori awahi otaphulela.

1 Akorintiyu 14:26

Nakataalikha, niri je attwiizaku? Amana mweeyo mwikusanyeya, wakhula mmote wa mweeyo eeyane liipo la zaapuura moote, ama nttakhuzi la onozela, othoonyeziwa, ama nttakhuzi la luuka pheeya ama otaphulela. Zooshi zirettikhane khwa ojeka ojama wa Nluku.

1 Akorintiyu 14:5

Yaari okituvela mooshi mweeyo mwittakhulaka luuka pheeya, ila kinhithari yoori mwitafusiri. Otule antafusiraaye anziti otule anttakhulaaye luuka pheeya, ehiriwaka etta wiiyavo ntthu wootaphulela yoori ojama wa Nluku ojekeye.

Tiitu 2:14

Ye ajinkha khwa zwaamu yeetthu fweeyo yoori anitaphule khwa vitthu zootakhala na anitwahareshe niiye atthu awe monkoni wa weettettisa mwentto wooshapweya.