1 Akorintiyu 13:4 - Hapari Zooshapweya

⁴ Ntthu amphetaaye ti woovilela, wookemaani, khahi wa nrima, khahi wa wiivu, khahi woojitayiti wala woojikhupali.

1 Akorintiyu 13:4 Mawu Ofanana

Mwanzo 30:1

Rakeele ooniyeevo yoori Yaakhumpa khaari ompatthela mwaana, khusala anlilela wiivu ttwiiye. Khumuuza Yaakhumpa yoori: “Okipatthele mwaana, nohiiyi etthiipo kintta ofwa!”

Mwanzo 37:11

Waaza attaapho attwiize khuwaata nrima na ye, papaawe khusala apheleleza vitthu epile varoho vawe.

Matewuzhu 27:18

Maana aajuwiye yoori anlawaniye okhule mwaasa wa nrima.

Khaazi 7:9

Shiteevawu khurutela olupa yoori: “Apapazetthu aya atthaapo khunlazela nrima Yuusufu. Khumuuzanyisa awoozanyezaka amisuri, ila Nluku aari vamote na ye.

Arooma 1:29

Yo ajiretta wiiya awiitaala nasipu zooshi zohiiyi za shariya, zootakhala, omaashokopho na ottettekha. Pi awaatta nrima, husuti za wuula, ohitakhani, ohata na vitthu zootakhala. Amwanomwaano,

Arooma 13:13

Nijilikanise weekhweelevo nkhama atthu aneettettaaye nnuuru ya nthana, khahiyo khaapa twayifu na ohapaliwa, wala oraruwa na zowera, wala onyakulisana na nrima.

1 Akorintiyu 3:3

Maana mwinlotta onaatamu, enooneya yoori vakatthi venu liwaapho nrima na waawanyeya, toowo khamwinretteya wiiya anamalotta vitthu za enaatamu, mwirettaka vitthu za va olumwenku?

1 Akorintiyu 4:18

Akina a mweeyo anjikhupali, nkhama enriwaaye miiyo akinta wuuthotolani theenya.

1 Akorintiyu 4:6

Attwiizaku, vitthu epi karumeyela miiyo na Apoolu, mwaasa wa pheta yenu mweeyo, yoori mwijinozele khwa fweeyo maana aya: “Mwihichirise etile yaatikhiweeyo”. Etthiipo ahiiyevo anjikhupalanaaye ntthu mmote, khuntarawu nkina.

1 Akorintiyu 5:2

Na mweeyo mwintta ojikhutupula! Nakataalikha, khamwaarina ya wiitaala huzuni na omwiikara vakatthi venu otule anrettaaye vitthu zaya epo?

1 Akorintiyu 8:1

Monkoni wa vitthu zoojiwa zootwaheliwa sanamu, ninoona yoori fooshi ninaaye ojuwa. Ojuwa ontana ojikhupali, ila pheta enjeka.

2 Akorintiyu 12:20

Kinoova yoori amana kita wuuthotolani, kuusikanani nanna kahaari waakhipwelaaye, na mweeyo ohikisikani khwa nanna mwahaari waakhipwelaaye. Kinoova yoori owaapho onyakulisana, nrima, nthoonyezo wa wiiphiiriwa, waawanyeya, otarawana, wuumani, ojikhupali na ohisiilani.

2 Akorintiyu 6:6

khwa ohalaali, ojuwa, ovilela na okemaani, khwa Rooho Ttakatthiifu na pheta ya khweele,

Akaalata 5:26

Nihiiye atthu oojikhupali, niwaalikaka azeetthu na wiiyana nrima mmote na nzeetthu.

Ayeefezu 4:2

Mwiiye oojipushuwisa, ookemaani, oovilela, mwihurumiyanaka mmote na nzeenu na oophetana.

Ayeefezu 4:32

Mwiiyane emaani na azeenu, ovilelana mmote na nzeenu, oswaamihana nkhama etthiipo Nluku ooswamihiyeenini khwa Al-Masiihu.

Afiliipu 1:15

Weekhweele atthu akina aninlaleya Al-Masiihu khwa nrima na ohitakhani, ila akina aninlaleya khwa niiya yooshapweya.

Akoloosu 1:11

Nininvekela Nluku yoori mwikhomaazaniwe owahi wooshi, khwa kuvu za siifwa yawe, yoori mwiiyane nthiti looshi na ovilela.

Akoloosu 2:18

Mwihinlikhelele ntthu onintuvelaaye ojipushuwisa woovonyeya na khwa waaputu malayikha wuukarawelani opattha tthuvo. Ntthu aya oto onthatela saaneene jozi zawe, na akhili zawe za onaatamu enimwinkha ojikhupali.

Akoloosu 3:12

Nakataalikha, nkhama atthu oothawuliwa a Nluku, attakatthiifu na oophetiwa, mwijiwalise huruma yawaatta, emaani, ojipushuwisa, ojiitthaaza na ovilela.

1 Atizaloonika 5:14

Ninuutumerelani mweeyo attwiizetthu, yoori mwiwaahirimize anamaviliwa, mwiwaalipisele apale ooshokhera, na mwiwaawuni apale ootteettheya, mwiwaavilele atthu ooshi.

1 Timootiyu 6:4

ntthu aya oto tu woojikhupali na woohijuwi hatha etthu. Onaaye olwele wontuvela onyakulisana na okheetisana nkatthi wa mattakhuzi antisaaye nrima, wuumani, mattukhano, waakanyerelana vitthu zootakhala,

2 Timootiyu 2:25

Owaalikhise woojipushuwisavo apale aniwuumananaaye, na nroromelo wa yoori Nluku awenkhe othupwiya owaajuwisaka haakhi.

2 Timootiyu 3:10

Ila weeyo onlottela wookharipweyavo masomi aka, menttezi aka, matakhelo aka, amini yaka, ovilela waka, pheta yaka, na okhanyarela waka,

2 Timootiyu 4:2

otafusiri nttakhuzi, wiiye woojitthenkeza khwa wakathi ama oje wa wakathi. Oshowere, olikhise, olipisele woopholevo na ovilela venkivene khwa thwapiya.

Tiitu 3:3

Waarivo wakathi na-fweeyo naari alolo, anamakhijili, meekhazi eetthu aari ottettekhiwa na oorettiwa oovitthwaana ti wakhula jaati ya tuvela na zootakha zeetthu. Naari wiikhala nkatthi wa vitthu zootakhala na nrima, niiphiranaka mmote na nzeetthu.

Tiyaaku 4:5

Ama mweeyo mwinoona yoori zawaatikhiwa zeetta oshika olupa yoori Rooho etile atthiiyeeyo mmwiili mweetthu ena wiivu nwulweene?

1 Pheeturu 2:1

Nakataalikha, mwilikhe vitthu zootakhala zooshi na ottettekha wooshi, onaafikhi, nrima na wakhula nanna ya ohankawaani.

1 Pheeturu 3:8

Omwiisho waya, wuupuwela weenu wiiye nanna moote, ohurumiyana, mwithoonyezaka pheta ya ottwi, mwiiye awoonelana tthakaraka na oojipushuwisa.

1 Pheeturu 4:8

Khwa zooshi, mwiphetane weekhweelevo wakhula mmote na nzeenu, maana pheta enswaamihi twampi zawaatta.

2 Pheeturu 1:7

va emaani, ojalana; va ojalana, pheta.

1 Yaahaya 4:11

Aphetani aka, nkhama etthiipo Nluku aniphetiyeezo, na fweeyo theenya nina yoophetana mmote na nzeetthu.