1 Akorintiyu 14:1 - Hapari Zooshapweya

¹ Mwilotte tarikhi ya pheta na mweekese woohilikheleli tthuvo ya rooho, haaswahaaswa tthuvo ya otafusiri.

1 Akorintiyu 14:1 Mawu Ofanana

Arooma 12:6

Ninaaye tthuvo zoofwarikhana, khwa rehema ninkhiweeyo. Nkhama ntthu onaaye tthuvo ya ohupiri, arumeyele khwa amini ariinaaye.

Arooma 14:19

Tiito, nijilipise weekesa zooshi entanaaye heeri na okhomaazana mmote na nzeetthu.

Arooma 9:30

Apho nilupe niini? Amalapo ahaariweekesaaye okhupaliwa, apattha okhupaliwa nkatthi wa amini;

1 Akorintiyu 12:1

Attwiizaku, khwa tthuvo za nroho, akinuutakhelani ohijuwi.

1 Akorintiyu 12:31

Nakataalikha, mwijilipise yoori mwipatthe tthuvo swaafi. Kinvira nasaapi kuuthonyezakani mweeyo tarikhi yootepa oshapweya.

1 Akorintiyu 13:13

Aphano ziwaapho vitthu epi ttatthu: Amini, owejela na pheta. Nakataalikha khuulu khwa epi zaya pheta.

1 Akorintiyu 13:2

Hatha nkhama keetta wiiyana tthuvo ya otafusiri, khujuwa siiri zooshi zoovitheya, na ojuwa wooshi na khwiiyana amini enwahaaye othamisa nyaako, amana kihina pheta, akinpatthela hatha etthu.

1 Akorintiyu 14:22

Nakataalikha, luuka alama ya apale ohiiyi mamuumini, khahiyo khwa mamuumini; otafusiri na ye pi wa apale eeyiye mamuumini, khahiyo khwa apale ohiiyi mamuumini.

1 Akorintiyu 14:37

Nkhama ntthu onjoona yoori napiyu ama ttakatthiifu, ona ya oojuwa yoori epi kiniwaatikhelaanini mweeyo oruma wa Mbwana.

1 Akorintiyu 14:39

Nakataalikha, attwiizaku, mweekese otafusiri saaneene na mwihikhattaze ottakhuliwa luuka pheeya.

1 Akorintiyu 16:14

Mwirette zooshi epo khwa pheta.

Ayeefezu 1:3

Attitthimisiwe Nluku Paapa wa Mbwana eetthu Yinsa Al-Masiihu, aniparikhaniyeeyo nasipu zooshi za parakha za nroho za pinkuuni khwa Al-Masiihu.

1 Atizaloonika 5:20

Mwihitarawu ohupiri.

1 Timootiyu 4:14

Wakathi waattheeliweevo makhono pi attunkhulu a ojama wa Nluku veeshwa vawo oolompelaka, Nluku nkatthi wa Rooho Ttakatthiifu awinkha tthuvo. Ohisahawu orumeyela.

1 Timootiyu 5:10

Eeye muukha woojuwaniwa oretta vitthu zooshapweya, woowaalela saana aanaawe, woomakeleya, ama eeye muukha aari woosakaaye moolu a atthu oottakatthiifu a Nluku, aari owaawunakaaye anamathowiwa na aari okholakaaye khaazi zooshi zooshapweya, othuuto ti aatikhiwe nwarakha ya anamafweliwa pi amanna zaya.

1 Timootiyu 6:11

Ila weeyo, ntthu wa Nluku, vitthu zaya epo owerawere. Weekese weettettisa shariya, emaani, epaata, pheta, ovilela na ojithuza.

2 Timootiyu 2:22

Otthire tuvela za oshaapu weekese olotta shariya, amini, pheta na heeri, vamote na apale ariina rooho yooshapweya aninkhuwelaaye Mbwana.

Meepereewu 12:14

Mwijilipisane wiikhala khwa heeri na atthu ooshi na yoori mwiiye attakatthiifu; noohiina ottakatthifu, khina anttelaaye omoona Mbwana.

2 Pheeturu 1:7

va emaani, ojalana; va ojalana, pheta.

3 Yaahaya 1:11

Mphetani aka oheezele vitthu zootakhala ila weezele vitthu zooshapweya. Otule anrettaaye zooshapweya tu wa Nluku; otule anrettaaye zootakhala khanamoone Nluku.