1 Akorintiyu 13:2 - Hapari Zooshapweya

² Hatha nkhama keetta wiiyana tthuvo ya otafusiri, khujuwa siiri zooshi zoovitheya, na ojuwa wooshi na khwiiyana amini enwahaaye othamisa nyaako, amana kihina pheta, akinpatthela hatha etthu.

1 Akorintiyu 13:2 Mawu Ofanana

Matewuzhu 13:11

Ye khuwaajipu: “Mweeyo mwenkhiwa ojuwa siiri za ofwalume wa pinkuuni, ila yo wala.

Matewuzhu 17:20

Ye khuwaajipu yoori: “Maana mweeyo amini mwiriina ttiitthiiru. Miiyo kiniwuuzani khweele yoori, eriwaka mweettiye wiiyana amini nkhama phunje ya samuli, mweetta owahi wuuza mwaako opu yoori: ‘Oleevo apha weette aphale’ weetta olawa, na khina etthu moote ya haari weettelaaye owaheya khwa mweeyo.”

Matewuzhu 21:19

Khoona muutthi wa mfikeera nshini wa tarikhi, khwaattama ila khuhisikanani hatha mishumo, khusikanamo mathaparu paasi, aphano khuri: “Weeyo khunteela wiima theenya mishumo!” Mfikeera opule khuuma nasaapiru.

Matewuzhu 21:21

Yinsa khujipu yoori: “Kiniwuuzani khweele yoori, amana mwiiyana amini na woohiina nshikili, mwinttela oretta woohiiyi epi zirettikhaniyeeyo khwa mfikeera opu paasi, ila hatha wuuza mwaako opu yoori: ‘Okhuleye ojeeselele mpahari’, zintta orettikhana.

Khaazi 13:1

Ojama wa Nluku wa Antiyookiya aarivo manapiyu na anamanozela, Baranabe, na Simiyooni aari wiittheliwaaye Wooriipa, Luusiyu wa Sireene, Manayimu aaleliweeyo vamote na nsatoro Herooti wa phiiri na Sawulu.

Arooma 11:25

Attwiizaku, akintakha yoori mwihijali siiri epi zootikinisa, mwihijoone nkhama ajuwi. Meezirayiilu eezelela wuumisa rooho zaya, mpakha ofiyela olikana wa amalapo.

Arooma 15:14

Attwiizaku, miiyo ena kinkhupalela yoori mweeyo mweetaala emaani saaneene na onozeleya, mwina makhaamu a olakana mmote na nzeenu.

Arooma 16:25

Apho, otule ariina owahi wa wuuhakikhini khwa hapari zooshapweya zaka, na olaleyiwa wa Yinsa Al-Masiihu, khwa nanna ya othoonyeziwa wa siiri zoovitheya khwa wakathi oviriyeeyo,

1 Akorintiyu 11:4

Wakhula nlume anlompaaye ama anhupiraaye afinikhiye eeshwa ontarawu eeshwa yawe.

1 Akorintiyu 12:28

Etthiipo, muujama wa Nluku, omwanzo Nluku awaatthaamo maaswihaapa; ya phiiri manapiyu; ya ttaatthu anamanozela; elottelanaka apale anrettaaye minjuza, apale ariina tthuvo ya ovonisa, apale ariina tthuvo ya waawuni, apale ariina tthuvo ya oshuka nzurukhu na apale anttakhulaaye luuka pheeya.

1 Akorintiyu 13:1

Hatha nkhama miiyo keetta ottakhula luuka za anaatamu na za malayikha, ila khuhiina pheta, kiniiya nkhama yuuma envumaaye ama nkhama ovuma wa laatha.

1 Akorintiyu 13:3

Hatha nkhama miiyo keetta owenkha asikhini zooshi kiriinaazo na khwinkha mwiili aka yoori olukuziwe, amana kihina pheta, epo zaya khiniiya hatha etthu.

1 Akorintiyu 13:8

Pheta khiniisha. Ila otafusiri oniisha, luuka ziniisha, ojuwa oniisha.

1 Akorintiyu 14:29

Monkoni wa manapiyu, attakhule atthu awiri ama attatthu, akinoko apheleleze saana etthu elupiweeyo.

1 Akorintiyu 14:39

Nakataalikha, attwiizaku, mweekese otafusiri saaneene na mwihikhattaze ottakhuliwa luuka pheeya.

1 Akorintiyu 14:4

Otule anttakhulaaye luuka pheeya onjijeka mweenyewe, ila otule antafusiraaye onjeka ojama wa Nluku.

1 Akorintiyu 15:51

Moone yoori miiyo kinlupa siiri zoovitheya yoori: khahiyo fooshi ninttelaaye ofwa, ila fooshi ninttela ozukulisiwa,

1 Akorintiyu 16:22

Nkhama owaapho ahinimphetaaye Mbwana, eeye Woolanikha. Ote Mbwana!

1 Akorintiyu 4:1

Nakataalikha, mweeyo mooshi mwinoone wiiya akarumeya a Al-Masiihu, eeyiyeeyo anamalikheliwa weettettisa shawuri ya siiri za Nluku.

1 Akorintiyu 7:19

Okhiriya khuna maana na ohikhiriyi theenya khahi hatha etthu, ila etthu ya fwayita oshututela oruma wa Nluku.

1 Akorintiyu 8:4

Nakataalikha, monkoni wa etthu yoojiwa yootwaheliwa sanamu, ninjuwa yoori sanamu khinthoonyeza hatha etthu voolumwenku na Nluku ori mmote paasi.

2 Akorintiyu 12:11

Kaari nlolo ottakhula toowo, ila ti mweeyo mwikikhanyareliye epo zaya. Miiyo kaarina ya orumiwa ti mweeyo, maana aki woopushuwa fwayita zayita “maaswihaapa apale awulu,” hatha nkhama aki paani.

Akaalata 5:16

Ila kinlupa yoori mwiikhale nkatthi wa Rooho ya Nluku, toowo khamwinlawa otuvelisa tuvela zoonaatamu.

Akaalata 5:22

Ila nshumo wa Rooho Ttakatthiifu pi opu: pheta, furaha, heeri, ovilela, okemaani, oshapweya rooho, waamineya,

Akaalata 6:3

Nkhama ntthu onjoona wiiya wa fwayita, ila ahiiyeeni hatha etthu, ontta ojittettekha mweenyewe.

Ayeefezu 3:4

Amana mwisoma mattakhuzi aya apo, mwintta ojuwa nanna miiyo enikeeleyaazo siiri za Al-Masiihu.

Ayeefezu 6:19

Na theenya mwikilompele yoori amana kittakhulaka kipatthe ominyala na kisala kinkhiwa mattakhuzi aya, yoori ejuwiwe siiri za hapari zooshapweya.

Akoloosu 1:26

siiri etthiipo zaari zoovitheya raku na khwa khapila, ila aphano athoonyeziwa attakatthiifu awe.

1 Timootiyu 3:16

Khayiivo shaakha yoori etile Nluku athoonyeziyeeyo khuluyeene monkoni wa Yinsa Al-Masiihu ti yootikinisa: Ye aajithoonyeziye nkhama pinaatamu, khuhakikhiwa ti Rooho Ttakatthiifu, khooniwa pi malayikha, khulaleyiwa tuniya zooshi, khukhupaliwa voolumwenku, khuweziwa pinkuuni nkatthi wa nuuru.

1 Yaahaya 4:8

Ila otule ahimphetaaye khaninjuwa Nluku mwaasa yoori Nluku pheta.