1 Akorintiyu 12:13 - Hapari Zooshapweya

¹³ Maana khwa mwiili mmote paasi noosiwa khwa Rooho moote: waaza mayaahuuti, akereeku, mpakha amwiitthwaana, hatha apale ootaphuliwa, fooshi napwekhera Rooho moote paasi.

1 Akorintiyu 12:13 Mawu Ofanana

Matewuzhu 3:11

“Miiyo kiniwoosani na maati yoori mwithoonyeze othupwiya. Paata ya miiyo, onta nkina ariina owahi zayita miiyo, wala akina makhaamu oothuula jampali zawe. Ye onttela owoosani na Rooho ttakatthiifu na moottho.

Luuka 3:16

Ye khuwooza ooshi apale aariivo yoori: “Weekhweele miiyo kiniwoosanani maati, ila onta nkina ariina owahi wookiziti miiyo, wala akinsuhi ofukula mikhoyi za jampali zawe. Ye onteela owoosani na Rooho Ttakatthiifu na moottho.

Yaahaya 1:16

Maana fooshi napwekherela phantte ya zooshi ariina na rehema khwa rehema.

Yaahaya 1:33

Miiyo akaari onjuwa paani yaya, ila otule akirumiyeeyo omoosa na maati, khukuuza yoori: ‘Weeyo onteela woona Rooho Ttakatthiifu yiishukhaka na emmorelaka, ntthu aya oto ti anoosanaaye Rooho Ttakatthiifu.’

Yaahaya 3:5

Yinsa khujipu yoori: “Miiyo kiniwuuzani khweele yoori, aheetteeni ovokoliwa na maati na Rooho khina anwahaaye weetta muufwalume wa Nluku.

Yaahaya 4:10

Yinsa khunjipu yoori: “Weeyo eriwaka waari ojuwa tthuvo ya Nluku na paani anuuvekelaaye maati, weeyo weetta onvekela na ye eetta owinkha maati ohaayi.”

Yaahaya 4:14

ila otule anttelaaye onywa maati kinttelaaye omwinkha khanlawa wiiyana nnyottha theenya. Olikha toowo, maati kinttelaaye owinkha anttela oretteya naattuuttu wa wiittikha maati a ohaayi wa mileele.”

Yaahaya 6:63

Rooho ya Nluku eninkha ohaayi, ila mwiili khuna fwayita. Mattakhuzi apa kiwuuziyeenini pi a rooho na ohaayi.

Khaazi 1:5

Maana Yaahaya awoosani na maati, ila nkatthi wa siikhu vattitthiiru mweeyo mwinteela woosiwa na Rooho Ttakatthiifu.”

Arooma 3:22

shariya ya Nluku khwa amini ya Yinsa Al-Masiihu khwa apale ooshi aninkhupalaaye. Khawiivo ofwarikhana,

Arooma 3:29

Niri Nluku, Nluku wa mayaahuuti paasi? Ye khahiyo Nluku theenya wa amalapo? Aaa theenya ti wa amalapo,

Arooma 4:11

Etthiipo ye apwekherela okhiriya nkhama alama na nkhama ephariselo ya shariya aariinaaye khwa amini, wakathi nalelo aari ahinakhiriye. Nakataalikha, ye ti paapa wa ooshi apale ankhupalaaye, hatha nkhama khakhiriyeeni, yoori shariya yiiye okhupaleliwa theenya pi yo.

1 Akorintiyu 10:2

Khwa Munsa, ooshi apo oosiwa mmawiku na mpahari.

Akaalata 3:23

Ohinate wakathi wa amini naari nkatthi wa kano na yaari oniretta wiiya woofukeya, mpakha ofiyelela othoonyeziwa amini yaari weettelaaye ota.

Akaalata 3:28

Khina yaahuuti wala kereeku, ama mwiitthwaana wala woohiiyi mwiitthwaana, wala muukha ama nlume, mooshi mwa amoteru khwa Yinsa Al-Masiihu.

Ayeefezu 3:6

Eto enlupa yoori khwa hapari zooshapweya amalapo anrithi vamote parakha na meezirayiilu, maana atthu a mwiili mmote na anaaye phantte khwa etile Yinsa Al-Masiihu ahitiyeeyo nkatthi wa hapari zooshapweya.

Ayeefezu 4:5

Mbwana mmote paasi, amini eri moote paasi, woosiwa ori mmote paasi,

Ayeefezu 5:26

yoori atwahareshe attakatthisaka, oosaka na maati khwa nttakhuzi lawe,

Ayeefezu 6:8

Maana mwinjuwa yoori Mbwana onteela oninkha phakari khwa wakhula etile ntthu anrettaaye yooshapweya, waaza mwiitthwaana mpakha otule woohiiyi mwiitthwaana.

Akoloosu 1:27

Shawuri ya Nluku ti yoori amalapo ajuwe maali ya siifwa ya siiri eto, eeyiyeeyo Al-Masiihu khwa mweeyo, nroromelo wa siifwa.

Akoloosu 3:11

Khwa ohaayi opu mpheya khawiivo ofwarikhana khwa amalapo na mayaahuuti, ookhiriya na oohikhiriyi, woosilimu wala woohisilimu, mwiitthwaana na wootaphuliwa, ila Al-Masiihu zooshi na ori khwa atthu ooshi.

1 Pheeturu 3:21

Nasaapi eti maati apo anthoonyeza njampo la woosa liniwuusurwaanini mweeyo, khahiyo mwaasa wa olaza ttaakha za mwiili, ila khwa ahiti ya akhili zooshapweya mmakhono wa Nluku khwa osisimuwa wa Yinsa Al-Masiihu,