1 Akorintiyu 13:5 - Hapari Zooshapweya

⁵ Khahi wookuputi, khaneekesa ojituvelisa, khahi wawaakuva okatipukha, khahi woothokorela katapu.

1 Akorintiyu 13:5 Mawu Ofanana

Matewuzhu 5:22

Ila miiyo kiniwuuzani yoori wakhula aninkatipukhelaaye ttwiiye oneekesela ophukiwa naye, na wakhula aninttukhanaaye ttwiiye ona ya olawaniwa wa afwalume ophukiwa. Na otule animuuzaaye ttwiiye yoori: ‘Nlolo!’ oninsuhi weetta vamoottho wa motthooni.

Matewuzhu 9:4

Yinsa noojuwa etthu aari wuupuwelaaye yo, khuwooza yoori: “Mwaasa wa niini mweeyo muupuwelaka nroho mweenu vitthu zootakhala?

Maaruku 3:5

Yinsa khusala aweekesa ari wookatipukha na khuhituveliwi mwaasa wa wuuma rooho zaya na khumuuza mwinyi otule yoori: “Wookole nkhono awo.” Ye khookola nkhono awe na khwiiya woovonisiwa.

Luuka 7:39

Aphano mfwarizeewu otule nawoona vitthu epile khusala alupa nroho mwawe araka: “Otu eriwaka aari napiyu, eetta ojuwa yoori mwanankha otu aninsapaaye natwampi.”

1 Akorintiyu 10:24

Ahiiyevo aneekesaaye ojirettela saana mweenyewe paasi, ila theenya owaarettela saana azaawe.

1 Akorintiyu 10:33

Theenya miiyo kineekesa owaatuvelisa atthu ooshi khwa nanna zooshi, maana akineekesa saana yaka paasi, ila saana ya atthu ooshi, yoori oosurukhe.

1 Akorintiyu 11:18

Ya mwanzo, kinsiila yoori, amana mweeyo mwikusanyeya nkhama ojama wa Nluku, owaapho waawanyeya khwa mweeyo. Mpakha ofiyelela miiyo okhupali,

1 Akorintiyu 12:25

yoori ohiiyevo waawanyeya khwa mwiili, ila yoori kifunko zooshi ziiyane otthanttana sawasawa kiina na nzaaya.

1 Akorintiyu 7:36

Nkhama owaapho nlume amposiyeeyo mwaari khoona yoori khaniwahi onvilela na ontta ontthimula rooho, afwataali anrale, khwa etthiipo Kankosa.

2 Akorintiyu 5:19

eto tiiti, Nluku khwa Al-Masiihu ajisiilanisa olumwenku, khuhijali twampi za anaatamu, na khuninkhelela hapari zinsilanisaaye.

Akaalata 5:13

Maana mweeyo attwiizaku, mwakhuweliwa yoori mwitaphuliwe. Otaphuliwa waya opo mwihirumeyele khwa winkha kiphenyo tuvela za onaatamu, ila mwirumeyelane mmote na nzeenu khwa pheta.

Afiliipu 2:21

maana atthu ooshi anshikha epile ziiyiye zaya, khanshikha epile ziiyiyeeyo za Yinsa Al-Masiihu.

Afiliipu 4:8

Wiishela waya attwiizaku, yooshi yiiyiyeeyo ya ookhweele, yooshi yiiyiyeeyo ya shitaha, yooshi yiiyiyeeyo yoolotteya, yooshi yiiyiyeeyo swaafi, yooshi yiiyiyeeyo yoophetiwa, yooshi yiiyiyeeyo yootuvela, amana yiiyavo etthu yootepa oshapweya ama ensuhaaye ottitthimisiwa, mwifikhiri vitthu zaya epo.

2 Atizaloonika 3:7

Maana mweeyo mwinjuwa nanna ya oneezela fweeyo, mwaasa khaniikhaleeni khwa mweeyo woovonyeyavo.

2 Timootiyu 2:10

Nakataalikha, kinvilela khwa zooshi mwaasa wa pheta ya ananthawuliwa, yoori na yo apatthe nusura eri wa Al-Masiihu Yinsa, na siifwa za mileele.

2 Timootiyu 4:16

Ojaakisa waka wamwanzo muuphukiwa, khina atiiyeeyo okaawuni; atthu ooshi eettiye okanswi. Pi ahiiyane hukhumu khwa epo zaya.

Tiyaaku 1:19

Attwiizaku aphetani aka, mwijuwe mattakhuzi apa, wakhula ntthu eeye woosiileza saana, woorupaza ottakhula na woorupaza okatipukha.